Gujarati News

Gujarati News

News of Saturday, 20th October 2018

અમદાવાદની વી.અેસ., શારદાબેન, અેલ.જી., નગરી હોસ્પિટલમાં આઉટસોર્સિંગ મેડિકલ સર્વિસ લેવા માટે કોર્પોરેશન તૈયાર

અમદાવાદ: AMCના સ્ટેન્ડિંગ કમિટી ચેરમેન અમૂલ ભટ્ટના મતે વી.એસ., શારદાબેન, એલ.જી અને નગરી હોસ્પિટલમાં આઉટસોર્સિંગ મેડિકલ સર્વિસ લેવા માટે કોર્પોરેશન તૈયાર છે. સ્ટેન્ડિંગ કમિટી ચેરમેન અમૂલ ભટ્ટે કહ્યું કે, “રોડ-રસ્તા, પાણી અને ગટરની સુવિધા પૂરી પાડવાનો અમારો મેન્ડેટ છે. અમે આ સેવાઓને વધુ મજબૂત બનાવવા માગીએ છીએ. એટલે જ સ્વૈચ્છિક રીતે પૂરી પાડવામાં આવતી અન્ય સેવાઓનું આઉટસોર્સિંગ કરવામાં આવશે.”

આ કારણે કરાશે ખાનગીકરણ

અમૂલ ભટ્ટે જણાવ્યું કે, “સ્વીમિંગ પુલની જેમ અમદાવાદ મ્યુનિસિપલ કોર્પોરેશન (AMC) મેડિકલ સુવિધાઓનું ખાનગીકરણ કરવા માટે તૈયાર છે. મેડિકલ સર્વિસનું ખાનગીકરણ કરતાં જે રકમ બચશે તેને રોડ-રસ્તા, પાણી અને ગટરની સુવિધાઓ વધુ સારી બનાવવા પાછળ ખર્ચી શકાશે. AMCએ ગાર્ડનની જાળવણીનું કામ ખાનગી એજન્સીઓને સોંપવાનું શરૂ કરી દીધું છે.”

નવી વીએસ હોસ્પિટલ માટે આ પ્લાન

એક સીનિયર અધિકારીએ જણાવ્યું કે, વી.એસના કેમ્પસમાં બનાવાયેલી નવી હોસ્પિટલ ઉદ્ઘાટન બાદ પ્રાઈવેટ સેક્ટરના પ્રોફેશનલ્સ દ્વારા ચલાવવામાં આવશે. અધિકારીઓના મતે, નગરી હોસ્પિટલનું પણ ખાનગીકરણ કરવા માટે AMC વિચારણા કરી રહ્યું છે. હાલ તો આ હોસ્પિટલનું રિનોવેશન ચાલી રહ્યું છે. રિનોવેશન પૂર્ણ થતાં આઠ માળની હોસ્પિટલ તૈયાર થઈ જશે.

(5:17 pm IST)
  • ટ્રેન દુર્ઘટના બાદ નવજોત કૌર સિદ્ધુ હોસ્પિટલ પહોંચ્યા :દુર્ઘટના બની ત્યારે મેં સ્થળ છોડી દીધું હતું :ઇજાગ્રસ્તોને સારવાર મળે તેને પ્રાધાન્ય આપવું જોઈએ :જે લોકો આ બનાવ પર રાજકારણ કરી રહ્યા છે તેઓ શરમ આવવી જોઈએ;વિપક્ષના આક્ષેપનો નવજોત કૌર સિદ્ધુનો આકારો જવાબ access_time 1:10 am IST

  • કર્ણાટકના પ્રસિદ્ધ લિંગાયત સંત સિદ્ધલિંગ સ્વામીનું ઉત્તર-પશ્ચિમ ક્ષેત્રના ગદાંડમાં નિધન : સિદ્ધલિંગ સ્વામીના તોતાડાર્ય મઠના એક સભ્યે આ માહિતી આપી :મુખ્યમંત્રી કુમારસ્વામીએ સિદ્ધલિંગ સ્વામીના નિધન પર ઊંડા દુઃખની લાગણી વ્યક્ત કરી access_time 12:42 am IST

  • બનાસકાંઠા:ડીસાના માણેકપૂરા ગામે ગરબા કાર્યક્રમમાં અલ્પેશ ઠાકોરની હાજરી:ગઈકાલે અલ્પેશ ઠાકોરનું માથું વાઢી લાવવા ઇનામ જાહેર કરતા ગરબા સ્ટેજ પરથી કર્યો લલકાર: મને મારવાના સપના જોનારાઓને કહું છું, રાત્રે 12 વાગે પણ એકલો ફરું છું જેને મારવો હોય તે આવી જાય access_time 5:32 pm IST