Gujarati News

Gujarati News

News of Saturday, 20th October 2018

ધાનેરાના જડીયા ગામે ગોગા મહારાજના મંદિરમાં ચોરી

ધાનેરા તાલુકાના જડીયા ગામે ચોરીના બનાવો વધી રહ્યા છે. અને એક મહીનામાં ચોરીનો ત્રીજો બનાવ બનવા પામ્યો છે. ૧૮ ઓક્ટોમ્બરની રાત્રીના સમયે કોઇક ઇસમો ગામમાં આવેલ ગોગા મહારાજના મંદિરમાં ચોરી કરીને ગોગા મહારાજની ૧૦૪૯ ગ્રામની ચોદીની મુર્તિ લઇને ફરાર થઇ ગયા હોવાના સમાચાર સવારે મળતાં ગામના લોકો ધાનેરા પોલિસ મથકે ફરીયાદ નાંધાવવા માટે આવ્યા હતા.

 અજાણ્યા ઇસમો સામે ગોગા મહારાજની ૧૦૪૯ ગ્રામની ચોદીની મુર્તિ કિ ૩૭૦૦૦ ની ચોરીની ફરીયાદ પ્રવિણભાઇ ભુરાભાઇ ચૌધરી એ નાંધાવતા પોલિસે તપાસ હાથ ધરી છે.

  આ અંગે પ્રવિણભાઇ ચૌધરીએ જણાવેલ કે જડીયા ગામમાં કેટલીયે ચોરીઓ થવા પામી છે જેનો આજ સુધી પોલિસે ઉકેલ લાવ્યો નથી. પરંતુ આ એક મહીનામાં ચોરીનો ત્રીજો બનાવ બનવા પામ્યો છે, અને પોલિસ કોઇ કાર્યવાહી ન કરવાથી આ તરસ્કરોને મેદાન મોકલુ મળી ગયુ છે.

(12:52 pm IST)