Gujarati News

Gujarati News

News of Sunday, 20th September 2020

નાંદોદના માંગરોળ ગામેં સેવા સપ્તાહ નિમિત્તે વિદ્યાર્થીઓને નોટબુકો તથા સફાઈ અભિયાન માટે થેલીઓનું વિતરણ

નર્મદા જિલ્લાના માંગરોળ ગામના સેવાભાવી વ્યક્તિ મહેન્દ્ર ભાઈ પ્રજાપતિ સ્વખર્ચે વર્ષો થી લોકસેવા કર્યો કરે છે.

(ભરત શાહ દ્વારા) રાજપીપળા : નર્મદા જિલ્લાના નાંદોદ તાલુકાના માંગરોળ ગામમાં સેવા સપ્તાહ નિમિત્તે આજે વિદ્યાર્થીઓને નોટબુકોના વિતરણ સાથે સફાઈ અભિયાન માટે કાપડ ની થેલીઓનું પણ વિતરણ ગામના સેવાભાવી મહેન્દ્રભાઈ પ્રજાપતિ દ્વારા કરવામાં આવ્યું હતું.જોકે વર્ષો થી સેવાકીય પ્રવૃત્તિ સાથે સંકળાયેલા મહેન્દ્રભાઈ ગામે ગામ જઈ સ્વખર્ચે કાપડની થેલીઓ વિતરણ કરતા આવ્યા છે તેમણે આજે માંગરોળ ગામના બાળકો ને નોટબુકો નું વિતરણ કરી વધુ એક સારૂ સેવાકાર્ય કર્યું હતું.

  ઘણા વર્ષો થી આવા સેવાકાર્ય કરતા આવેલા વામનકદના મહેન્દ્રભાઈ પ્રજાપતિ પ્લાસ્ટિક મુક્ત ભારત ના સરકાર ના સંદેશ માટે સતત નિસ્વાર્થ ભાવે કાપડ ની થેલીઓ અવનવા સંદેશ સાથે વિનાલ્યે વિતરણ કરી નર્મદા જિલ્લામાં જાગૃતિ લાવવા પ્રયાસ કરી રહ્યા છે તેમના આ સેવાકાર્યને  ઠેર ઠેર થી સારો આવકાર પણ મળી રહ્યો છે ત્યારે પ્લાસ્ટિક નો ઉપયોગ નહિ કરી કાપડ ની થેલીઓ વાપરવા ના સંદેશ સાથે સતત ઝઝૂમતા મહેન્દ્રભાઇ ના આ સેવાકાર્ય થી આવનારા સમય માં નર્મદા જિલ્લાના લોકોમાં મોટી જાગૃતિ જરૂર આવશે તેમાં કોઈ બેમત નથી.

(9:08 pm IST)
  • ભારત અને ચીન આવતીકાલે સવારે 11 વાગ્યે, ચુશુલ-મોલ્ડોની ચીની બાજુમાં, છઠ્ઠા કોર્પ્સ કમાન્ડર કક્ષાનો સંવાદ યોજશે. મોસ્કોમાં બંને દેશોના વિદેશ મંત્રીઓની બેઠક બાદ આ પહેલી કોર્પ્સ કમાન્ડર બેઠક હશે. MEA ના જોઇન્ટ સેક્રેટરી પણ ઉપસ્થિત રહે તેવી સંભાવના છે. access_time 10:04 pm IST

  • ચૂંટણી પહેલા બિહારને વડાપ્રધાન શ્રી મોદીની 14 હજાર કરોડ રૂપિયાની ભેટ : 21 સપ્ટેમ્બરના રોજ વિડિઓ કોન્ફરન્સ દ્વારા 9 પ્રોજેક્ટ ખુલ્લા મુકશે : ગંગા નદી ઉપર 17 બ્રિજ બાંધવાનું આયોજન : દર 25 કિલોમીટરના અંતરે ગંગા નદી ઉપર એક પુલ જોવા મળશે : હાઈવેની લંબાઈ તથા પહોળાઈ વધશે : લોકોની સુવિધામાં વધારો થશે access_time 8:36 pm IST

  • ઉકાઇ ડેમની જળસપાટીમાં સતત વધારો : જળસપાટી ૩૪૩ ફૂટે પહોંચી : ભયજનક સપાટીથી માત્ર બે ફૂટ દૂર : લોકોના નિચાણાવાળા વિસ્‍તારમાંથી દુર ખસી જવા તંત્રની અપીલ access_time 1:32 pm IST