Gujarati News

Gujarati News

News of Sunday, 20th September 2020

દિલ્હીથી સુરતમાં આવીને ચોરી કરતી ગેંગ ઝડપાઈ

આરોપીઓએ ૧૦થી વધુ ગુન્હા કર્યા : દેશના અલગ અલગ રાજ્યોના એટીએમથી રોકડા રૂપિયા ઉપાડતી આંતરરાજ્ય ગેંગને મુદ્દામાલ સાથે ઝડપી પાડી

સુરત, તા.૨૦ : શહેરના એટી, એમમાંથી કાર્ડ રિડરની ચોરી કરી તેના ડેટાથી ક્લોનિંગ મશીન દ્વારા ડુપ્લિકેટ એ.ટી.એમ કાર્ડ બનાવી લોકોના ખાતામાંથી દેશના અલગ અલગ રાજ્યોના એટીએમમાંથી રોકડા રૂપિયા ઉપાડતી આંતરરાજ્ય ગેંગને મુદ્દામાલ સાથે ક્રાઇમ બ્રાન્ચે ઝડપી પાડી છે. આ ગેંગ ખાસ બિહારથી દિલ્હી અને દિલ્હીથી ફાલાઇટ દ્વારા સુરત આવતા હતા. સુરત શહેરમાં ગરીબ મધ્યમ વર્ગના લોકોના મહેનતના રૂપિયા ડુપ્લિકેટ એટીએમ કાર્ડ દ્વારા બેંક ખાતામાંથી બારોબાર ઉપાડી જતા હોવાની અનેક ફરિયાદો પોલિસ મથકોમાં દાખલ થઇ હતી. જેથી સુરત શહેર ક્રાઇમ બ્રાન્ચ દ્વારા બનેલ આવા પ્રકારના બનાવોની માહીતિ એકત્રિત કરી બેંકો તેમજ હિટાચી કંપનીનો સંપર્ક કરી ડુપ્લિકેટ એટીએમ કાર્ડ દ્વારા બેંક ખાતામાંથી બારોબાર રૂપિયા ઉપાડ કરી લેતા વ્યક્તિનો સુધી પહોચવાના સતત મહેનતપૂર્ણ પ્રયત્નો હાથ ધરતા ટેકનિકલ સર્વેલન્સ, સીસીટીવી ફુટેજ તેમજ હ્યુમન સૌર્સમારફતે આખરે સુરત ક્રાઇમ બ્રાન્ચને સફળતા મળી હતી.

          પોલિસ પુછપરછમાં જાણવા મળ્યુંહતું કે આરોપીઓ  બિહારથી દિલ્લી અને દિલ્લીથી સુરત ફ્લાઈટ મારફતે આવીને સુરત શહેરમાં ડીંડોલી, ઉધના, લિમ્બાયત, સચિન, સચિન જીઆઈડીસી, પાર્ડેસરા, પુણા વિસ્તારમાં અલગ અલગ જગ્યાએ આવેલી એન.સી.આર કંપનીના એક્સિસ બેક્નના એટીએમ ટાર્ગેટ કરીને એક્સિસ બેક્નના એટીએમ મીશનનુ હુડ ડુપ્લેકટ ચાવી વડે ખોલી દેતા હતા. એટીએમમાંથી પૈસા ઉપાડ કરવા આવતા જતા વ્યક્તિના કાર્ડના ડેટા ચોરી કરવાના ઇરાદે તે એટીએમના કાર્ડ રીડરમાં ચીપ ઇન્સર્ટ કરી કાર્ડનો ડેટા કોપી કરી ચોરી કરતુ સ્કીમર ડીવાઇસ ફીટ કરી એટીએમ મીશનમાં કેશ ઉપાડવા આવતા વ્યક્તિઓની આજુ બાજુમાં ઉભા રહી જઇ તે વ્યક્તિના એટીએમ કાર્ડના પીન નંબર તથા એટીએમ કાર્ડ પર રહેલા છેલ્લા ચાર ડીઝીટ જોઇ લખી લેતા હતા. આમ કરીને દિલ્લી ફિરોજપુર જઈ એટીએમમાંથી પૈસા ઉપાડી લેતા આમ તેઓએ સુરત શહેર સિવાય મુબઈ, દિલ્લી, બિહાર, ઝારખંડ, ઉતરપ્રદેશ તેમજ ભારતના અલગ અલગ રાજ્યોમાં જઇને પણ ગુનાઓ આચરેલા છે. ઝડપાયેલા આરોપીઓએ ૧૦થી વધુ ગુન્હા આચરેલ હોવાનું સામે આવ્યું છે. જેની ફરિયાદ તેમજ અરજીઓ પોલિસ મથકમાં મળી છે. ઉપરાંત ઉતરપ્રદેશ અને ઝારખંડમાં પણ તેમનીસામે ગુન્હા નોધાયેલા છે.

(7:48 pm IST)
  • કોરોનાના કહેર વચ્ચે નવા પોઝીટીવ કેસ કરતા સતત ત્રીજા દિવસે સ્વસ્થ થનારની સંખ્યા વધુ : રિકવરી રેઈટ 80 ટકા નજીક પહોંચ્યો : રાત્રે 11-30 વાગ્યા સુધીમાં નવા 82,559 પોઝીટીવ કેસ નોંધાયા : કુલ કેસનો આંક 54,80,779 થયો : 10.03,443 એક્ટીવ કેસ : વધુ 88,996 દર્દીઓ સાજા થતા કુલ 83,88,690 રિકવર થયા : વધુ 1093 લોકોના મોત સાથે મૃત્યુઆંક 87,867 થયો access_time 12:02 am IST

  • ભારત અને ચીન આવતીકાલે સવારે 11 વાગ્યે, ચુશુલ-મોલ્ડોની ચીની બાજુમાં, છઠ્ઠા કોર્પ્સ કમાન્ડર કક્ષાનો સંવાદ યોજશે. મોસ્કોમાં બંને દેશોના વિદેશ મંત્રીઓની બેઠક બાદ આ પહેલી કોર્પ્સ કમાન્ડર બેઠક હશે. MEA ના જોઇન્ટ સેક્રેટરી પણ ઉપસ્થિત રહે તેવી સંભાવના છે. access_time 10:04 pm IST

  • ગુજરાતમાં અધધધ ૧૨૯ ટકા વરસાદ પડી ગયો : ગુજરાતમાં આ સિઝનનો 129 ટકાથી વધુ વરસાદ પડી ગયાનું જાહેર થયું છે. access_time 2:38 pm IST