Gujarati News

Gujarati News

News of Sunday, 20th September 2020

દિકરાઓને કામધંધો કરવાનું કહેતા પિતાને ઢોર માર માર્યો

પિતાને માર્યા બાદ બંન્ને દિકરોઓ ભાગી ગયા : બંને પુત્રો ઉશ્કેરાઈ ગયા હતા અને પિતા સાથે ઝઘડો કરી બિભત્સ ગાળો બોલી ઘરથી કાઢી મૂકવાની ધમકી આપી

અમદાવાદ, તા.૨૦ : સંતાનને માતા-પિતાની ઘડપણની લાકડી માનવામાં આવે  છે. પરંતુ જ્યારે આ લાકડી માર સ્વરૂપે ઘરડા માતા પિતાને પડે તો શું? શહેરના શાહીબાગમાં પિતાની ઘડપણની લાકડી જ લોખંડની પાઈપ વડે પિતા પર તૂટી પડી છે. પિતાનો વાંક એટલો જ હતો કે, સંતાનોની જિંદગીને બરબાદીના પંથે જતી અટકાવવા માટે સલાહ આપી. શાહીબાગમાં રહેતા વિનોદભાઈએ પોલીસ ફરિયાદ આપી છે કે, તેમના બે પુત્રો રવિન્દ્ર અને વિશાલ કોઈ કામધંધો કરતા નથી અને ખોટા મિત્રોની સોબત કરીને અવાર નવાર ઝઘડા તકરાર કરે છે. જેથી તેમને બંને પુત્રોને ખોટા મિત્રોની સોબત છોડી ને કામધંધે લાગવાની સલાહ આપી હતી. જેથી બંને પુત્રો ઉશ્કેરાઈ ગયા હતા અને ફરિયાદી સાથે ઝઘડો તકરાર કરી બિભત્સ ગાળો બોલી ઘરમાંથી કાઢી મૂકવાની ધમકી આપી હતી.

            જે બાદ ફરિયાદીએ ઝઘડો ના કરવાનુ  કહેતા જ બંને પુત્રોએ ફરિયાદીને માર મારવા લાગ્યા હતા. રવિન્દ્રએ ખાટલાના લોખંડની પાઈપ લઈ ફરિયાદીના માથાના પાછળના ભાગે મારી દીધી હતી. જોકે, ફરિયાદીએ બૂમાબૂમ કરતા આસપાસના લોકો એકઠા થઇ ગયા હતા. અને સમગ્ર ઘટનાની જાણ પોલીસને કરી હતી. પરંતુ પોલીસ આવે તે પહેલાં જ આરોપીઓએ તેના પિતાને જાનથી મારી નાખવાની ધમકી આપીને ત્યાંથી ફરાર થઈ ગયા હતા. જ્યારે પોલીસ ફરિયાદ થતાં જ હાલમાં પોલીસે આ સમગ્ર મામલે વધુ તપાસ શરૂ કરી છે.

(7:40 pm IST)
  • ભારે ધમાલ વચ્ચે કૃષિ બિલ પસાર : વિપક્ષના ભારે વિરોધ અને જબબર ધાંધલ ધમાલ વચ્ચે રાજ્યસભામાં મોદી સરકારે રજૂ કરેલઆ ત્રણેય કૃષી બિલ પાસ થયા છે. લોકસભા દ્વારા આ પહેલા જ આ ખરડાઓને મંજૂરી મળી ચૂકી છે. વિપક્ષો દ્વારા બિલની કોપી ફાડવાની ઘટના પણ સર્જાયેલ. રુલ બુક ઉછાળી. માઇક તોડ્યા. બિલ વોઇસ વોટથી પાસ થયું છે. વિપક્ષોએ માર્શલ સાથે પણ માથાકૂટ કરી હતી. access_time 3:36 pm IST

  • મુંબઈમાં મોડી સાંજથી દે-ધનાધન વરસાદ પડે તેવી સંભાવના : મુંબઈ આજે સાંજે ૭ થી ૧૨ વચ્ચે બે ઇંચ જેવો ગાજવીજ સાથે ભારે વરસાદ પડવાની પૂરી સંભાવના હોવાનું જાણીતા વેધર વોચર કેન્ની તેમના ટ્વિટર હેન્ડલ પર જણાવે છે ખાસ કરીને દ. મુંબઈમાં વરસાદની અસર વધુ જોવા મળશે. access_time 2:38 pm IST

  • રાજ્ય સભામાં શરમ જનક દ્રશ્યો સર્જાયા વિપક્ષી સભ્યો ગૃહમાં વેલ સુધી ધસી ગયા માઇક ખેંચી લેવાના પ્રયાસ, સાંસદ ડેરેક ચેરમેનની ખુરશી સુધી પહોંચી ગયા અને કાગળો ફાડ્યા, સાંસદોએ અધ્યક્ષના ટેબલ ઉપરના માઈક ખેંચી કાઢવા પ્રયાસ કર્યા, ગ્રુહને મુલતવી રાખવામાં આવેલ છે. access_time 2:39 pm IST