Gujarati News

Gujarati News

News of Saturday, 19th September 2020

પિતરાઈ ભાઈઓના બેફામ ખર્ચાએ 15 લાખની ચોરીનો ભાંડો ફૂટ્યો: કાવી પોલીસે મુદ્દામાલ સાથે ધરપકડ કરી

બેફામ ખર્ચાઓ કરવા માંડતા કાવી પોલીસને બંનેએ કંઈક કાળુંધોળું કર્યું હોવાની શંકા

લોકડાઉન દરમ્યાન જંબુસરના દહરી સ્થિત સોલાર એનર્જીના બંધ યુનિટમાંથી રૂપિયા 15 લાખની સોલાર પ્લેટની ચોરી કરનાર ત્રણ સ્થાનિકો પૈકી 2 લોકોની કાવી પોલીસે ધરપકડ કરી છે. છેલ્લા કેટલાક સમયથી આરોપી બે પિતરાઈ ભાઈઓના ખર્ચા વધતા પોલીસને શંકા ગઈ હતી. જેના આધારે તપાસમાં ભાંડો ફૂટ્યો હતો. કાવી પોલીસ દ્વારા ધરપકડ કરાયેલા બે પિતરાઈ ભાઈઓ દીક્ષિત પટેલ અને હેતલ પટેલ ચોરીની મોટી ઘટનાને અંજામ આપી બેફામ ખર્ચાઓ કરવા માંડતા કાવી પોલીસને બંનેએ કંઈક કાળુંધોળું કર્યું હોવાની શંકા થઈ હતી.    

  બાતમીદારો દ્વારા તપાસ કરતા દિક્ષિત પટેલના ખેતરની ઓરડીમાં સોલાર પ્લેટોનો મોટો જથ્થો હોવાનું પણ જાણવા મળ્યું હતું. કાવી પોલીસ સ્ટેશનની હદમાં આવેલા દહેરીમાં સોલાર એનર્જી પ્લાન્ટમાંથી પણ મોટાપાયે સોલાર પ્લેટોની ચોરી થઈ હોવાનું પોલીસના ધ્યાન ઉપર હતું.જેથી બંને મામલાઓની કડીઓ ક્યાંક ને ક્યાંક એકબીજા સાથે જોડાયેલી હોવાનો ઈશારો મળતા દીક્ષિતની અટકાયત કરી પૂછપરછ શરુ કરાઈ હતી. દીક્ષિતે પોલીસ સમક્ષ ગુનાની કબૂલાત કરી લોકડાઉન દરમ્યાન બંધ રહેલ સોલાર પાવ પ્રોજેક્ટમાંથી દીક્ષિતે તેના ભાઈ હેતલ અને સલીમ જાદવની મદદથી ૨૪૧ સોલાર પ્લેટોની ચોરી કરેલી હોવાનું કબૂલાત કરી હતી. દીક્ષિતની માહિતીના અર્ધ પોલીસે હેતલની પણ ધરપકડ કરી લીધી હતી જયારે સલીમ નાસી છૂટ્યો છે. દીક્ષિતના ખેતરમાં તપાસ કરતા ૧૧૭ પ્લેટો પણ મળી આવી હતી. પોલીસે બંને પિતરાઈ ભાઈઓની ધરપકડ કરી ફરાર ત્રીજા આરોપીની શોધખોળ શરુ કરી છે.

(12:34 am IST)
  • ચૂંટણી પહેલા બિહારને વડાપ્રધાન શ્રી મોદીની 14 હજાર કરોડ રૂપિયાની ભેટ : 21 સપ્ટેમ્બરના રોજ વિડિઓ કોન્ફરન્સ દ્વારા 9 પ્રોજેક્ટ ખુલ્લા મુકશે : ગંગા નદી ઉપર 17 બ્રિજ બાંધવાનું આયોજન : દર 25 કિલોમીટરના અંતરે ગંગા નદી ઉપર એક પુલ જોવા મળશે : હાઈવેની લંબાઈ તથા પહોળાઈ વધશે : લોકોની સુવિધામાં વધારો થશે access_time 8:36 pm IST

  • મેઘાલયમાં ભૂકંપ : મેઘાલયમાં 'તુરા'થી ૮૦ કિલોમીટર ઉત્તર તરફ ૩.૮ રિક્ટર સ્કેલનો ભૂકંપનો આંચકો આવ્યો છે. access_time 10:37 pm IST

  • સતત આઠમા દિવસે ડિઝલના ભાવમાં ઘટાડો: પેટ્રોલના ભાવ યથાવત: ડીઝલના ભાવમાં 18 પૈસાનો ઘટાડો :ડીઝલનાં ભાવમાં આજે આઠમા દિવસે 18 પૈસાનો ઘટાડો, જયારે પેટ્રોલનો ભાવ ત્રણ દિવસથી યથાવત. ભાવમાં ઘટાડો સવારે છ વાગ્યા થી લાગુ થશે. access_time 11:58 pm IST