Gujarati News

Gujarati News

News of Thursday, 20th September 2018

અમદાવાદમાં આંગડિયા પેઢીની ઓફિસે પહોંચાડવાના 50 લાખ લઇ રફુચક્કર થયેલ કર્મચારી ક્રાઇમ બ્રાન્ચના સકંજામાં

અમદાવાદ:રતનપોળમાં આવેલી એક આંગડીયા પેઢીના મુંબઈની ઓફિસે પહોંચાડવાના ૫૦ લાખ રૃપિયા લઈને ફરાર થઈ ગયેલાપેઢીના કર્મચારીની ક્રાઈમ બ્રાંચે ધરપકડ કરી છે. આ ગુનામાં તેનો ભાઈ પણ સંડોવાયેલો છે પણ તેનો પતો લાગ્યો નથી.આરોપીઓ પાસે મુંબઈ મોકલવાના અન્ય પેઢીના પૈસા હોવાનું પણ પોલીસે જણાવ્યું હતું.ક્રાઈમ બ્રાંચે આ કેસમાં પાટણના કુંવરજી જ્યંતીભાઈ ઠાકોરની ધરપકડ કરી છે. જ્યારે તેનો ભાઈ પ્રવિણજી ઠાકોર ફરાર છે. આ બનાવની વિગત મુજબ રતનપોળમાં ડોશીવાળની પોળમાં રાજેશકુમાર મણીલાલ એન્ડ કંપની નામની આંગડીયા પેઢી આવેલી છે. પેઢીની મુંબઈના મલાડમાં પણ ઓફિસ આવેલી છે. આ પેઢીની મુંબઈ ઓફિસમાં કામ કરતો કુંવરજી ઠાકોર અવારનવાર અમદાવાદ તથા મુંબઈ ઓફિસેથી રોકડ રકમ લાવવા લઈ જવાનું કામ કરતો હતો.

(5:00 pm IST)
  • શીન્જો આબે ફરી જાપાનના વડાપ્રધાન બનશે : ભારત સાથે ગાઢ દોસ્તી : જાપાનમાં તેમની ઝળહળતી કામગીરી : બીજી વખત સુકાન સંભાળશે : જાપાનની પ્રજાએ ફરી કળશ ઢોળ્યોઃ સામાન્ય ચૂંટણીમાં વિજય access_time 3:06 pm IST

  • રાજકોટ સિવિલ હોસ્પિટલના ૧૪૬ ડોકટરોની અચાનક બદલી થતાં ભારે કચવાટ : ભયાનક રોગચાળો મોઢું ફાડીને ઉભો છે ત્યારે ફેંકાફેંકી થતા ભારે ઉહાપોહ access_time 1:37 pm IST

  • એક સાથે બે સિસ્ટમ્સ સક્રિય : આવતીકાલથી પંજાબ સહિત ૫ રાજયોમાં વરસાદી તાંડવની શકયતા: બંગાળના અખાત મધ્યે ડીપ ડીપ્રેશન બન્યુ છે : પશ્ચિમી હિમાલય ઉપર પણ મોટી હલચલ હવામાનને અસર કરશે : પંજાબ - દિલ્હી - હરિયાણા - ઉત્તરપ્રદેશમાં ભારે વરસાદ પડશે : ૧૫ દિવસ ચોમાસુ : છવાયેલુ રહેશે : આવતીકાલે ૨૧ થી ૨૪ વચ્ચે પંજાબ - હરિયાણાના અનેક વિસ્તારોમાં વરસાદ પડશે : કેટલેક સ્થળે ભારે વર્ષા access_time 3:20 pm IST