Gujarati News

અમદાવાદના મણીનગર પોલીસમાં ફરજ બજાવનાર એક હેડ કોન્સ્ટેબલ 60 હજારની લાંચ લેતા રંગે હાથ ઝડપાયો છે એસીબીએ હેડ કોન્સ્ટેબલને લાંચ લેતા ઝડપી પાડ્યો છે

 આ અંગેની વિગત મુજબ અમદાવાદના હેડ કોન્સ્ટેબલ તરીકે ફરજ બજાવનાર હસમુખ પટેલે એક વ્યક્તિને ઝડપી કહ્યું કે, તારૂ એક પ્રોહિબિશનના કેસમાં નામ ખુલ્યું છે, તારી ધરપકડ કરવામાં આવશે. કોન્સ્ટેબલે આ વ્યક્તિને ધરપકડથી બચવા માટે ઓફર આપી કે, જ્યાં સુધી તને આગોતરા જામીન ન મળે ત્યાં સુધી, તને સમય આપવામાં આવશે, તથા તારા ઘરે વારંવાર તપાસના નામે હેરાન પણ નહીં કરવામાં આવે. આ માટે હેડ કોન્સ્ટેબલે તેની પાસે 60 હજાર રૂપિયાની લાંચની માંગણી કરી હતી.

  જોકે, હેડ કોન્સ્ટેબલના દબાણનો ભોગ બનેલ વ્યક્તિએ આખરે આ મુદ્દે એસીબીને જાણ કરી, અને ફરીયાદ નોંધાવી. એસીબીએ પણ હેડ કોન્સ્ટેબલને રંગે હાથ ઝડપી પાડવા પ્લાન બનાવ્યો અને ફરિયાદીને સમજાવી હેડ કોન્સ્ટેબલને પૈસા આપવા મોકલ્યો. આ સમયે જેવા હેડ કોન્સ્ટેબલે લાંચના પૈસા લીધા તેવું જ એસીબીએ તેને ઝડપી પાડ્યો અને કાયદેસરની કાર્યવાહી હાથ ધરી છે