Gujarati News

Gujarati News

News of Tuesday, 20th August 2019

કામરેજના નેત્રંગ ગામમાં બ્રહ્મકમળ ફૂલના દર્શને ઉમટયાં લોકોઃ શ્રાવણ માસમાં જ ખીલતું હોય છે બ્રહ્મકમળઃ રાજકોટમાં પણ આવો સફળ પ્રયોગ થયેલ

કામરેજઃ હિંદુ સમાજના પવિત્ર શ્રાવણ માસમાં સૌ કોઇ પ્રભુભકિતમાં લીન બની ગયાં છે. ભોળાનાથ શંભુને રીઝવવા માટે શિવાલયોમાં ભકતોની ભીડ ઉમટી રહી છે. તેવામાં સુરતના કામરેજ પાસે આવેલાં નેત્રંગ ગામમાં બ્રહમકમળના ફૂલના દર્શન માટે શ્રધ્ધાળુઓ ઉમટી પડયાં હતાં.

સુરતના કામરેજના નેત્રંગ ગામે બ્રહ્મ કમળનું ફૂલ ખીલ્યું હોવાની જાણ થતાં શ્રધ્ધાળુઓ તેના દર્શન માટે ઉમટી પડયાં હતાં. રંજનબેન મહેતાના ઘરના વાડામાં લોકોએ રાત્રી દરમ્યાન પૂજાપાઠ કર્યા હતાં. ૧૦૦ છોડમાંથી ફકત એક છોડ પર બ્રહ્મ કમળ ખીલતું હોવાની લોકવાયકા છે. આ ઉપરાંત ફકત શ્રાવણ માસ દરમ્યાન જ છોડ પર બ્રહ્મ કમળ ફૂલ ખીલે છે. ભકતોએ ભકિતભાવથી ફૂલના દર્શન કરી ધન્યતા અનુભવી હતી.

આવું ફૂલ રાજકોટમાં પણ એક પ્રોફેસરના ઘેર ઊગ્યું છે. પ્રકાશબાપુએ આ પ્રયોગ કરાવ્યો હતો. તેમ શ્રી અશ્વિન છત્રાળાએ જણાવ્યું છે.

(12:03 pm IST)
  • અમદાવાદ નવા નરોડામાં ખાંડનો વેપારી લૂંટાયો: બાપુનગર સ્થિત આંગડીયા પેઢીમાંથી 14 લાખ રૂપિયા લઈને નીકળેલા વેપારીની કારનો કાચ તોડી ગઠિયા રૂપિયા ભરેલી બેગ ચોરી ગયા: નરોડા પોલીસે સીસીટીવી આધારે આરોપીઓની શોધખોળ શરુ કરી. access_time 11:23 am IST

  • પટના મેયરના પુત્ર પર આંખ મારવાનો આરોપ ;મહિલા કોર્પોરેટર પીન્કીદેવીએ કહ્યું પહેલી વાર ઇગ્નોર કર્યો,હવે સહનશક્તિની હદ થઇ ગઈ :પટના નગરનિગમનો જૂથબંધી ચરમસીમાએ પહોંચી : અંદરો અંદરની લડાઈ હવે ખુલીને બહાર આવી :આરોપ પ્રત્યારોપણ બાદ મેયર સીતા સાહુના પુત્ર શિશિર પર લાગ્યો ગંભીર આરોપ access_time 1:22 am IST

  • સરકારે અર્ધ સૈનિક દળની નિવૃત્તિ વયમર્યાદા નક્કી કરી ;હવે 60 વર્ષે થશે રિટાયર્ડ :ગૃહ મંત્રાલયનો આ આદેશ દિલ્હી હાઇકોર્ટના જાન્યુઆરીના ચુકાદા બાદ કરાયો :હાઇકોર્ટે કેન્દ્ર સરકીરને કહ્યું હતું કે તમામ રેન્ક માટે એક સેવા નિવૃત્તિ વાય નિર્ધારિત કરો access_time 1:02 am IST