Gujarati News

Gujarati News

News of Saturday, 20th July 2019

દેશ આખાને ચોમાસાએ આવરી લીધું

ભારતીય હવામાન ખાતાએ કહ્યું છે કે છેલ્લા દાયકામાં સૌથી વધુ દિવસો મોડુ થયેલ ચોમાસુ ગઈકાલે શુક્રવારે અંતે આખા દેશમાં છવાઈ ગયું છે જે નિયત સમયથી ૪ દિવસ પાછળ છે. ગયા વર્ષે ૨૯ જૂને ચોમાસુ સમગ્ર દેશમાં છવાયુ હતું. જે નિયત સમયથી ૨ અઠવાડીયા વહેલુ હતું. (સામાન્ય રીતે ૧૫ જુલાઈએ ચોમાસુ દેશ આખાને આવરી લેતુ હોય છે). ૪ મહિનાની નૈઋત્યના ચોમાસાની શરૂઆત ૧ જૂનથી થાય છે અને ૩૦ સપ્ટેમ્બરે દેશમાંથી વિદાય લેતુ હોય છે.

દેશના ૩૬ હવામાન દ્રષ્ટિએ અલગ તારવાયેલા સબ ડિવીઝનોમાં અત્યાર સુધીમાં ૨૧માં વરસાદની ઘટ છે. જ્યારે ૧૫માં નોર્મલ વરસાદ છે. ગોવા અને કોંકણમાં ૧૬ ટકા વધુ વરસાદ છે.

સૌરાષ્ટ્ર-કચ્છ અને મરાઠાવાડ, વિદર્ભ, તેલંગણામાં સામુહિક રીતે વરસાદની ઘટ જોઈએ તો ૩૫ ટકા જેટલી ગંભીર થવા જાય છે.

આ વર્ષે ૧ લી જૂનને બદલે ૮ જૂને વરસાદનો - ચોમાસાનો ભારતમાં પ્રવેશ થયો છે. જે નોર્મલ તારીખથી ૧ અઠવાડીયુ મોડુ હતું.

'વાયુ' વાવાઝોડાએ ચોમાસાની ગતિને દક્ષિણ, મધ્ય અને પૂર્વ ભારતમાં અવરોધી હતી અને તેના પરિણામે આ વિસ્તારોમાં ૧૦થી ૧૫ દિવસ ચોમાસુ મોડું શરૂ થયેલ.

આમ છતા હવે નૈઋત્યનું ચોમાસુ પશ્ચિમ રાજસ્થાનના બાકીના ભાગોમાં હવે આગળ વધતા શુક્રવારે ચોમાસાએ સમગ્ર દેશને હવે આવરી લીધેલ છે.

હવામાન ખાતાની વેબસાઈટ ઉપર દેશભરમાં ગઈકાલ સુધી ૩૩ ટકા વરસાદની ખાધ દર્શાવાતી હતી જે હવે ઘટીને ૧૮ ટકા થઈ ગઈ છે.

(2:38 pm IST)
  • બનાસકાંઠામાં ફરી તીડનું આક્રમણ : ફળદુ સ્થળ પર જવા રવાના થયાઃ ૧૫ દિ'માં બીજી વખત તીડ ત્રાટકયાઃ પાકિસ્તાન સરહદેથી તીડના ટોળા આવી રહ્યા છેઃ પાકિસ્તાનનો હાથઃ ગુજરાતને ત્રસ્ત કરી રહ્યાનો દાવોઃ ૧ તીડ ૧૦ હજાર ઈંડા આપે છેઃ રણ વિસ્તારમાં મોટું નુકશાન સર્જાવાનો ભય access_time 1:09 pm IST

  • પાકિસ્તાનની અવળચંડાઈ ચાલુ :ફરીવાર સીઝ ફાયરનું કર્યું ઉલ્લંઘન :જમ્મુ કાશ્મીરના રાજૌરીમાં પાકિસ્તાને સીઝ ફાયરનું ઉલ્લંઘન કર્યું :પાકિસ્તાને મોર્ટારમારો કર્યો :સરહદી ગામડાને નિશાન બનાવ્યા access_time 1:32 am IST

  • શીલા દિક્ષીતજીના અવસાનથી દુઃખ અનુભવું છું : દિલ્હીના વિકાસમાં તેમનું મહત્વનું યોગદાન હતું : દિલ્હીના પૂર્વ ચીફ મિનિસ્ટર શીલા દીક્ષિતને વડાપ્રધાન નરેન્દ્ર મોદીની શ્રદ્ધાંજલિ : પરિવારજનોને આશ્વાસન પાઠવ્યું access_time 8:38 pm IST