Gujarati News

Gujarati News

News of Saturday, 20th July 2019

સુરતના પલસાણા તાલુકાના તાતીથૈયા ગામમાં ગેસનો બાટલો ફાટતા પાંચના મોત

સુરત: પલસાણા તાલુકાના તાતીથૈયા ગામે સોની પાર્કમાં ગેસનો બાટલો ફાટવા મામલે 5 ઇસમોને ગંભીર હાલતમાં સુરતની સિવિલ હોસ્પિટલમાં ખસેડાયા હતા. તો પાંચ પૈકી 1 ઇસમનું ઘટનાના દિવસે ટૂંકી સારવાદ દરમિયાન મોત થયું હતું. જ્યારે આજે સુરત સિવિલ હોસ્પિટલ ખાતે અન્ય 4 ઇસમોનું સારવાર દરમિયાન મોત થયું છે.

સુરતના પલસાણા તાલુકાના તાતીથૈયા સોની પાર્ક વિભાગ-2 ખાતે રહેતા ઓમપ્રકાશ ત્રિભુવન ગૌડ(24) મીલમાં કલર સ્ટોરમાં નોકરી કરે છે. તેમના રૂમમાં તેમની સાથે અન્ય 6 સાથીઓ પણ રહે છે અને ડાઈંગ મીલમાં તેમજ કાપડ માર્કેટમાં નોકરી કરી ગુજરાન ચલાવે છે. 14 જુલાઇ શનિવારે રાત્રે ઓમપ્રકાશભાઈ તેમજ તેમની સાથે રૂમમાં રહેતા રોહીતસિંગ દલપ્રતાપ ગૌડ(18), જયલાલ ભગત સિંગ(22) રામબહાદુર દેવલાલ સિંગ(28) અને શિવ પ્રતાપ ગૌડ(19) રૂમમાં સુતા હતા.

રાત્રી દરમિયાન રૂમમાં મુકેલા ગેસ સિલિન્ડરમાંથી ગેસ લીકેજ થયો હતો અને રાત્રે 3:30 વાગ્યાના અરસામાં કોઈક રીતે ગેસને સ્પાર્ક મળી જતા ધડાકા થયો હતો. રૂમમાં પ્રસરેલા ગેસમાં ધડાકો થતા રૂમમાં સુતેલા ઓમપ્રકાશ સહિતના પાંચેય યુવકો ગંભીર રીતે દાઝી ગયા હતા અને તમામ ઘરવખરીનો સામાન પણ બળી ગયો હતો.

ધડાકાનો અવાજ સાંભળી આસપાસના રહીશો દોડી આવ્યા હતા. પાંચેય યુવકો ગંભીર રીતે દાઝેલી હાલતમાં મળી આવતા તાત્કાલિક પાંચેયને સારવાર માટે સુરતની સિવિલ હોસ્પિટલમાં ખસેડવામાં આવ્યા હતા. જ્યાં પાંચ પૈકી 1 ઇસમનું ઘટનાના જ દિવસે ટૂંકી સારવાદ દરમિયાન મોત થયું હતું. જ્યારે આજે સુરત સિવિલ હોસ્પિટલ ખાતે અન્ય 4 ઇસમોનું સારવાર દરમિયાન મોત થયું છે.

(5:06 pm IST)
  • સરદાર સરોવર- નર્મદા ડેમને ૬.૫ નો મહા ભૂકંપ આવે અને કેન્દ્રબિંદુ ૧૨ કિમિ રેડીઅસમાં હોય ત્યાં સુધી કોઈ વાંધો આવે તેમ નથી: એસએસએનએલએલની સ્પષ્ટતા access_time 8:56 pm IST

  • શીલા દિક્ષીતજીના અવસાનથી દુઃખ અનુભવું છું : દિલ્હીના વિકાસમાં તેમનું મહત્વનું યોગદાન હતું : દિલ્હીના પૂર્વ ચીફ મિનિસ્ટર શીલા દીક્ષિતને વડાપ્રધાન નરેન્દ્ર મોદીની શ્રદ્ધાંજલિ : પરિવારજનોને આશ્વાસન પાઠવ્યું access_time 8:38 pm IST

  • નાગ મિસાઈલનું ટેસ્ટિંગ સફળ ;રાજનાથસિંહે આપ્યા અભિનંદન :ડીઆરડીઓ દ્વારા નિર્મિત મિસાઈલનું પરીક્ષણ સફળ ;થર્ડ જેનરેશન ગાઇડેડ એન્ટી મિસાઈલ નાગનું ઉત્પાદન આ વર્ષના અંત સુધીમાં શરૂ થઈ જશે access_time 1:26 am IST