Gujarati News

Gujarati News

News of Thursday, 20th June 2019

કતારગામમાં યાર્ન ખરીદી 17.81 લાખ પરત ન કરતા હીરાના વેપારીની દલાલ વિરુદ્ધ ફરિયાદ

કતારગામ:નંદુડોશીની વાડીમાં અગાઉ લુમ્સનું કારખાનું ધરાવતા પરંતુ બાદમાં તે વ્યવસાય બંધ કરી હવે હીરા દલાલીનું કામ કરતા નાનપુરા ટીમલીયાવાડના આધેડને પરિચિત યાર્ન દલાલે યાર્નના ધંધામાં રોકાણ કરાવી તેમ જ તેમના મારફતે યાર્ન ખરીદી કુલ રૂ.૧૭.૮૧ લાખ પરત નહીં કરતા આખરે હીરા દલાલે યાર્ન દલાલ વિરુદ્ધ કતારગામ પોલીસ મથકમાં છેતરપિંડીની ફરિયાદ નોંધાવી હતી.

પોલીસ સૂત્રો દ્વારા પ્રાપ્ત થતી વિગતો મુજબ નાનપુરા ટીમલીયાવાડ મખ્ખન ભોગની સામે દેના પરિવાર એ/૩ માં રહેતા ૫૦ વર્ષીય સંક્ષિપ્ત ઉર્ફે મિલનભાઈ સેવંતીભાઇ મહેતા અગાઉ કતારગામ નંદુડોશીની વાડી મુનીબ એસ્ટેટમાં લુમ્સનું કારખાનું ધરાવતા હતા. પરંતુ બાદમાં તે ધંધો બંધ કરી તેમણે હીરાદલાલીનું કામ શરૂ કર્યું હતું. તે લુમ્સનું કારખાનું ધરાવતા હતા તે સમયે તેમનો પરિચય ઉધના ચાર રસ્તા ખાતે એમ્પાયર સ્ટેટ બિલ્ડીંગમાં ઓફિસ ધરાવતા રાજેશ કે મહેતા ( રહે. મકાન નં.૩૩, અષ્ટવિનાયક રો હાઉસ, પરશુરામ ગાર્ડનની બાજુમાં, અડાજણ, સુરત ) સાથે થયો હતો. મે ૨૦૧૨ માં રાજેશભાઈ મહેતાએ સંક્ષિપ્તભાઈને યાર્નના ધંધામાં રોકાણ કરવા માટે જણાવતાં તેમણે રૂ.૧૧.૮૫ લાખનું રોકાણ કર્યું હતું તેમજ તેમના મારફતે રૂ.૫,૯૬,૧૦૭ ની કિંમતના યાર્નની ખરીદી પણ કરી હતી.

(5:43 pm IST)
  • બોર્ડની પરીક્ષાનું કેન્દ્ર હવે બદલી શકાશે શાળાઓને નોંધણી પ્રમાણપત્રો અપાશે : શિક્ષણ બોર્ડની સામાન્ય સભામાં આજે મહત્વનો નિર્ણય લેવાયો છે : વિદ્યાર્થી ભાઈ - બહેનો હવે બોર્ડની પરીક્ષાનું સ્થળ બદલી શકશે : જેથી હોસ્ટેલમાં રહેતા વિદ્યાર્થીઓ પોતાના વતનમાંથી પરીક્ષા આપી શકશે : શિક્ષણ બોર્ડ શાળાઓને નોંધણી પ્રમાણપત્ર પણ આપશે : માન્યતા વગરની શાળાઓના દૂષણને રોકવા મહત્વના પગલા લેવાયા access_time 4:28 pm IST

  • અમદાવાદમાં ટ્રકની ટક્કરે પિતા અને તેના બે પુત્રોના કરૂણમોતઃ ટ્રક ચાલક ભાગતા પોલીસે પીછો કરીને ઝડપી લીધોઃ અમદાવાદમાં વટવા વિનોબા ભાવે નગર પાસે અકસ્માતની ઘટના બની છેે: જેમાં બે બાળકો અને પિતાનું ટ્રકની ટક્કર લાગતા મોત થયું છેઃ જોકે ટ્રક ચાલક અકસ્માત કરીને ભાગતા પોલીસે પીછો કરી ટ્રક ચાલકને ઝડપી પાડ્યો છેઃ વધુ તપાસ હાથ ધરી છે access_time 11:26 am IST

  • ગોંડલ: મોવિયા રોડ ઉપર હોન્ડા સિટી કાર માં અચાનક આગ લાગી હતી ફાયર બ્રિગેડની ટીમ ઘટના સ્થળે દોડી ગઇ હતી આગને કાબૂમાં લીધી હતી તસવીર ભાવેશ ભોજાણી ગોંડલ access_time 8:46 am IST