Gujarati News

Gujarati News

News of Wednesday, 19th June 2019

શામળાજી પોલીસે અટકાવતા બુટલેગરે નાસી છુટવા ગાડી ભગાડી રિક્ષાને મારી ટક્કર :૪ મુસાફરો ધવાયા

અરવલ્લી : શામળાજી પોલીસે રતનપુર ચેકપોસ્ટ પર રાજસ્થાન તરફથી ઇનોવા કારમાં વિદેશી દારૂ ભરી આવનાર બુટલેગરને અટકાવતા ઇનોવાના ચાલકે પોલીસ પકડથી બચવા હંકારી મુકતા પોલીસે ફિલ્મી ઢબે પીછો કરાતા ગભરાયેલા બુટલેગરે ઇનોવા રોંગ સાઈડ હંકારી પેસેન્જર રિક્ષાને અડફેટે લેતા ૪ મુસાફરોના શરીરે ઈજાઓ પહોંચી હતી જેમને શામળાજી હોસ્પિટલમાં ખસેડવામાં આવ્યા હતા શામળાજી પોલીસે ઇનોવા કાર ચાલકને ઝડપી પાડી કાયદેસરની કાર્યવાહી હાથધરી હતી

  પ્રાપ્ત માહિતી મુજબ, શામળાજી બસ સ્ટેન્ડ નજીક રોન્ગ સાઈડ વિદેશી દારૂ ભરી આવનાર ઇનોવા કાર ના ચાલકે પુરઝડપે હંકારતા લોકોએ બુમાબુમ કરી મૂકી હતી પોલીસ પકડથી બચવા ઇનોવા કાર અને શામળાજી પોલીસ વચ્ચે ફિલ્મી દ્રશ્યો સર્જાયા હતા ઇનોવા કારના ચાલકે અમદાવાદ-ઉદેપુર ને. હા. નં-૮ પર રોડ પર ઉભેલી પેસેન્જર રિક્ષાને અડફેટે લઈ ભાગવા જતા ઇનોવા કાર અટકી જતા પોલીસે બુટલગરને દબોચી લીધો હતો અને ઈજાગ્રસ્ત મુસાફરોને સારવાર અર્થે શામળાજી સરકારી દવાખાને ખસેડાયા હતા

 સવારે બનેલી ઘટના બપોર સુધી પોલીસ ચપોડે નં નોંધાતા પોલીસ સૂત્રોના જણાવ્યા અનુસાર શામળાજી પોલીસ પણ કયા પ્રકારનો ગુન્હો નોંધવો તે અંગે મુંજવણ અનુભવી રહી હોવાનું જાણવા મળ્યું હતું 

(1:00 am IST)
  • હિમાચલના કુલ્લુમાં ખાઈમાં બસ ખાબકી : ૨૦ના મોત : બસમાં ૬૦ મુસાફરો સવાર હતા : રાહત - બચાવ કાર્ય પૂરજોશમાં : વધુ વિગતો મેળવાઈ રહી છે access_time 6:20 pm IST

  • બોર્ડની પરીક્ષાનું કેન્દ્ર હવે બદલી શકાશે શાળાઓને નોંધણી પ્રમાણપત્રો અપાશે : શિક્ષણ બોર્ડની સામાન્ય સભામાં આજે મહત્વનો નિર્ણય લેવાયો છે : વિદ્યાર્થી ભાઈ - બહેનો હવે બોર્ડની પરીક્ષાનું સ્થળ બદલી શકશે : જેથી હોસ્ટેલમાં રહેતા વિદ્યાર્થીઓ પોતાના વતનમાંથી પરીક્ષા આપી શકશે : શિક્ષણ બોર્ડ શાળાઓને નોંધણી પ્રમાણપત્ર પણ આપશે : માન્યતા વગરની શાળાઓના દૂષણને રોકવા મહત્વના પગલા લેવાયા access_time 4:28 pm IST

  • આ વર્ષે શાળા પ્રવેશોત્સવ નહિ યોજાય : શાળા પ્રવેશ ઉત્સવને લઇ રાજય સરકારનો મહત્વનો નિર્ણયઃ આ વર્ષે શાળા પ્રવેશોત્સવ નહિ ઉજવાયઃ દર વર્ષે રાજય સરકાર દ્વારા શાળા પ્રવેશોત્સવ ઉજવાય છેઃ ટુક સમયમાં શિક્ષણ મંત્રી સત્તાવાર રીતે જાહેરાત કરશે access_time 4:04 pm IST