Gujarati News

Gujarati News

News of Wednesday, 19th June 2019

અમીરગઢ: બોર્ડર ચેકપોસ્ટ પરથી ઘાસનું ભૂંસુ ભરેલી ટ્રકમાંથી ૧૦.૩૨ લાખનો દારૂ ઝડપાયો

ઈંગ્લીશ દારૂની 2568 બોટલ અને ટ્રક સહીત 18,32 લાખના મુદામાલ સાથે રાજસ્થાની ટ્રકચાલકની ધરપકડ

બનાસકાંઠાની અમીરગઢ પોલીસે બોર્ડર ચેકપોસ્ટ પરથી ઘાસનું ભૂંસુ ભરેલી ટ્રકમાંથી ૧૮ લાખથી વધુનો દારૂ ઝડપી લીધો છે .

બનાસકાંઠાના કાર્યકારી પોલીસ અધિક્ષક અજીત રાજ્યાણ તથા ડીસાના વિભાગિય પોલીસ અધિક્ષક ઋષિકેશ ઉપાધ્યાયની સૂચના અને અમીરગઢના પીએસઆઇ સી. પી.ચૌધરી તથા પી.વી.વાઘેલાના માર્ગદર્શન મુજબ અમીરગઢ પોલીસની ટીમે દારૂની હેરાફેરી અટકાવવા  અમીરગઢ બોર્ડર ચેકપોસ્ટ પર નાકાબંધી ગોઠવી સઘન વાહન ચકાસણી હાથ ધરી હતી

  આ  દરમ્યાન આબુરોડ તરફથી આવેલી ટ્રકને રોકી ચકાસણી કરતા આ ટ્રકમાં ઘાસના ભૂંસાની આડમાં વિદેશી દારૂની હેરાફેરી કરાતી હોવાની ચોંકાવનારી વિગતો બહાર આવી હતી.આ ઓપરેશન દરમ્યાન ઘાસનું ભૂંસુ ભરેલી આ ટ્રકમાંથી ૧૦,૨૭, ૨૦૦ રૂપિયાની કિંમતનો ૨૫૬૮ બોટલ વિદેશી દારૂ મળી આવતા પોલીસે ટ્રક સહિત કુલ રૂ.૧૮,૩૨,૭૦૦ રૂપિયાનો મુદ્દામાલ જપ્ત કરી ટ્રકચાલક નાથુસિંહ ગમીરસિંહ રાજપૂત (રહે.રંડેલા તા.સલૂમ્બર જી.ઉદેપુરવાળા, રાજસ્થાન) ની ધરપકડ કરી પ્રોહીબિશન એકટ અન્વયે કાયદેસરની કાર્યવાહી હાથ ધરી છે.

(12:58 am IST)
  • અમદાવાદમાં ટ્રકની ટક્કરે પિતા અને તેના બે પુત્રોના કરૂણમોતઃ ટ્રક ચાલક ભાગતા પોલીસે પીછો કરીને ઝડપી લીધોઃ અમદાવાદમાં વટવા વિનોબા ભાવે નગર પાસે અકસ્માતની ઘટના બની છેે: જેમાં બે બાળકો અને પિતાનું ટ્રકની ટક્કર લાગતા મોત થયું છેઃ જોકે ટ્રક ચાલક અકસ્માત કરીને ભાગતા પોલીસે પીછો કરી ટ્રક ચાલકને ઝડપી પાડ્યો છેઃ વધુ તપાસ હાથ ધરી છે access_time 11:26 am IST

  • નીફટી ૧૧૭૭પ ની ઉપર : તેજીનો માહોલઃ રૂપિયો ૬૯.પ૬: શેરબજારમાં તેજીઃ ર-૪પ કલાકે સેન્સેકસ ૩૪ર પોઇન્ટ વધીને ૩૯૪પપ અને નીફટી ૯પ પોઇન્ટ વધીને ૧૧૭૮૬: ડોલર સામે રૂપિયો ૬૯.પ૬ ઉપર ટ્રેડ કરે છેઃ યસ બેંક ૮ ટકા જેટલ ઉછાડયો access_time 4:14 pm IST

  • જામજોધપુર કસ્ટોડીયલ ડેથ કેસ : સંજીવ ભટ્ટ-પ્રવિણસિંહ ઝાલા ૩૦૨ના ગુન્હામાં દોષિત જાહેરઃ આજીવન કેદની સજા કાયમ : જામનગર મુખ્ય સેશન્સ અદાલતના ન્યાયાધીશ ડી.એમ. વ્યાસે આપેલો ચૂકાદોઃ તમામ ૭ આરોપી દોષિત જાહેરઃ ૩૨૩ મુજબ સજા કાયમ access_time 11:25 am IST