Gujarati News

Gujarati News

News of Wednesday, 20th June 2018

સુરત કલેકટર કચેરીમાં બે પક્ષો વચ્ચે ધીંગાણું : જમીન વિવાદમાં બંને પક્ષો આમને સામને : એકને ઇજા

સુરત ક્લેક્ટર કચેરીમાં બે પક્ષો વચ્ચે ધિંગાણું સર્જાયું હતું. જમીનના મુદ્દે આજે ક્લેક્ટર કચેરી ખાતે બન્ને પક્ષો ઉપસ્થિત રહ્યા હતા અને કોઈ અબબાતે વાત વણસતા બંને પક્ષો આમને સામાને આવી ગયા હતા જેમાં એકને ઇજા પહોંચી હતી ધિંગાણાને પગલે પોલીસ દોડી આવતાં મામલો થાળે પડ્યો હતો. ઈજાગ્રસ્તને સારવાર અર્થે સિવિલ હોસ્પિટલમાં લઈ આવવામાં આવ્યો હતો.

  આ અંગે મળતી વિગત મુજબ હેરનાં મગદલ્લા ખાતે આવેલી જમીનને લઈને બે પક્ષો વચ્ચે ખટરાગ ચાલી રહ્યો હતો. જે મુદ્દે આજે ક્લેકટર કચેરીમાં તારીખ હોવાથી બન્ને પક્ષો હાજર રહ્યાં હતાં. જેમાં બન્ને પાર્ટીઓ એકબીજા પર સામ સામે આવી ગઈ હતી. એકબીજાને જાહેરમાં ફટકાર્યા હતાં.લોખંડની વસ્તુથી હુમલો થતાં અડાજણના કલ્પના સોસાયટીમાં રહેતા હિતેશ જીવન પટેલ ઈજાગ્રસ્ત થયાં હતાં.

  વણસેલી વાતને લઈને પોલીસ કાફલો ઘટના સ્થળે પહોંચ્યો હતો. પોલીસે મામલો થાળે પડાવ્યો હતો. બાદમાં ઈજાગ્રસ્તને સારવાર અર્થે સિવિલ હોસ્પિટલમાં ખસેડવામાં આવ્યો હતો. જ્યાં જાણવા મળ્યું હતું કે તેજસભાઈ સાથે બે વ્યક્તિએ તેના પર હુમલો કર્યો હતો.

(7:49 pm IST)
  • રાજકોટ સેન્ટ્રલ જેલમાં પાકા કામનો કેદીનું હાર્ટએટેકથી મોત: તળાજા તાલુકાના બરડા ગામના વૃદ્ધને મડરનાં કેસમાં હતો જેલ હવાલે : ગઇકાલે હાર્ટએટેક આવવાથી સારવાર માટે સિવિલમા દાખલ કરાયો હતો : આજે સારવાર દરમિયાન થયુ મોત છે access_time 8:51 pm IST

  • ઈંગ્લેન્ડે આપ્યો ભારતને મોટો ઝટકો:ઉદાર વિઝા નીતિની નવી યાદીમાંથી ભારતનું નામ બાકાત:લિસ્ટમાં :ચીનનું નામ સામેલ: વિદેશ મામલાના જાણકારો આ મુદ્દે ભારતની તુલનાએ ચીનની રણનીતિક જીત માની રહ્યાં છે.:ગેરકાયદેસર પ્રવાસી ભારતીયોનો વણઉકેલાયો મામલો પણ કારણભૂત મનાય છે access_time 12:33 am IST

  • મધ્યપ્રદેશના દિવંગત પૂર્વ મુખ્યમંત્રી અર્જુનસિંહના પત્ની સરોજકુમારીને બન્ને પુત્રોએ ઘરમાંથી કાઢી મૂક્યાનો આરોપ લગાવી કોર્ટ પહોંચ્યા :પૂર્વ કેન્દ્રીયમંત્રી અર્જુનસિંહના પત્નીએ તેના પુત્ર અજયસિંહ અને અભિમન્યુ સિંહ અને પુત્રવધુ સુનિતીસિંહ પર ઘરમાંથી કાઢી મૂક્યાની કોર્ટમાં કરી અરજી :ભોપાલ કોર્ટે ત્રણેયને નોટિસ ફટકારી access_time 1:05 am IST