Gujarati News

વડોદરા:રેન્જ આઇ.જી.પી.ના બંગલા પર કામ કરતા અને નિવૃત્તિના આરે ઉભેલા વૃદ્ધને આજે રસોઇ બનાવતા સમયે ચક્કર આવતા તેઓ ઢળી પડયા હતા.અને તેઓનું મોત  થયું છે. આધારભૂત સૂત્રોના જણાવ્યા અનુસાર,ડભોઇરોડ સોમા તળાવ વિસ્તારમાં રહેતા ૫૮ વર્ષના શાંતિલાલ દલસુખભાઇ બારિયા અલકાપુરી રેન્જ આઇ.જી.ના ઘરમાં કામ કરતા હતા.આજે સવારે પોણા અગિયાર વાગ્યે તેઓ રસોડામાં રસોઇ બનાવતા હતા.તે દરમિયાન તેઓને ચક્કર આવતા ઢળી પડયા હતા.બેભાન થઇ ગયેલા શાંતિલાલને સારવાર માટે એમ્બ્યુલન્સમાં સયાજી હોસ્પિટલમાં લાવવામાં આવ્યા હતા.જ્યાં સારવાર  મળે તે પહેલા જ તેઓનું મોત થયું હતું.તેઓને બી.પી.ની બીમારી હતી.અને ડોક્ટરના પ્રાથમિક તારણ મુજબ તેઓનું મોત  હાર્ટ એટેકના કારણે થયું છે.