Gujarati News

Gujarati News

News of Monday, 20th May 2019

કલોલમાં અગાઉની અદાવતમાં બે પક્ષો વચ્ચે ધીંગાણું સર્જાયું

કલોલ: શહેરમાં આવેલા ભવાનીનગરમાં અગાઉની અદાવતમાં બે પક્ષો વચ્ચે ધીંગાણું સર્જાયું હતું. જેમાં છ જણા ઘાયલ થયા હતા. ઘટનાની જાણ થતાં પોલીસનો કાફલો દોડી આવ્યો હતો અને પરિસ્થિતી કાબૂમાં લીધી હતી. આ ઘટનામાં પોલીસે બંને પક્ષોની ફરિયાદો લઇ કુલ આઠ શખ્સો સામે ક્રોસ ફરિયાદ દાખલ કરી વધુ તપાસ શરૂ કરી છે.

કલોલ શહેરમાં આવેલા ભવાનીનગરમાં ગઇકાલે રાત્રે બે પક્ષો વચ્ચે ધીંગાણું સર્જાયું હતું. અગાઉની અદાવતમાં બે પક્ષે લોખંડની પાઇપો ઉછડતા નાસભાગ મચી ગઇ હતી. પોલીસે બંને પક્ષોની ફરિયાદો લીધી હતી. જેમાં રજનીકાંત ઉમેદભાઇ ઓડના ઓએ ફરિયાદ નોંધાવી છે કે ક્રિકેટ રમવાની માથાફૂટમાં ઉશ્કેરાઇ ગયેલા મહેશ જીગાભાઇ દેવી પૂજક હાથમાં બેટ લઇ દોડી આવ્યો હતો અને રજનીકાંતને માર્યું હતું તેમજ આનંદ રમણભાઇ દેવી પૂજક લોખંડની પાઇપ લઇને આવ્યો હતો અને રાજુ ઓડને મારી હતી. 

(6:02 pm IST)
  • અમદાવાદના પીએસઆઇ દેવેન્દ્રસિંહ રાઠોડના આપઘાતનો મામલોઃ ૧૫ દિવસમાં ન્યાય ન મળે આપઘાતની ચીમકી : પીએસઆઇના પત્નિ ડીમ્પલ રાઠોડ સચિવાલયમાં ગૃહ રાજયપ્રધાનને ન્યાય માટે રજુઆત માટે પહોંચ્યાઃ અગાઉ આત્મવિલોપનની ચીમકી ને લઇને સચિવાલય બહાર સઘન બંદોબસ્તઃ ગૃહ પ્રધાન પ્રદિપસિંહ જાડેજાને આવેદન પત્ર આપ્યું: ડીવાયએસપીને ધરપકડ કેમ નહિ : ડીમ્પલ રાઠોડ access_time 4:29 pm IST

  • સૌરાષ્ટ્ર-કચ્છ-ઉત્તર ગુજરાતમાં વાતાવરણ પલ્ટાશે : બે દિવસ થંડરસ્ટ્રોમની આગાહી રાજકોટમાં ૪૦ ડિગ્રી : હવામાન વિભાગે બે દિવસ ફરી વરસાદની આગાહી કરી છે : સૌરાષ્ટ્ર, કચ્છમાં જોરદાર પવન ફૂંકાશે : બનારસકાંઠા અને સાબરકાંઠામાં સામાન્ય વરસાદ પડશે : રાજકોટમાં બપોરે ૩ વાગ્યે ૪૦ ડિગ્રી તાપમાન છે : ફરી ગરમીમાં આંશિક વધારા સાથે ૧૬ કિ.મી.ની ઝડપે ગરમ પવન ફૂંકાઈ રહ્યા છે access_time 4:26 pm IST

  • કચ્છના ક્રીક વિસ્તારમાંથી બે પાકિસ્તાની ઘુસણખોરો સાથે પાકિસ્તાની બોટ ઝડપાઈ : બીએસએફએ પેટ્રોલીંગ દરમિયાન આ ઘુષણખોરોને ઝડપી લીધા હતાઃ આસપાસના વિસ્તારોમાં સર્ચ ઓપરેશન હાથ ધરાયુ access_time 4:05 pm IST