Gujarati News

વડોદરા:મુજમહુડા વિસ્તારની એક સોસાયટીના મંદિરની તથા લક્ષ્મીપુરા રોડ હાઇટેન્શનના ટાવરની સામે આવેલા મંદિરોમાંથી દાનપેટીની રોકડ રકમની ચોરી કરનાર આરોપીને પોલીસે ઝડપી પાડયો છે.

આ અંગેની વિગત એવી છે કે, નવાયાર્ડ આશાપુરી સરકારી અનાજના ગોડાઉન પાસે ભંગારની ટ્રકમાં બેસીને ચોરીના રૃપિયાની ગણતરી કરતા આરોપી શાનેઆઝમ ઉર્ફે પીચકો સમસુલભાઇ પઠાણ (રહે. રોશનનગર નવાયાર્ડ)ને એસ.ઓ.જી. પોલીસે ઝડપી પાડયો હતો. પોલીસે હાથ ધરેલી પૂછપરછ દરમિયાન એવી વિગતો જાણવા મળી હતી કે આરોપી શાનેઆઝમે વીસ દિવસ પૂર્વે મુજમહુડા, શિવાજી સર્કલ નજીકની એક સોસાયટીના મંદિરની દાનપેટીમાંથી ૪૩૦ રૃપિયાની તેમજ લક્ષ્મીપુરા રોડ પરના એક મંદિરમાંથી મૂર્તિ પરના ઝુમ્મરની ચોરી કરી હતી.