Gujarati News

Gujarati News

News of Monday, 20th May 2019

વડોદરા: બ્રિજ પર ગેરકાયદે પાર્ક કરેલ ટ્રકની પાછળ બાઈક ધડાકાભેર ઘુસી જતા 17 વર્ષીય કિશોરનું મોત

વડોદરા: શહેરમાં શનિવારે બપોરે સર્જાયેલ એક અકસ્માતનો બનાવ ટ્રાફિક નિયમનના ભંગનું કેવુ ગંભીર પરિણામ આવે છે તે જાણવા માટે પુરતો છે. ૧૭ વર્ષનો કિશોર બાઇક લઇને નીકળ્યો હતો અને બ્રિજ પર ગેરકાયદે પાર્ક કરેલી ટ્રકની પાછળ બાઇક ઘુસી જતાં કિશોરનું મોત થયુ હતું. જ્યારે બાઇકમાં પાછળ બેઠેલી તેની મોટી બહેનને ગંભીર ઇજાઓ થતાં હાલમાં સારવાર હેઠળ છે.

માણેજા વિસ્તારમાં આવેલા શિવબાનગરમાં રહેતા અને ખાનગી કંપનીમાં નોકરી કરતા રાવજીભાઇ મણીભાઇ સોલંકીનો ૧૭ વર્ષનો પુત્ર હાર્દિક શનિવારે બપોરે ૧૨ વાગ્યાના અરસામાં ૧૯ વર્ષની બહેન કિંજલને કોમ્યુટર ક્લાસમાંથી તેડવા માટે કાકાની બાઇક લઇને નીકળ્યો હતો. તે પરત આવી રહ્યો હતો ત્યારે સોમા તળાવ બ્રિજ પર ગેરકાયદે પાર્ક કરેલી મહારાષ્ટ્ર પાસિંગની ટ્રક પાછળ તેની બાઇક ઘુસી ગઇ હતી.

(6:00 pm IST)
  • ચૂંટણી પરિણામ પહેલા પંજાબ કોંગ્રેસમાં કકળાટ ચરમસીમાએ :કેપ્ટન અમરિંદર સિંહે કહ્યું સિદ્ધુ મને હટાવી પોતે સીએમ બનવા માંગે છે:તેઓએ કહ્યું મારી અને નવજોત સિંહ સિદ્ધુ વચ્ચે ટિપ્પણીનું કોઇ પણ યુદ્ધ નથી ચાલી રહ્યું. જો તેઓ મહત્વકાંક્ષી છે તો ઠીક છે: લોકોની પાસે મહત્વકાંક્ષા હોય છે : હું સિદ્ધુને બાળપણથી જાણુ છું. તેઓપંજાબના મુખ્યમંત્રી બનવા માંગે છે અને તેના કારણે તેઓ મને હટાવવા માંગે છે access_time 1:35 am IST

  • લોકસભા ચૂંટણી પરિણામ પહેલા બસપા સુપ્રીમો માયાવતી લખનઉથી દિલ્હી દોડ્યા: યુપીએ અધ્યક્ષ સોનિયા ગાંધી અને કોંગ્રેસ અધ્યક્ષ રાહુલ ગાંધીને મળશે: ચૂંટણી પ્રચારમાં કોંગ્રેસના વિરોધમાં આક્રમક ભાષાનો ઉપયોગ કરનારી માયાવતીનું આ પગલું ચોંકાવનારું : ભાજપ પ્રણિત એનડીએને બહુમતી ન મળે તો કેન્દ્રમાં નોન-ભાજપ ગઠબંધન સરકાર બનાવવા માટે મનોમંથન થવાની શકયતા access_time 1:37 am IST

  • નવજોતસિંહ સિદ્ધુએ ભાજપ અને કોંગ્રેસ બંને પાર્ટીઓને અપમાનિત કરી : હવે ઇમરાનની પાર્ટી જોઇન કર્યા સિવાય કોઇ વિકલ્પ નથી: અનિલ વિજનો વ્યંગ:હરિયાણા સરકારના સ્વાસ્થય અને રમત મંત્રી અનિલ વીજે કોંગ્રેસ નેતા નવજોત સિંહ સિદ્ધુ પર નિશાન સાધ્યું :વીજે કહ્યું કે, સિદ્ધુએ ભાજપ અને કોંગ્રેસ બંન્ને પાર્ટીઓને અપમાનીત કરી છે. એવામાં તેની પાસે પાકિસ્તાનના વડાપ્રધાન ઇમરાન ખાનની પાર્ટી તહરીક એ ઇંસાફમાં જવાનો જ વિકલ્પ બચે છે access_time 12:34 am IST