Gujarati News

Gujarati News

News of Monday, 20th May 2019

ઉદયપુર પાસે અકસ્માતમાં સુરેન્દ્રનગરના સોની પરિવારના ૨ બાળકોના મોત

કાર ગુંલાટ મારીને ૧૫ ફૂટ ઉંડા ખાડામાં ખાબકી : માતા - પિતા સહિત ૪ને ઇજા

 વઢવાણ તા. ૨૦ : સુરેન્દ્રનગર શહેરના - સોની પરિવાર ફરીને ઉદેપુરથી પરત આવતા સમયે ઉદેપુરથી પાલનપુર રોડ ઉપર ફોરલેન રસ્તા ઉપર મોરસના વણાંક પાસે સોની પરિવારની કાર ચાર ગુલાટ ખાઇને ૧૫ ફુટ ઉંડી ખાઇમાં ખાબકતા બે માસુમ બાળકોના મોત નિપજ્યા છે. જ્યારે ચાર વ્યકિતઓ ઘાયલ થયા છે. આ બનાવથી સોની પરિવારમાં ભારે અરેરાટી છવાઇ છે.જાણવા મળતી વિગતો અનુસાર વિશાલ ઘનશ્યામભાઇ સોની એમના પત્ની અમીબેન અને બે બાળકો પુત્ર દેવ અને રતન તેમજ નિકેશભાઇ અને પ્રફુલભાઇ તેમના પત્ની મોનાબેન ઉદેપુરથી પિડવાડા તરફ આવી રહ્યા હતા. મોરસ પાસેના વણાંકમાં પુરપાટ જતી કારના ચાલક નિકેશભાઇએ કાર ઉપરનો કાબુ ગુમાવતા કાર પલ્ટી મારી ચાર ગુલાટ મારી જતા ૧૫ ફુટ ખાઇમાં ખાબકેલ હતી. જેમાં બે બાળકોના મોત નિપજ્યા છે અને કાર કાટમાળમાં ફેરવાતા ઇજાગ્રસ્તો અને બે બાળકોના મૃતદેહને કટર વડે કાપી બહાર કાઢવામાં આવ્યા હતા. જ્યારે ઇજાગ્રસ્તો સારવાર હેઠળ છે. બે બાળકોના મોત નિપજતા સોની પરિવાર ઉપર વ્રજઘાત પડયો છે. સુરેન્દ્રનગરથી મૃતદેહનો કબ્જો સંભાળવા માટે સોની પરિવાર રવાના થયો છે.

(3:56 pm IST)
  • કાલથી અમુલનું દૂધ લીટરે રૂ. બે મોંઘુ : અમદાવાદઃ આવતીકાલથી અમલમાં બને તે રીતે અમુલ દ્વારા તેની તમામ પ્રોડકટના દુધના ભાવમાં લીટરે ૨ રૂપિયાનો ભાવ વધારો કરવા જાહેરાત થઇ છેઃ આવતીકાલથી ચાની ચુસ્કી અને દુધની બનાવટો મોંઘીદાટ થઇ જશે access_time 5:00 pm IST

  • ચૂંટણી પરિણામ પહેલા પંજાબ કોંગ્રેસમાં કકળાટ ચરમસીમાએ :કેપ્ટન અમરિંદર સિંહે કહ્યું સિદ્ધુ મને હટાવી પોતે સીએમ બનવા માંગે છે:તેઓએ કહ્યું મારી અને નવજોત સિંહ સિદ્ધુ વચ્ચે ટિપ્પણીનું કોઇ પણ યુદ્ધ નથી ચાલી રહ્યું. જો તેઓ મહત્વકાંક્ષી છે તો ઠીક છે: લોકોની પાસે મહત્વકાંક્ષા હોય છે : હું સિદ્ધુને બાળપણથી જાણુ છું. તેઓપંજાબના મુખ્યમંત્રી બનવા માંગે છે અને તેના કારણે તેઓ મને હટાવવા માંગે છે access_time 1:35 am IST

  • સૌરાષ્ટ્ર-કચ્છ-ઉત્તર ગુજરાતમાં વાતાવરણ પલ્ટાશે : બે દિવસ થંડરસ્ટ્રોમની આગાહી રાજકોટમાં ૪૦ ડિગ્રી : હવામાન વિભાગે બે દિવસ ફરી વરસાદની આગાહી કરી છે : સૌરાષ્ટ્ર, કચ્છમાં જોરદાર પવન ફૂંકાશે : બનારસકાંઠા અને સાબરકાંઠામાં સામાન્ય વરસાદ પડશે : રાજકોટમાં બપોરે ૩ વાગ્યે ૪૦ ડિગ્રી તાપમાન છે : ફરી ગરમીમાં આંશિક વધારા સાથે ૧૬ કિ.મી.ની ઝડપે ગરમ પવન ફૂંકાઈ રહ્યા છે access_time 4:26 pm IST