Gujarati News

Gujarati News

News of Monday, 20th May 2019

પાલનપુરના આર.પી.એફ કોન્સટેબલ ૨૦,૦૦૦ની લાંચ લેતા ઝડપાયા

રેલવે ફાટકના વીજપોલને ડમ્પર રિવર્સ લેતા નુકશાન થતા ડમ્પર ચાલક પાસે ફરિયાદ દાખલ નહીં કરવા લાંચ માંગી હતી

પાલનપુર : પાલનપુર રેલ્વે વિભાગમાં કોન્ટ્રાકટર તરીકે કામ કરતા એક વ્યક્તિએ તેના કપચી ભરેલા ડમ્પરથી મોટા રેલ્વે ફાટકના વીજ પોલને ડમ્પર રીવર્સ લેતા થોડુ નુકશાન પહોચાડયું હતું. જે બાબતે પાલનપુરના આર.પી.એફ કોન્સટેબલ શબ્બીરઅલી અકબર અલી મેઠાએ તેનો સંપર્ક કરી તમારી ઉપર ફરીયાદ દાખલ થશે અને ફરીયાદ ના દાખલ કરાવવી હોય તો તમારે વ્યવહાર કરવો પડશે એમ કહી રૂપીયા ૫૦,૦૦૦ની માંગણી કરી હતી.જે રકઝક કરતાં રૂપીયા ૨૦,૦૦૦ આપવાનુ નકકી કર્યું હતું.

   ડમ્પર ચાલકે પાલનપુર એસીબીનો સંપર્ક કરતાં ભુજ બોર્ડર એકમ એ.સી.બી.ના મદદનીશ નિયામક કે.એચ.ગોહીલના માર્ગદર્શનમાં બનાસકાંઠા એ.સી.બીના પોલીસ ઈન્સ્પેકટર કે.જે.પટેલે તેમના સ્ટાફ સાથે પાલનપુરની અમનપાર્ક સોસાયટીમા છટકુ ગોઠવી કોન્સટેબલ શબ્બીરઅલીને રુ.૨૦,૦૦૦ની લાંચ સ્વીકારાતા રંગે હાથ ઝડપી લીધા હતા.

(11:53 am IST)
  • રાજકોટમાં ૧૦ કિલો ગાંજા સાથે મહેમૂદા ઉર્ફ લાલુડી પકડાઇઃ દેવપરા પાસે વિવેકાનંદનગરમાં રહેતી સંધી મુસ્લિમ મહિલા રિક્ષામાં બેસી નિલકંઠ ટોકિઝ પાસેથી નીકળતાંભકિતનગરના કોન્સ. દેવાભાઇ ધરજીયા અને ભાવેશભાઇ મકવાણાની બાતમી પરથી દબોચી લેવાઇઃ રિમાન્ડ મેળવવા તજવીજ access_time 11:25 am IST

  • આંધ્ર પ્રદેશમાં ફરી તેલુગુ દેશમ પાર્ટી સત્તા પર આવી રહી છે : ચંદ્રાબાબુ નાયડુ ફરી મુખ્ય મંત્રી બનશે : એક્ઝિટ પોલ:આંધ્ર પ્રદેશ વિધાનસભાની ચુંટણીઅંગેના એક્ઝિટ પોલમાં ફરી એકવાર ચંદ્રાબાબુ નાયડુની ટીડીપી સરકાર સત્તા પાર આવી રહયાના તારણો જાહેર થયા છે.:ફર્સ્ટ રિપોર્ટના અહેવાલ મુજબ આંધ્ર વિધાનસભાની ૧૭૫ બેઠકમાંથી ચંદ્રાબાબુના તેલુગુ દેશમ પક્ષને ૧૦૬ બેઠકો સાથે સ્પષ્ટ બહુમતી મળી રહ્યાનું આ એક્ઝિટ પોલમાં દર્શાવાયું છે. access_time 1:36 am IST

  • લોકસભા ચૂંટણી પરિણામ પહેલા બસપા સુપ્રીમો માયાવતી લખનઉથી દિલ્હી દોડ્યા: યુપીએ અધ્યક્ષ સોનિયા ગાંધી અને કોંગ્રેસ અધ્યક્ષ રાહુલ ગાંધીને મળશે: ચૂંટણી પ્રચારમાં કોંગ્રેસના વિરોધમાં આક્રમક ભાષાનો ઉપયોગ કરનારી માયાવતીનું આ પગલું ચોંકાવનારું : ભાજપ પ્રણિત એનડીએને બહુમતી ન મળે તો કેન્દ્રમાં નોન-ભાજપ ગઠબંધન સરકાર બનાવવા માટે મનોમંથન થવાની શકયતા access_time 1:37 am IST