Gujarati News

Gujarati News

News of Tuesday, 20th April 2021

રાજપીપળાની વીજ કંપનીએ માર્ચ મહિનામાં બિલ નહિ ભરનારા 19 હજારથી વધુ જોડાણ કટ કરી રૂ.09 કરોડ રિકવર કર્યા

11 કરોડ ના બાકી લેણા પેટે 9 કરોડ રૂપિયાની રિકવરી બાબતે કડક કાર્યવાહી કરતા બિલ ન ભરી બિન્દાસ બનેલા ગ્રાહકોમાં ફફડાટ

(ભરત શાહ દ્વારા) રાજપીપળા : રાજપીપલા ખાતે આવેલ દક્ષિણ ગુજરાત વીજ કંપની એ તેના ગ્રાહકો પાસે થી વીજ બીલ ના બાકી નાણાં વસૂલવા કડક કાર્યવાહી કરી અસંખ્ય વીજ જોડાણો ગત માર્ચ મહિના માં કરતા ગ્રાહકોમાં ફફડાટ ફેલાયો હતો.
મળતી માહિતી મુજબ દક્ષિણ ગુજરાત વીજ કંપનીએ નાણાકીય વર્ષના અંતિમ માર્ચ મહિના માં વીજ બિલના બાકી નાણાની રિકવરી માટે ઝુંબેશ શરુ કરી કુલ 11 કરોડ 38 લાખ રૂપિયા ની બાકી રકમ ની ઉઘરાણી માટે તેના ગ્રાહકો પ્રત્યે નું ઉદાર વલણ છોડી કડક અભિગમ અપનાવી 19,266 ગ્રાહકોના વીજ જોડાણ કાપી નાખતા વીજ ગ્રાહકો એ નાણાં ભરપાઈ કરતા જેના ભાગરૂપે 9 કરોડ 46 લાખ રૂપિયા ની રિકવરી કરી હતી.
 રાજપીપલા ડીજીવીસીએલ કંપની ના કાર્યપાલક ઈજનેર એ જી પટેલે આ બાબતે જણાવ્યું હતું કે માર્ચ માસ માં નાણા નહિ ભરનારા 362 ગ્રાહકો ના વીજ જોડાણો કાયમી ધોરણે કાપી નાખવા માં આવ્યા હતા. આ રિકવરી ઝુંબેશ માં રાજપીપલા ડિવિઝન હેઠળ ના સાત સબ ડિવિઝન ના 90 કર્મચારીઓ ની ટિમ દ્વારા દરરોજ કડક રિકવરી ઝુંબેશ શરૂ કરતાં અંતે તેમાં સફળતા મેળવી હતી.

(11:12 pm IST)
  • કોરોના મહામારી અંગે ગુજરાત હાઈકોર્ટમાં સુનાવણી શરૂ : ગુજરાત સરકારે ૮૨ પાનાનું ઍફીડેવીટ દાખલ કર્યુ : જેમાં સરકારે કરેલી તમામ વ્યવસ્થાના દાવા કર્યા access_time 12:04 pm IST

  • અરવિંદ કેજરીવાલના પત્નિને કોરોના : દિલ્હીના મુખ્યમંત્રી અરવિંદ કેજરીવાલના પત્નિ સુનિતા કેજરીવાલ કોરોના સંક્રમિત થયા છે : અરવિંદ કેજરીવાલ પણ કવોરન્ટાઈ થયા access_time 2:32 pm IST

  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST