Gujarati News

Gujarati News

News of Tuesday, 20th April 2021

ચેતજો:વલસાડ જિલ્લામાં લગ્ન સમારંભમાં કોવિડ-૧૯ના નિયમોનું ચુસ્‍તપણે પાલન કરવા જિલ્લા કલેક્‍ટર આર.આર.રાવલ ની ચેતવણી

જિલ્લાના તમામ પ્રિન્‍ટિંગ પ્રેસના માલિકોને ત્‍યાં લગ્નની કંકોતરીના છાપકામની એક-એક કોપી પોલીસ અને મામલતદારને મેળવી લેવા સૂચના :કંકોતરીના સરનામું અને તારીખના આધારે પોલીસની ટીમ લગ્નના આગલા દિવસે સ્‍થળ ઉપર જઇ ઘરવાળાઓને કોવિડ-૧૯ની માર્ગદર્શિકાનું ચુસ્‍તપણે પાલન કરવાની સમજ આપશે

(કાર્તિક બાવીશી દ્વારા )વલસાડ જિલ્લામાં વધી રહેલા કોરોના સંક્રમણને ધ્‍યાને રાખી જિલ્લા કલેક્‍ટર આર.આર.રાવલે અગમચેતીના ભાગરૂપે આગામી લગ્નગાળા દરમિયાન એકઝીકયુટીવ મેજિસ્‍ટ્રેટ અને પી.એસ.આઇ.ને કોવિડ-૧૯ના નિયમોનો ભંગ ન થાય તે માટે જવાબદારી સોંપી છે. જે અનુસાર ગામડાઓમાં ડી.જે.ના તાલે વરઘોડાઓ નીકળે, નિયમ વિરુદ્ધના સમારંભો થાય અને કોરાના સંક્રમણની સ્‍થિતિ વકરે એ પ્રકારના કોઇપણ કિસ્‍સા ન બને તેની તકેદારીના ભાગરૂપે જિલ્લાના તમામ પ્રિન્‍ટિંગ પ્રેસના માલિકોને ત્‍યાં લગ્નની કંકોતરીના છાપકામની એક-એક કોપી પોલીસ અને મામલતદારને મેળવી લેવા સૂચના આપી છે. આ કંકોતરીના સરનામું અને તારીખના આધારે પોલીસની ટીમ લગ્નના આગલા દિવસે સ્‍થળ ઉપર જઇ ઘરવાળાઓને કોવિડ-૧૯ની માર્ગદર્શિકાનું ચુસ્‍તપણે પાલન કરવાની સમજ આપશે. તેમ છતાં પણ જો બીજા દિવસે કોવિડ-૧૯ના નિયમનો ભંગ થતો માલુમ પડશે તો તેમની સામે પોલીસ કાયદેસરનો ગુનો દાખલ કરશે. વધુમાં જે ગામમાં કોઇપણ આવો કિસ્‍સો બનશે, તે ગામના સરપંચને શા માટે હોદ્દા ઉપરથી દૂર કેમ ન કરવા? તેની નોટીસ આપવાની સાથે તલાટીને પણ આમાં જવાબદાર ગણી શિક્ષાત્‍મક પગલાં લેવાની જિલ્લા કલેક્‍ટર આર.આર.રાવલે ચેતવણી આપી છે.

(7:37 pm IST)
  • અરવિંદ કેજરીવાલના પત્નિને કોરોના : દિલ્હીના મુખ્યમંત્રી અરવિંદ કેજરીવાલના પત્નિ સુનિતા કેજરીવાલ કોરોના સંક્રમિત થયા છે : અરવિંદ કેજરીવાલ પણ કવોરન્ટાઈ થયા access_time 2:32 pm IST

  • છેલ્લા 24 કલાક દરમ્યાન દેશમાં 1,45,000 થી વધુ લોકોએ કોરોનાનો મહાત કર્યો : જ્યારે 2,71,000 થી વધુ નવા કેસ અને 1780 થી વધુ દુઃખદ મૃત્યુ નોંધાયા છે : રાત્રે 10.15 વાગ્યાની સ્થિતિએ હજુ 6 રાજ્યોના છેલ્લા 24 કલાકના નવા કેસ રિપોર્ટ કરવાના બાકી છે. access_time 10:59 pm IST

  • 1 મે થી COVID-19 રસી 18 વર્ષની ઉપરના તમામ લોકો લઈ શકશે : રસી ઉત્પાદકો પૂર્વ ઘોષિત ભાવે ખુલ્લા બજારમાં પણ વેચી શકશે : PIBની વેબસાઇટ પર એક અખબારી યાદી મુજબ, રસી ઉત્પાદકોને તેમની રસી ઉત્પાદન ક્ષમતાનો 50% જથ્થો, રાજ્ય સરકારોને અને ખુલ્લા બજારમાં પૂર્વ ઘોષિત ભાવે મુક્ત રીતે વહેંચવાની સત્તા આપવામાં આવશે. access_time 9:57 pm IST