Gujarati News

Gujarati News

News of Tuesday, 20th April 2021

નડિયાદમાં એલસીબી સહીત એસઓજી જવાનોએ પેટ્રોલિંગ દરમ્યાન વિદેશી દારૂની 392 બોટલો જપ્ત કરી ત્રણ શખ્સોની ધરપકડ કરી

નડિયાદ: શહેરના લિસ્ટેડ બુટલેગરને તેના ઘરની સામેના ખુલ્લા પ્લોટમાં બનાવાયેલ ભોંયરામાં સંતાડેલ ભારતીય બનાવટના પરપ્રાંતના વિદેશી દારૂના જથ્થા એલસીબીએ પકડી પાડ્યો હોવાનું જાણવા મળેલ છે.

મળતી માહિતી અનુસાર એલસીબી અને એસઓજી પોલીસના જવાનો પેટ્રોલીંગ કરી રહ્યા હતા ત્યારે માહિતી મળી હતી કે નડિયાદ રામદેવપીર મંદિરની સામે આવેલ શ્રી રંગ સોસાયટીમાં રહેતો ઈકબાલ ઉર્ફે મુન્નો બચુખાન પઠાણ નામનો ઈસમ તેના મળતીયા ફીરોજ ઉર્ફે લંગડો અલ્લારખા (રહે. નડિયાદ ફૈજાન પાર્ક સોસા.ના)નો મળીને બહારથી ભારતીય બનાવટનો પરપ્રાંતનો વિદેશી દારૂનો જથ્થો ચોરીછૂપીથી ભરી લાવી તેના ઘરની સામે આવેલા ખુલ્લા પ્લોટમાં ભોંયરું બનાવી દારૂનો જથ્થો સંતાડી રાખી ખાનગી વેચાણ કરે છે. જેના આધારે આ જગ્યાએ રેઈડ કરતા ઈકબાલ ઉર્ફે મુન્નો બચુખાન પઠાણ તથા દિપક ઉર્ફે મેડિકલ ઈશ્વરભાઈ સરગરા (મારવાડી) ઝડપાઈ જવા પામ્યા હતા. પોલીસે ઈકબાલ ઉર્ફે મુન્નો બચુખાન પઠાણના ઘરની સામે આવેલ ખુલ્લા પ્લોટના ખુણામાં બનાવેલ ભાંેયરામાંથી વગર પાસ પરમીટનો ભારતીય બનાવનો પરપ્રાંતની વિદેશી દારૂની કુલ્લે બોટલ નંગ ૩૯૨ કિંમત રૂા. ૧,૬૮,૮૦૦ તથા રોકડા રૂા. ૮૧૦ તથા મોબાઈલ નંગ ૨ કિંમત. રૂા. ૫૫૦૦/- મળી કુલ કિંમત રૂા. ૧,૭૫,૧૧૧/- ના મુદ્દામાલ જપ્ત કરીને ફીરોજ ઉર્ફે લંગડો અલ્લારખાને પણ ઝડપી પાડી કાર્યવાહી હાત ઘરવામાં આવી હતી.

(5:26 pm IST)
  • છેલ્લા 24 કલાક દરમ્યાન દેશમાં 1,45,000 થી વધુ લોકોએ કોરોનાનો મહાત કર્યો : જ્યારે 2,71,000 થી વધુ નવા કેસ અને 1780 થી વધુ દુઃખદ મૃત્યુ નોંધાયા છે : રાત્રે 10.15 વાગ્યાની સ્થિતિએ હજુ 6 રાજ્યોના છેલ્લા 24 કલાકના નવા કેસ રિપોર્ટ કરવાના બાકી છે. access_time 10:59 pm IST

  • શાપર - વેરાવળ - મેટોડા - આજી જીઆઈડીસી રાજકોટ ઍન્જીનિયરીંગ ઍસોસીઍશનના તમામ ઔદ્યોગિક ઝોન બુધ-ગુરૂ બે દિવસ બંધ રહેશે : કોરોનાની મહામારીની પરિસ્થિતિને ધ્યાનમાં લઈ તા. ૨૧ અને ૨૨ (બુધ - ગુરૂ) માટે શાપર - વેરાવળ - મેટોડા - આજી જીઆઈડીસી રાજકોટ ઍન્જીનિયરીંગ ઍસોસીઍશનના ઔદ્યોગિક ઝોનના તમામ ઍકમો બંધ રહેશે તેમ શાપર વેરાવળ ઈન્ડસ્ટ્રીયલ ઍસોસીઍશનના રમેશભાઈ ટીલાળા, રતિલાલ સાડરીયા અને કિશોરભાઇ પટેલે જણાવ્યુ છે access_time 1:04 pm IST

  • સાંજે ૫:૩૦ આસપાસ રાજકોટ નજીક શહેર અને ગોંડલ પંથકમાં કમોસમી વરસાદ શરૂ થયો છે : આકાશમાં કાળા ડિબાંગ વાદળો અચાનક ઘેરાઇ આવ્યા છે (ભાવેશ ભોજાણી દ્વારા) access_time 5:33 pm IST