Gujarati News

Gujarati News

News of Tuesday, 20th April 2021

અમદાવાદમાં પત્નીને પરપુરૂષ સાથેના આડાસંબંધની શંકામાં પતિએ કૂતરાને ટ્રેઇન કરવાની સ્ટીકથી ફટકારીને છરીની અણીએ સ્યુસાઇડ નોટ લખાવીને સસરાને મોકલીઃ પત્નીની પોલીસ ફરિયાદ

અમદાવાદઃ પત્નીને પરપુરુષ સાથે આડાસંબંધ હોવાની આશંકાએ એક પતિએ તેની પત્નીને કૂતરાને ટ્રેઇન કરવાની સ્ટીકથી ફટકારીઅમદાવાદના એમરાઇવાડી પોલીસ સ્ટેશનમાં અંગે ફરિયાદ નોંધાઇ છે. જેમાં ફરિયાદી મહિલાનું કહેવું છે કે તેના પતિએ પેટ પર છરી મૂકી સ્યૂસાઇડ નોટ પણ લખાવી તેના પિતાને મોકલી હતી.

અમરાઇવાડીમાં રહેતી ગભરાઈ ગયેલી આપરિણીતા હાલ તેનાતેના પિયર આવી ગઈછે. બાદમાં અમરાઈવાડી પોલીસ સ્ટેશનમાં પતિના વિરુદ્ધમાં ફરીયાદ નોંધાવતા પોલીસે ગુનો દાખલ કરી વધુ તપાસ હાથધરી છે.

16 વર્ષ પહેલાં જુનાગઢના શખસ સાથે લગ્ન થયા હતા

પ્રાપ્ત વિગત નુજબ અમરાઇવાડી વિસ્તારમાં રહેતી 35 વર્ષીય મહિલાના લગ્ન 16 વર્ષ પહેલા જુનાગઢ ખાતે થયા હતા. બાદમાં મહિલા તેના પતિ સહિત સાસરિયા સાથે સંયુક્ત પરીવારમાં રહેવા ત્યાં ચાલી ગઈ હતી. જો કે લગ્ન બાદ મહિલા પતિ સાથે જૂનાગઢ અને બાદમાં મુંબઈ ખાતે રહેતી હતી.

બીજી બાજુ લગ્નના થોડા દિવસ પસાર થતા પતિ નાની નાની વાતે મહિલાનો વાંક કાઢી ઝઘડો કરી મારઝુડ કરવા લાગ્યો હતો. દરમિયાન મહિલા બે સંતાનોની માતા બની હતી. થોડા દિવસ પહેલા પતિએ  ઘરે આવીને અચાનક કહ્યુ હતું કેતારા પુરુષ મિત્ર સાથે આડા સંબંધ છે, જો કે મહિલાએ જણાવ્યુ હતુ કે, અમે કોલેજના સમયથી સારા મિત્ર છે અને પરિવારજનોને પણ મિત્ર હોવાની જાણ છે પણ માત્ર તે એક સારો મિત્ર છે. સાંભળીને પતિ ઉશ્કેરાઈ ગયો હતો અને મહિલાના વાળ ખેંચીને કૂતરાને ટ્રેન કરવાની સ્ટીકથી મારમાર્યો હતો.

ફોન આવતા બહાર નીકળ્યો અમે મહિલા પિયર આવી ગઇ

બાદમાં પતિ રસોડામાંથી છરી લાવીને મહિલાના પેટ પર મુકીને સ્યુસાઈડ નોટ લખાવી હતી. જે તેણે  પોતાના સસરાને મોકલી આપી હતી. તે દરમિયાન અચાનક પતિને કોઇનો ફોન આવ્યો હતો. જેથી તે વાત કરવા માટે ઘરની બહાર નીકળ્યો હતો. ત્યારે ગભરાઈ ગયેલી મહિલાને બીજુ કઈ સુજે તે પહેલા તે ઘરમાંથી બહાર નીકળીને પોતાના પિયર દોડી આવી હતી. બાદમાં માતા-પિતાને ઘટાનાની જાણ કરી હતી.

પિયર આવી ગયેલી મહિલાએ બાદમાં માતા-પિતાને જાણ કરી અમરાઈવાડી પોલીસ સ્ટેશનમાં પતિના વિરુદ્ધમાં ગુનો નોંધાવતા પોલીસે ગુનો દાખલ કરી વધુ તપાસ હાથધરી છે.

મહિલાના પિતાએ પણ જમાઈએ મોકલેલ સુસાઈડ નોટ વાંચી હતી. બાદમાં મહિલાએ અમરાઈવાડી પોલીસ સ્ટેશનમાં ફરીયાદ નોંધાવી છે.

(5:22 pm IST)
  • બેંકોના મુખ્ય કર્મચારી સંઘે દાવો કર્યો છે કે ગુજરાતમાં અત્યાર સુધીમાં 15,000 બેંક કર્મચારીઓને કોરોના વાયરસનો ચેપ લાગ્યો છે. કોરોનાની બીજી લહેરમાં એપ્રિલ દરમિયાન છેલ્લા એક મહિનામાં 30 બેન્ક કર્મચારીઓએ જીવ ગુમાવ્યો છે. પ્રવર્તમાન સ્થિતિને ધ્યાનમાં રાખીને મહા ગુજરાત બેંક કર્મચારી સંઘ (MGBA) એ બેંકો માંથી રોકડ ઉપાડના કલાકોમાં ઘટાડો, વધારાની રજાઓ અને કામના કલાકોમાં છૂટછાટની માંગ કરી છે. access_time 12:05 am IST

  • છેલ્લા 24 કલાક દરમ્યાન દેશમાં 1,45,000 થી વધુ લોકોએ કોરોનાનો મહાત કર્યો : જ્યારે 2,71,000 થી વધુ નવા કેસ અને 1780 થી વધુ દુઃખદ મૃત્યુ નોંધાયા છે : રાત્રે 10.15 વાગ્યાની સ્થિતિએ હજુ 6 રાજ્યોના છેલ્લા 24 કલાકના નવા કેસ રિપોર્ટ કરવાના બાકી છે. access_time 10:59 pm IST

  • દેશના ૧૦ રાજ્યોમાં ૧૦ હજારથી માંડીને ૫૮ હજાર નવા કોરોના કેસ નોંધાયા: મહારાષ્ટ્રમાં ૨૪ કલાકમાં સૌથી વધુ ૫૮ હજાર કેસ: યુપીમાં ૨૮,૦૦૦: દિલ્હીમાં ૨૩ હજાર: કર્ણાટકમાં ૧૫૦૦૦ તેમાંથી એકલા બેંગ્લોરમાં ૯,૬૦૦ કેસ: એમપીમાં બાર હજાર: રાજસ્થાન ૧૧૦૦૦: ગુજરાત ૧૧ હજાર અને તામિલનાડુ દસ હજાર નવા કેસો: મહારાષ્ટ્રના પુણેમાં ૯૫૦૦: મુંબઈમાં ૭૩૦૦: નાગપુર ૬૭૦૦ નવા કોરોના કેસ: જ્યારે સૌરાષ્ટ્ર-ગુજરાતના અમદાવાદમાં ૪૨૦૭, સુરતમાં ૧૮૭૯, રાજકોટમાં ૬૬૩, ચૌધરી હાઇસ્કૂલના મેદાનમાં ૧૦૦ મોટરની લાઈનો લાગી છે અને વડોદરા ૪૨૬ નવા કોરોના કેસ નોંધાયા access_time 12:06 pm IST