Gujarati News

Gujarati News

News of Tuesday, 20th April 2021

આભાસી કોર્ટની કાર્યવાહીમાં પક્ષકારોની ગેરહાજરીમાં કોર્ટ કોઇ હુકમો કરશે નહિ

કોર્ટો ફીઝીકલ રીતે ચાલુ થાય ત્યારે કોર્ટ-ફી-સ્ટેમ્પ લગાવવી પડશે

રાજકોટ, તા.૨૦: ગુજરાત વડી અદાલતના તા.૬-૪-૨૦૨૧ તથા તા.૧૫-૪-૨૦૨૧ના પરિપત્રોથી બહાર પાડવામાં અવોલ માર્ગદર્શીકા અન્વયે રાજકોટ જિલ્લાની તમામ અદાલતો અન્ય હુકમ નહીં કરવામાં આવે ત્યાં સુધી ફરજીયાત રીતે હાલ વર્ચ્યુઅલ મોડથી કાર્યરત છે.

આથી તમામ વકિલશ્રીઓ તથા પક્ષકારોને ફરીથી વિનંતીપૂર્વક જણાવવાનું કે, હાલના સંજોગોમાં કોઇ જ ન્યાયાધિકારીશ્રી તેમની અદાલતમાં ચાલતા કેસોમાં વકિલશ્રી, પક્ષકાર, સાક્ષીઓ કે આરોપીઓની ગેરહાજરીના કારણે વિરૂધ્ધનો હુકમ ફરમાવશે નહીં.

વધુમાં વકિલશ્રીઓ દ્વારા દાખલ કરવામાં આવેલ કેસ/ દાવામાં વેલ્ફેર ટીકીટ કોર્ટ ફ્રી સ્ટેમ્પ રજુ કરવાની બાંહેધરી અરજી તેમણે રજુ કરેલ કેસ/ દાવાના એન્વેલોપ/ કવરમાં સામેલ કરવાની રહેશે. કોરોના સંક્રમણને અટકાવવા સારૂ જિલ્લાની તમામ અદાલતોમાં બારરૂમો તથા લાઇબ્રેરીઓ બંધ રાખવામાં આવેલ છે તેમ છતાં ડીસ્ટ્રીકટ કોર્ટના ધયને આવેલ છે કે, વકિલશ્રીઓ બિનજરૂરી અને કામ વગર કોર્ટ પરિસરમાં ઉપસ્થિત રહે છે. તેમજ એક વકિલશ્રી સાથે તેમના પ-૧૦ જુનિયર વકિલો પણ સાથે આવે છે. જેથી, તમામ વકિલશ્રીઓ/પક્ષકારો/સાક્ષીઓ કે આરોપીઓને ફરી સખત વિનંતી સહ અરજ કરવામાં આવે છે કે, તમારી તેમજ અન્ય તમામની સલામતી માટે કોઇએ બિનજરૂરી કોર્ટ પરિસરમાં આવવુ નહી, અને તમામ વકિલશ્રીઓએ પોત પોતાના કેસોની સુનાવણી પોતાની ઓફીસ અથવા ઘરેથી 'ઝુમ' એપ્લીકેશનથી કરવાની છે.

આમ, કોર્ટોમાં પ્રત્યક્ષ હાજરી ટાળશું તો ચોક્કસ કોરોના સંક્રમણને નાથવામાં સફળ થઇશું.

(4:11 pm IST)
  • ૧લી જુલાઈથી લાખો કેન્દ્રીય કર્મચારીઓનો પગારમાં મોટો વધારો થશે : ૭મા પગારપંચ હેઠળ ૧લી જુલાઈથી કેન્દ્રીય કર્મચારીઓનો પગાર વધીને આવશે : ૨૮ મોંઘવારી ભથ્થુ મળશે તેવુ જાણવા મળશે : જુલાઈ મહિનામાં કેન્દ્રના કર્મચારીઓ અને પેન્શનરોને મોંઘવારી ભથ્થુ હાલના ૧૭ થી વધીને ૨૮ મળશે તેવું જાણવા મળે છે access_time 3:24 pm IST

  • બેંકોના મુખ્ય કર્મચારી સંઘે દાવો કર્યો છે કે ગુજરાતમાં અત્યાર સુધીમાં 15,000 બેંક કર્મચારીઓને કોરોના વાયરસનો ચેપ લાગ્યો છે. કોરોનાની બીજી લહેરમાં એપ્રિલ દરમિયાન છેલ્લા એક મહિનામાં 30 બેન્ક કર્મચારીઓએ જીવ ગુમાવ્યો છે. પ્રવર્તમાન સ્થિતિને ધ્યાનમાં રાખીને મહા ગુજરાત બેંક કર્મચારી સંઘ (MGBA) એ બેંકો માંથી રોકડ ઉપાડના કલાકોમાં ઘટાડો, વધારાની રજાઓ અને કામના કલાકોમાં છૂટછાટની માંગ કરી છે. access_time 12:05 am IST

  • તેલંગણાના મુખ્યમંત્રીને કોરોના વળગ્યો : તેલંગણાના મુખ્યમંત્રી કે. ચંદ્રશેખર રાવને કોરોના પોઝિટિવ આવતા હાલમાં આઇસોલેશનમાં ડૉક્ટરોની નજર હેઠળ, પોતાના ફાર્મહાઉસમાં સારવાર લઈ રહ્યા છે. access_time 9:57 pm IST