Gujarati News

Gujarati News

News of Tuesday, 20th April 2021

અનેક વિસ્તારોમાં કોરોનાની ટેસ્ટિંગ કિટ હવે ખૂટી પડી

અમદાવાદમાં લોકોના હાલ બેહાલ : નવાઈની વાત એ છે કે કિટ્સ ખૂટી પડી છે ત્યાં નવો સ્ટોક ક્યારે આવશે તેની ત્યાં ફરજ બજાવતા સ્ટાફને ખબર નથી

અમદાવાદ,તા.૧૯ : એક તરફ શહેરમાં કોરોનાના ટેસ્ટિંગ માટે લાંબી-લાંબી લાઈનો લાગી રહી છે, ત્યારે અનેક વિસ્તારોમાં ટેસ્ટિંગ સેન્ટર્સ પર કિટ્સ ખૂટી પડતાં લોકોને ટેસ્ટિંગ માટે આમથી તેમ ભટકવું પડી રહ્યું છે. ગુજરાતમાં કોરોનાના ડેઈલી કેસનો આંકડો ૧૦ હજારને પાર કરી ચૂક્યો છે. અમદાવાદમાં પણ ગઈકાલે ૩૬૪૧ નવા કેસ નોંધાયા હતા. ઉલ્લેખનીય છે કે, શહેરમાં આરટી-પીસીઆર ટેસ્ટ માટે પણ ખાનગી લેબ્સમાં લાંબું વેઈટિંગ ચાલી રહ્યું છે. અમદાવાદના અખબારનગર, અંકુર ક્રોસ રોડ, નવરંગપુરા જેવા વિસ્તારોમાં આજે કિટ્સ ખૂટી પડતાં લોકોને લાઈનમાં ઉભા ના રહેવાની સૂચના આપતા પાટિયા લગાવી દેવાયા હતા.

ઘણા ટેસ્ટિંગ સેન્ટર્સમાં ગણતરીની કિટ્સ જ બાકી રહેતા તે પણ મિનિટોમાં જ ખતમ થઈ ગઈ હતી. જેના કારણે કેટલાક કિસ્સામાં તો ટેસ્ટિંગ માટે લાઈનમાં ઉભા રહેલા લોકોને પાછા જવાની ફરજ પડી હતી. નવાઈની વાત એ છે કે જ્યાં કિટ્સ ખૂટી પડી છે ત્યાં નવો સ્ટોક ક્યારે આવશે તેની પણ ત્યાં ફરજ બજાવતા સ્ટાફને ખબર નથી. તેવામાં લોકોને લાઈનમાં ઉભા ના રહેવા માટે પણ કહેવાઈ રહ્યું છે. ઉલ્લેખનીય છે કે, અમદાવાદમાં હાલ હોસ્પિટલોમાં જગ્યા નથી રહી.

ઘણી હોસ્પિટલોમાં ઓક્સિજનની તંગી પડી રહી છે. રેમડેસિવિર ઈન્જેક્શન માટે લોકોને ધક્કા ખાવા પડી રહ્યા છે. ખાનગી દવાખાનાઓ તેમજ ક્લિનિકોમાં પણ દર્દીઓની લાંબી લાઈનો જોવા મળી રહી છે. કોર્પોરેશન દ્વારા ઠેકઠેકાણે બનાવાયેલા ટેસ્ટિંગ ડોમ્સની તો એવી હાલત છે કે ત્યાં કામકાજ ચાલુ હોય તે દરમિયાન ૪૦-૫૦ લોકો તો લાઈનમાં ઉભા જ હોય છે. કોરોનાના કેસોમાં રોકેટ ગતિએ આવેલા ઉછાળાને કારણે લોકોમાં પણ ડરનો માહોલ જોવા મળી રહ્યો છે. સ્થિતિ એવી છે કે જો કોઈને સામાન્ય શરદી થઈ જાય કે થોડો તાવ આવી જાય તો પણ તે ડરનો માર્યો કોરોના ટેસ્ટ કરાવવા દોડી જાય છે. જેના કારણે ટેસ્ટિંગ સેન્ટર્સ પર લાંબી-લાંબી લાઈનો દેખાઈ રહી છે.

(9:17 pm IST)
  • દેશના ૧૦ રાજ્યોમાં ૧૦ હજારથી માંડીને ૫૮ હજાર નવા કોરોના કેસ નોંધાયા: મહારાષ્ટ્રમાં ૨૪ કલાકમાં સૌથી વધુ ૫૮ હજાર કેસ: યુપીમાં ૨૮,૦૦૦: દિલ્હીમાં ૨૩ હજાર: કર્ણાટકમાં ૧૫૦૦૦ તેમાંથી એકલા બેંગ્લોરમાં ૯,૬૦૦ કેસ: એમપીમાં બાર હજાર: રાજસ્થાન ૧૧૦૦૦: ગુજરાત ૧૧ હજાર અને તામિલનાડુ દસ હજાર નવા કેસો: મહારાષ્ટ્રના પુણેમાં ૯૫૦૦: મુંબઈમાં ૭૩૦૦: નાગપુર ૬૭૦૦ નવા કોરોના કેસ: જ્યારે સૌરાષ્ટ્ર-ગુજરાતના અમદાવાદમાં ૪૨૦૭, સુરતમાં ૧૮૭૯, રાજકોટમાં ૬૬૩, ચૌધરી હાઇસ્કૂલના મેદાનમાં ૧૦૦ મોટરની લાઈનો લાગી છે અને વડોદરા ૪૨૬ નવા કોરોના કેસ નોંધાયા access_time 12:06 pm IST

  • બેંકોના મુખ્ય કર્મચારી સંઘે દાવો કર્યો છે કે ગુજરાતમાં અત્યાર સુધીમાં 15,000 બેંક કર્મચારીઓને કોરોના વાયરસનો ચેપ લાગ્યો છે. કોરોનાની બીજી લહેરમાં એપ્રિલ દરમિયાન છેલ્લા એક મહિનામાં 30 બેન્ક કર્મચારીઓએ જીવ ગુમાવ્યો છે. પ્રવર્તમાન સ્થિતિને ધ્યાનમાં રાખીને મહા ગુજરાત બેંક કર્મચારી સંઘ (MGBA) એ બેંકો માંથી રોકડ ઉપાડના કલાકોમાં ઘટાડો, વધારાની રજાઓ અને કામના કલાકોમાં છૂટછાટની માંગ કરી છે. access_time 12:05 am IST

  • અરવિંદ કેજરીવાલના પત્નિને કોરોના : દિલ્હીના મુખ્યમંત્રી અરવિંદ કેજરીવાલના પત્નિ સુનિતા કેજરીવાલ કોરોના સંક્રમિત થયા છે : અરવિંદ કેજરીવાલ પણ કવોરન્ટાઈ થયા access_time 2:32 pm IST