Gujarati News

ગાંધીનગર,તા.૨૦: ગુજરાતની તમામ ૨૬ સીટ પર મતદાનનો તખ્તો ગોઠવાઈ ચુક્યો છે ત્યારે ગુજરાતમાં ૨૬ સીટ પૈકી કોને કેટલી સીટો મળશે તેને લઇને ચર્ચા છેડાઈ ગઈ છે. મધ્ય ગુજરાતની સીટોની પણ ચર્ચા જોવા મળી રહી છે. દાહોદ લોકસભા સીટ પર ભાજપને વધારે મહેનત કરવાની જરૂર હોવાનો મત નિષ્ણાતો વ્યક્ત કરી રહ્યા છે. અગાઉના પરિણામો પરથી આ બાબત દેખાઈ રહી છે. અલબત્ત ૨૦૧૭માં ભાજપની સરસાઈ ૭૪૧૪૩ની છે. કોંગ્રેસની સરસાઈ ૫૭૦૪૧ની છે. વિધાનસભા ચૂંટણીના પરિણામની વાત કરવામાં આવે તો ભાજપ ૧૭૧૦૨ મતે આગળ છે. દાહોદ બેઠકનું ચિત્ર નીચે મુજબ છે.