Gujarati News

Gujarati News

News of Saturday, 20th April 2019

અમદાવાદની સાબરમતી સેન્ટ્રલ જેલમાં ચાદરમાં મોબાઈલ છુપાવીને વાતચીત કરનાર બે આરોપી રંગે હાથે

અમદાવાદ: સાબરમતી સેન્ટ્રલ જેલમાં ચાદરમાં છુપાઈને મોબાઈલ પર વાતચીત કરતા કાચા કામના બે આરોપી ઝડપાયા હતા. રાણીપ પોલીસે બન્નેની ધરપકડ કરીને તેમની પાસેથી બે મોબાઈલ કબજે કર્યા હતા. સાબરમતી જેલમાં સીસીટીવી કંટ્રોલ રૃમમાં ઓપરેટર તરીકે જેલ આશિસ્ટંટ અજીતસિંહ ડી.વાઘેલા ફરજ બજાવી રહ્યા હતા. દરમિયાન સીસીટીવીમાં નવી જેલમાં સર્કલ યાર્ડ બેરેક નંબર૩-૧માં કાચા કામના બે આરોપી ચાદર ઓઢીને મોબાઈલ પર વાતચીત કરતા હોવાનું ધ્યાનમાં આવ્યું હતું.આથી જેલના સ્ટાફે આ બેરેકમાં જઈને બન્ને આરોપીની ધરપકડ કરીને તેમની પાસેથી બે એન્ડ્રોઈડ મોબાઈલ કબજે કર્યા હતા. કાચા કામના આ આરોપીઓમાં વિજય ડી.પરમાર અને અબ્બાસ યુ.કચરાનો સમાવેશ થાય છે. પુછપરછમાં વિજયે આ મોબાઈલ પોતાનો હોવાનું તથા અબ્બાસે તેની પાસેનો મોબાઈલ વિજયે આપ્યો હોવાની કબુલાત કરી હતી.

(5:53 pm IST)
  • RBIની મોટી સ્પષ્ટતા : વ્યવસાયિક બેંકોમાં 5 દિવસજ કામકાજ થશે તેવા અહેવાલો સદંતર ખોટા : RBIએ સર્ક્યુલર બહાર પાડીને જણાવ્યું કે આવા કોઈ આદેશ RBIએ નથી બહાર પાડ્યા. access_time 10:51 pm IST

  • જામનગર ભાજપના મીડિયાસેલના સભ્ય અને સાંસદ પૂનમબેન માડમના પિતરાઈ ભાઈ નીતિન માડમ કોંગ્રેસમાં જોડાયા. ભાજપમાં ભૂકંપ : ધારાસભ્ય વિક્રમ માડમ અને ચિરાગ કાલરીયાની ઉપસ્થિતમાં રોડ શો દરમિયાન નીતિન માડમ કોંગ્રેસના પ્રચારમાં પણ જોવા મળ્યા. : તસવીર: કિંજલ કારસરીયા, અહેવાલ: મુકુંદ બડીયાણી, જામનગર. access_time 8:34 pm IST

  • રાહુલ ગાંધીનો ૨૧ એપ્રિલનો કાર્યક્રમ રદઃ રાહુલ નહિ આવે ગુજરાત : અન્ય રાજયોમાં પ્રચારને કારણે વ્યસ્ત હોવાથી નહિ આવે ગુજરાત access_time 4:01 pm IST