બાયડ તાલુકાના ઓઢા ગામે પીવાના પાણીની સમસ્યાથી રહીશોને હાલાકી રાધનપુરના વડપાસર ગામની તળાવમાં પ્રેમી યુગલના મૃતદેહ મળી આવ્યા

News of Friday, 20th April 2018

બાયડ તાલુકાના ઓઢા ગામે પીવાના પાણીની સમસ્યાથી રહીશોને હાલાકી રાધનપુરના વડપાસર ગામની તળાવમાં પ્રેમી યુગલના મૃતદેહ મળી આવ્યા

રાધનપુર:તાલુકાના વડપાસર ગામના તળાવમાં પ્રેમી યુગલના હાથે રૃમાલ બાંધેલી હાલતમાં મૃતદેહો મળી આવતા પંથકમાં ખળભળાટ મચી જવા પામ્યો છે. પ્રાથમિક અનુમાનમાં યુવક અને યુવતીના પરિવારજનોને આ સંબંધ મંજુર ન હોઇ આખરે પ્રેમી યુગલે સજોડે આપઘાત કર્યો હોવાનું મનાઇ રહ્યું છે. આજે બપોરે ગામ તળાવ વડપાસરમાંથી યુવક યુવતીની લાશ મળી આવતા લોકોના ટોળે ટોળા ઉમટયા હતા અને આ ઘટનાની જાણ રાધનપુર પોલીસને કરાતા પોલીસ ઘટના સ્થળે પહોંચીને લાશનો કબજો મેળવીને તપાસ હાથ ધરી હતી. જોક પોલીસને તપાસમાં આ યુવક યુવતિ બન્ને એકબીજાના પ્રેમમાં હતા પરંતુ ઘરવાળાઓને આ સંબંધ પસંદ ન હતો અને તેને લઈ તેઓએ આ પગલું ભર્યુ હોવાનું મનાઇ રહ્યું છે. પોલીસની તપાસમાં યુવકનું નામ નિકુલ પરમાર નનાપુરા ગામનો અને યુવતી સીનાડ ગામની કાજલબેન મકવાણા હોવાનું ખુલ્યું છે. આ પ્રેમી પંખીડાએ એકબીજાના હાથ રૃમાલથી બાંધી સાથે ઝંપલાવ્યું હતું. આ ઘટનાની જાણ શહેરીજનોને થતા ટોળે ટોળા ઉમટી પડયા હતા. પોલીસે પી.એમ. માટે રાધનપુર રેફરલમાં બન્ને મૃતદેહ મોકલી આપ્યા હતા.

(5:35 pm IST)