News of Thursday, 19th April 2018

અમદાવાદ સારવાર માટે લવાયેલ કેદી પોલીસ જાપ્તામાંથી ફરાર

અમદાવાદ :અમદાવાદ સિવિલ હોસ્પિટલ કેમ્પસમાં આવેલી યુએન મહેતા હોસ્પિટલમાં સારવાર માટે લવાયેલો કેદી પોલીસને ચકમો આપીને ફરાર થઇ ગયો હતો. પોલીસે ફરાર કેદીને પકડવા માટે ચક્રો ગતિમાન કર્યા છે.

  મળતી માહિતી પ્રમાણે અમદાવાદ સિવિલ હોસ્પિટલ કેમ્પસમાં આવેલી યુએન મહેતા હોસ્પિટલમાં પોલીસ એક કેદીને સારવાર માટે લવાયો હતો.. જોકે, કેદીએ  પોલીસને ચકમો આપી જાપ્તામાંથી ફરાર થઇ ગયો હતો. પોલીસ સુત્રોના જણાવ્યા પ્રમાણે કેદીને છાતીમાં દુઃખાવાની ફરિયાદ હોવાથી તેને યુએન મહેતામાં લાવવામાં આવ્યો હતો.

   પાકા કામના કેદીને પકડવા માટે પોલીસે ચક્રો ગતિનામ કર્યા છે. પોલીસ સુત્રોના જણાવ્યા પ્રમાણે ફરાર આપોરી અગાઉ પણ પેરોલ જમ્પ કરીને ભાગતો ફરતો હતો. આરોપીનું નામ સિરાજખાન પઠાણ છે જેની સામે વેજલપુર અને નારણપુરા પોલીસ સ્ટેનમાં ગુનાઓ નોંધાયેલા છે.

   કલોલ શહેર પોલીસના .એસ.આઈ ગત 22 માર્ચના રોજ સાબરમતી સેન્ટ્રલ જેલમાંથી મુદ્દત ભરવા કાચા કામના ત્રણ કેદીને કલોલની કોર્ટમાં લાવ્યા હતા. જયાં કાર્યવાહી પતી ગયા બાદ એક કેદી લઘુશંકા કરવા કોર્ટના શૌચાલયમાં ગયો હતો તેની સાથે .એસ.આઈ પણ ગયા હતા. અને બહાર આવ્યા બાદ કેદી તક જોઈને કોર્ટનો વરંડો ઠેકી ભાગી ગયો હતો. કેદી પોલીસ જાપ્તમાંથી ભાગી છૂટતા ભારે દોડધામ મચી ગઈ હતી. પોલીસે તેનો પીછો કર્યો પણ કેદી પળવારમાં પલાયન થઈ ગયો હતો. બનાવ અંગે પોલીસે અપુરતા જાપ્તા સાથે કેદીને કોર્ટમાં રજૂ કરનાર .એસ.આઈ સામે ફરિયાદ દાખલ કરી તપાસ હાથ ધરી છે.

(1:22 am IST)
  • કોંગ્રેસ અધ્યક્ષ રાહુલ ગાંધીએ ઈશારામાં ભારતીય જનતા પાર્ટી અધ્યક્ષ અમિત શાહ ઉપર નિશાનો સાધ્યો હતો. રાહુલે એક ટ્વીટમાં કીધુ કે 'ભારતીયો બહુ જ બુદ્ધિશાળી છે. વધારે પડતા, જેમાં ઘણા ભાજપના પણ છે, અમિત શાહની સચ્ચાઈ ઓળખે છે. તેમના જેવા લોકોને પકડવા માટેના સચાઈનો એક અનોખો તરીકો છે.' access_time 1:49 am IST

  • કોંગ્રેસમાં આંતરિક ભાગલા : સુપ્રીમ કોર્ટ ચીફ જસ્ટીસ દીપક મિશ્રા સામે મહાભિયોગનાં પ્રસ્તાવ પર કોંગ્રેસમાં આંતરિક ભાગલા પડી ગયા હોવાનું બહાર આવી રહ્યું છે. સહુ પ્રથમ પૂર્વ પ્રધાનમંત્રી મનમોહનસિંહે પ્રસ્તાવ પર સહી કરવાની ના પાડ્યા બાદ કોંગી નેતા સલમાન ખુરશીદ સહિત ૫ કોંગ્રેસી વકીલ નેતાઓએ પણ મહાભિયોગ પ્રસ્તાવનો વિરોધ કર્યો છે અને કોંગ્રેસના રાજ્યસભા સાંસદ સિંઘવીએ તો લેખિતમાં આ પ્રસ્તાવનો વિરોધ નોંધાવ્યાનું સામે આવી રહ્યું છે. access_time 2:47 pm IST

  • ખંભાળિયા -પોરબંદર રોડ પર ધતુરીયા ગામના પાટિયા પાસે બાઈક અને બોલેરો કાર વચ્ચે અકસ્માતમાં બે ના મોત access_time 9:50 pm IST