Gujarati News

Gujarati News

News of Wednesday, 20th March 2019

અમદાવાદમાં પત્રકાર ચિરાગ પટેલની હત્યા કે આત્મહત્યા ?: પોલીસ,ક્રાઈમ બ્રાન્ચ, સાયબર સેલ દ્વારા તપાસનો ધમધમાટ

ઉચ્ચ અધિકારીઓ ,ટેક્નોલોજીકલ પાર્ટ અને હ્યુમન ઈન્ટેલિજન્સની અંડર તપાસ ચાલુ

 

અમદાવાદમાં ખાનગી ન્યૂઝ ચેનલમાં કામ કરતા પત્રકાર ચિરાગ પટેલનો શંકાસ્પદ હાલતમાં મૃતદેહ મળી આવ્યા બાદ તપાસના આદેશ કરાયા છે સ્થાનિક પોલીસ, ક્રાઈમ બ્રાન્ચ અને સાયબર ક્રાઈમ સંયુક્ત રીતે તપાસ કરી રહ્યા છે. જોકે પોલીસના ઉચ્ચ અધિકારીઓ દ્વારા થયેલી તપાસમાં પ્રાથમિક તારણ આત્મહત્યા લાગી રહ્યું છે.

  અમદાવાદ પોલીસે જણાવ્યું હતું કે, અત્યાર સુધી મળેલા પુરાવાના આધારે ચિરાગ પટેલે આત્મહત્યા કરી હોય તેવી શક્યતા છે, પરંતુ ઘટના સંબધિત કેટલીક કડીઓ છે. જેના પર ઘટનામાં IPS, 2 ACP, 2 PI મળી ટેક્નોલોજીકલ પાર્ટ અને હ્યુમન ઈન્ટેલિજન્સની અંડર તપાસ ચાલુ છે. પોલીસને કુલ 7 CCTV ફૂટેજમાં જોવા મળો હતો અને વોલેટમાંથી બાકી લેવાના પૈસાનું લિસ્ટ મળી આવ્યું છે
    ઘટના મામલે હાલ સાયબર ક્રાઈમ અને FSL દ્વારા તપાસ ચાલુ છે. ચિરાગનો મોબાઈલ મળ્યો નથી તે દિશામાં તપાસ ચાલું છે અને મોબાઈલ પર ટ્રેસ પર મુકવામા આવ્યું છે. શરીરના અંદરના ભાગમાં કોઈ ઈજા નથી. પાણીની બોટલ ખરીદી અને તેમાં પેટ્રોલ ભરીને પોતાના પર છાંટી આત્મહત્યા કર્યાની થિયરી પર તપાસ ચાલી રહી છે. ક્રાઈમ બ્રાન્ચ, સાયબર ક્રાઈમની તપાસના નિવેદનમાં તેમને કોઈ શંકાસ્પદ મોત લાગતું નથી. હત્યા અને આત્મહત્યા બંનેની થિયરી પર પોલીસની તપાસ ચાલી રહી છે.

(10:58 pm IST)
  • ભાજપે લાત મારતા શત્રુઘ્ન કોંગ્રેસ ભેગા ? : બિહારના પટણા સાહિબની ટીકીટ ભાજપે કેન્દ્રીય પ્રધાનને ફાળવી દેતા લાંબા સમયથી ચાલી આવતી અટકળોનો હવે અંત આવી રહ્યો છે. મળતા નિર્દેશો મુજબ સુપ્રસિદ્ધ ફિલ્મ અભિનેતા અને ભાજપના હાલના સાંસદ શત્રુઘ્ન સિંહા કોંગ્રેસમાં જોડાઈ રહ્યા છે. સત્તાવાર જાહેરાત હવે ગમે તે ઘડીએ થશે. access_time 3:54 pm IST

  • સુરત : લસકાણા પાસેથી અમૃત નગર સોસાયટીમાંથી ઝડપાયું ડુપ્લીકેટ ગુટખાનું કારખાનું : પોલીસે દરોડા પાડીને 3 આરોપીની કરી ધરપકડ :રહેણાંક મકાનમાં ચાલતું હતું કારખાનું :પોલીસે મુદ્દામાલ જપ્ત કરીને કાર્યવાહી કરી. access_time 10:42 pm IST

  • ગુજરાત કોંગ્રેસ નેતાઓની નારાજગીથી પરેશાન:નારાજ નેતાઓને મનાવવા કોંગ્રેસની કવાયત,સ્થિતિ વધુ ખરાબ બને તે પહેલા કોંગ્રેસે પ્રયાસ શરૂ કર્યા :,નારાજગી માટે કોંગ્રેસમાં સંકલનનો અભાવ જવાબદાર. access_time 10:59 am IST