Gujarati News

Gujarati News

News of Wednesday, 20th January 2021

હવે ઘઉંમાં કવીન્ટલે રૂ.૨૦૦ થી ૨૫૦નો ધરખમ ઉછાળો

સપ્તાહ પહેલા કવીન્ટલે રૂ.૧૬૯૦ હતા, જે વધીને રૂ.૧૯૫૦એ પહોંચી ગયાઃ બેકરી, નમકીનની પ્રોડકટ મોંઘી બનશેઃ ગરીબ અને મધ્યમ વર્ગનો મરો

રાજકોટ, તા.૨૦: દિવસેને દિવસે મોંઘવારીનો રાક્ષસ ધુણી રહ્યો છે. જીવનજરૂરી ચીજ-વસ્તુઓમાં બેફામ ઉછાળો આવતા ગરીબ અને મધ્યમ વર્ગ મુસીબતમાં મુકાઈ ગયું છે. તેલ, મરચા સહિતની જીવનજરૂરી ચીજવસ્તુઓ બાદ હવે ઘઉંમાં પણ રૂ.૨૦૦ થી રૂ.૨૫૦નો ધરખમ ઉછાળો આવ્યો છે.

જાણકારો એવું કહે છે કે જાન્યુઆરી ફેબ્રુઆરીમાં ઘઉંની શોર્ટેજ જોવા મળતી હોય છે. જેના પરીણામ સ્વરૂપે ઘઉંના ભાવમાં વધારો થતો હોય છે. નિકાસ પણ એક કારણ છે.

હજુ એક સપ્તાહ પહેલા ઘઉંમાં કવીન્ટલે રૂ.૧૬૯૦ ભાવ હતો. જે આજે વધીને રૂ.૧૯૫૦એ પહોંચી ગયો છે. હજુ ભાવમાં વધારો આવશે. તેમ જાણકારોનું માનવું છે. ઘઉંના ભાવ વધવાથી ગરીબ અને મધ્યમ વર્ગને ફટકો લાગશે.

 આ ઉપરાંત બેકરી પ્રોડકટની સાથોસાથ મેંદાથી બનતી નમકીન આઈટમોમાં પણ મોંઘી બનશે. જે સિધો ગ્રાહકો ઉપર ઝીંકાશે. તેલ, ઘીના ભાવોમાં વધારો થતાં હોટલવાળા, રેસ્ટોરન્ટવાળા મુશ્કેલીમાં તો હતાં જ હવે ઘઉંમાં પણ ભાવ આસમાને પહોંચતા પરેશાનીમાં વધારો થતો છે.

(3:52 pm IST)
  • પશ્ચિમ બંગાળના શાંતીપૂર્ણ ધારાસભ્ય અરીન્દમ ભટ્ટાચાર્ય ભાજપમાં દાખલ થઈ ગયા : તેમણે કહ્નાં કે પશ્ચિમ બંગાળના યુવાનોનુ અત્યારે કોઈ ભવિષ્ય નથી અને અત્યારે તેમની પાસે કોઈ કામ નથી access_time 5:42 pm IST

  • તાંડવના નિર્માતા અને કલાકારો વિરૂદ્ધ મુંબઈના ઘાટકોપરમાં એફઆઈઆર દાખલ : મુંબઈના ઘાટકોપર પોલીસ સ્ટેશનમા તાંડવ વેબસીરીઝના નિર્માતાઓ અને કલાકારો વિરૂદ્ધ આઈપીસી કલમ ૧૫૩-એ, ૨૯૫-એ અને ૫૦૫-૨ હેઠળ એફઆઈઆર નોંધવામાં આવી છે access_time 5:09 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,183 કેસ નોંધાયા :કુલ કેસની સંખ્યા 1,06,10,632 થઇ :એક્ટિવ કેસ 1,90,498 થયા: વધુ 17,751 દર્દીઓ સ્વસ્થ થતા કુલ 1,02,62,843 થયા :વધુ 132 લોકોના મોત સાથે કુલ મૃત્યુઆંક 1,52,886 થયા access_time 1:13 am IST