Gujarati News

Gujarati News

News of Wednesday, 20th January 2021

કોલેજની બેદરકારીને લીધે પડેલી તકલીફ બદલ વિદ્યાર્થીને 25000 ચૂકવવા ગુજરાત હાઇકોર્ટનો આદેશ

વિધાર્થીને BAMS કોર્સમાં પ્રવેશ મેળવવા લાયક નથી અને ફીસ પાછી લઈ જવાની જાણ કરવાના કેસમાં આદેશ :એડમિશનને યથાવત રાખવાની માંગ સાથે દાખલ કરેલી અરજી ફગાવી

અમદાવાદ : નિયમો પ્રમાણે વિધાર્થીની લાયકાત ન હોવા છતાં કોલેજ દ્વારા તેને એડમિશન આપ્યા બાદ અચાનક જ ગુજરાત આયુર્વેદિક યુનિવર્સીટીએ વિધાર્થીને પત્ર થકી BAMS કોર્સમાં પ્રવેશ મેળવવા લાયક નથી અને ફીસ પાછી લઈ જવાની જાણ કરવાના કેસમાં ગુજરાત હાઈકોર્ટે કોલેજની બેદરકારીને લીધે વિધાર્થીને થયેલી તકલીફને લીધે જે.એસ. આયુર્વેદિક મહાવિદ્યાલયને વિધાર્થીને 25000 રૂપિયા ચૂકવવાનો આદેશ કર્યો

ગુજરાત હાઈકોર્ટે અરજદાર વિધાર્થી દ્વારા એડમિશન BAMS કોર્સમાં મળેલા એડમિશનને યથાવત રાખવાની માંગ સાથે દાખલ કરેલી અરજી ફગાવી દીધી છે. જોકે કોલેજની બેદરકારીને લીધે વિધાર્થીને પડેલી તકલીફને લીધે કોલેજને વિધાર્થીને 25000 રૂપિયા ચુકવવાનો આદેશ કર્યો છે. કોર્ટે કોલેજને વિધાર્થીએ BAMSમાં એડમિશન માટે ચૂકવેલી ફીસ પણ પરત કરવાનો આદેશ કર્યો છે.

આ મુદ્દે સરકારી વકીલ તરફે રજુઆત કરવામાં આવી હતી કે ઇન્ડિયન મેડિકલ સેન્ટ્રલ કાઉન્સિલ 2019ના નિયમો પ્રમાણે વિધાર્થીને BAMSમાં પ્રવેશ માટે ધોરણ -12ના ફિઝિક્સ, બાયોલોજી અને કેમેસ્ટ્રીમાં સંયુક્તપને 50 ટકાથી વધુ માર્ક્સ મેળવવા જોઈએ અને NEETમાં પણ 50 ટકાથી વધુ પરસેન્ટાઇલ આવવા જોઈએ. જોકે અરજદાર વિધાર્થીએ ધોરણ 12માં 43.90 ટકા મેળવ્યા છે, જેથી BAMSમાં પ્રવેશને લાયક નથી.

(12:35 am IST)
  • સમાજની સારી સુખાકારી માટે કોઈપણ આંદોલન લાંબો સમય ચાલે તે હિતકારી નથી: આરએસએસના જનરલ સેક્રેટરી સુરેશ ભૈયાજીએ ભારપૂર્વક કહ્યું છે access_time 11:47 am IST

  • ૩૦ જાન્યુઆરીએ દેશ આખો ૨ મિનિટ માટે થંભી જશે : ગાંધીજીને શ્રદ્ધાંજલી અપાશે : ૩૦ જાન્યુઆરીએ મહાત્મા ગાંધીજીનુ નિધન થયુ હતુ અને દર વર્ષે આ દિવસની શહીદ દિવસ તરીકે ઉજવણી કરવામાં આવે છે. આ વખતે કેન્દ્ર સરકારે તમામ રાજ્યોને આદેશ આપ્યો છે કે, દેશની આઝાદીમાં બલિદાન આપનારાઓની યાદમાં આ દિવસે બે મિનિટનુ મૌન રાખવામાં આવે અને સાથે- સાથે કામકાજ અને અવર- જવર પણ બંધ રાખવામાં આવે. ગૃહ મંત્રાલયના આદેશ પ્રમાણે ૩૦ જાન્યુઆરીએ સવારે ૧૧ વાગ્યે બે મિનિટનુ મૌન પાળવામાં આવશે અને સાથે સાથે કોઈ કામકાજ નહીં થાય તેમજ અવર જવર પણ નહીં કરવામાં આવે. જે જગ્યાઓ પર સાયરનની વ્યવસ્થા છે ત્યાં મૌન પાળવા માટે યાદ દેવડાવવા માટે સાયરન વગાડવામાં આવશે. કેટલીક જગ્યાએ આર્મીની તોપના ફાયરથી તેની યાદ દેવડાવવામાં આવશે. આ જ દિવસે ૧૯૪૮માં ગાંધીજીની નાથુરામ ગોડસેએ હત્યા કરી હતી. access_time 4:14 pm IST

  • ૨૦ જાન્યુઆરીએ બાઇડેન અમેરિકાના રાષ્ટ્રપતિ પદે તથા કમલા હેરિસ ઉપરાષ્ટ્રપતિ પદે શપથ લેશે. અમૃતસરના ચિત્રકાર જગજોતસિંહ રૂબાલે આ બન્ને મહાનુભાવોના ચિત્રો તૈયાર કર્યા હતા. સાથે સાથે તેમણે અમેરિકાના શરૂઆતથી આજ સુધીના રાષ્ટ્રપતિના ચહેરા પણ કળાત્મક રીતે દોર્યા હતા. access_time 10:16 am IST