Gujarati News

Gujarati News

News of Tuesday, 19th November 2019

વડોદરાના વાઘોડિયા તાલુકામા નદીમાંથી મળેલ અજાણ્યા યુવકની લાશનો ભેદ ઉકેલાયો: નશાની પાર્ટી બાદ હત્યાને અંજામ આપનાર મિત્ર સહિત કૌટુંબિક ભત્રીજાની ધરપકડ

વડોદરા:વાઘોડિયા તાલુકાના વેજલપુર ગામે દેવ નદીમાંથી મળેલ અજાણ્યા યુવાનની હત્યા થયેલી લાશની  ઓળખ બાદ હત્યાનો ભેદ પણ ઉકેલાયો છે. તવરા ગામના યુવાનની હત્યા વડોદરાના મિત્ર તેમજ તવરા ગામના  કુટુંબી ભત્રીજાએ કરી હોવાની વિગતોનો પર્દાફાશ થતાં પોલીસે બંનેની ધરપકડ કરી છે.

દેવ નદીના કિનારે અજાણ્યા યુવાનની  તા.૧૨ના રોજ હત્યા થયેલી લાશ મળી હતી.  વાઘોડિયા પોલીસે હત્યાનો ગુનો દાખલ કર્યા બાદ જિલ્લા એલસીબીની વિવિધ ટીમો દ્વારા યુવાનની ઓળખ મેળવવાના પ્રયાસો દરમિયાન તેનું નામ ગણપત ગોરધન વસાવા અને તવરા ગામનો રહીશ હોવાનું ખુલ્યું હતું. ગણપતના માતા-પિતા હયાત નહી હોવાથી તે અલગ અલગ જગ્યાએ મજૂરી કરતો હતો તેમજ મોટા ભાગે કરજણ ખાતે રહેતા મોટા બહેન સુધાબેનના ઘેર જતો પોતાના ઘેર ક્યારેક આવતો હતો તેવી વિગત પોલીસને મળી હતી. 

(5:36 pm IST)
  • આતંકીઓની જમ્મુ-કાશ્મીરને ધણધણાવાના પ્રયત્નોઃ રાજૌરીમાં આઇઇડી મળતા સુરક્ષાદળોએ સર્ચ ઓપરેશન હાથ ધર્યું : ત્રાસવાદીઓની એક વાર ફરી નાપાક પ્રયત્નો સામે આવ્યા છે : આર્મીની રોડ ઓપનિંગ પાર્ટીએ રાજૌરીમાં આઇઇડી જપ્ત કર્યોઃ સેનાનો બોમ્બ નાશક જુથ ઘટનાસ્થળે પહોંચી ચૂંકયું છે. access_time 3:56 pm IST

  • અત્યાર સુધી દિલ્હીના મુખ્યમંત્રી એકલા ઉધરસ ખાતા હતા હવે આખુ દિલ્હી ખાય છે : દિલ્હીમાં હવાઈ પ્રદુષણ મામલે ભાજપ સાંસદ પ્રવેશ વર્માનો કટાક્ષ : કોંગ્રેસ સાંસદ મનીષ તિવારીની પણ દિલ્હી સરકાર ઉપર તડાપીટ access_time 8:22 pm IST

  • રાજસ્થાનની સ્થાનીક ચૂંટણીઓમાં કોંગ્રેસ આગળ : : રાજસ્થાનમાં શનિવારે યોજાયેલી સ્થાનીક ચૂંટણીઓની મત ગણતરી આજ મંગળવારે ચાલુઃ બપોરે ૧૨ વાગ્યા સુધીમાં કોંગ્રેસ ૪૯૫ અને ભાજપ ૩૯૨ વોર્ડમાં વિજેતા access_time 4:08 pm IST