Gujarati News

Gujarati News

News of Tuesday, 19th November 2019

મોટા શહેરો મહાનગરોના ડી.પી. સાથે નાના નગરો-શહેરોના ડી.પી.ને પણ ત્વરાએ પરવાનગી : વિજયભાઇ રૂપાણી

વિરમગામનો ડી.પી. પ્લાન ર મહિનામાંજ મંજુર : સોૈરાષ્ટ્રના એન્ટ્રી પોઇન્ટ સમાન શહેરના વિકાસને વેગ મળશે

ગાંધીનગર તા ૧૯  : 'મુખ્યમંત્રી વિજયભાઇ રૂપાણીએ મોટા શહેરો મહાનગરો સાથે નાના નગરો-શહેરોના વિકાસની પણ સમ્યક વિકાસ નેમ સાથે વધુ ત્રણ ડેવલપમેન્ટ પ્લાનને મંજુરી આપી છે'.

''શ્રી વિજયભાઇ રૂપાણીએ અમદાવાદ જીલ્લાના વિરમગામ, વડોદરાના કરજણ અને સુરેન્દ્રનગરના થાનગઢ નગરોના વિકાસ પ્લાન મંજુર કર્યા છે.''

તદઅનુસાર, વિરમગામ નગરના  ડી.પી. ને માત્ર બે જ માસમાં મંજુરી અપાઇ છે. આ ડેવલપમેન્ટ પ્લાન મંજુર થતાં સોૈરાષ્ટ્રના એન્ટ્રી પોઇન્ટ ગણાતા વિરમગામ શહેરના વિકાસને વેગ મળતો થશે.

મુખ્યમંત્રીશ્રીએ વડોદરા જિલ્લાના કરજણ શહેરના વિકાસ નકશાને પણ અંતિમ (ફાયનલ) મંજુરી આપી છે. એટલુંજ નહીં, સુરેન્દ્રનગરના થાનગઢ શહેરના નકશાનું પ્રાથમિક જાહેરનામુ પ્રસિધ્ધ કરવા પણ અનુમતિ આપી છે. તેમણે સુરત મહાનગરની પ્રારંભિક ટી.પી.સ્કીમ નં.-૨૦, નાના વરાછા-કાપોૈદ્રાના બીજા ફેરફારને પણ મંજુર કરી છે. મુખ્યમંત્રીશ્રીએ જે ત્વરાએ આવા નાના નગરો-શહેરોના વિકાસ નકશાઓને રાજય સરકાર દ્વારા મંજુરી અપાય છે, તે જ ઝડપે વિકાસ નકશા મુજબના માળખાકીય સુવિધા સહિતના કામો થાય તે અંગે પણ અધિકારીઓને સુચન કર્યુ છે.

(11:42 am IST)
  • સ્વરસામગ્રી લતા મંગેશકરની તબિયત સ્થિર છે ,તેમને આઈસીયુમાં દાખલ કરવામાં આવ્યા છે access_time 10:00 pm IST

  • હું 50 વર્ષની થતા સબરીમાલા આવીશ : 9 વર્ષની બાળકીએ તખ્તી પર લખ્યો સંદેશ : સબરીમાલા મંદિરમાં પહોંચેલી બાળકીએ મેસેજ આપ્યો : કેરળમાં સબરીમાલા મંદિર જતી વેળાએ 9 વર્ષની બાળકીએ ગળામાં લટકતી તખ્તીમાં લખેલ સંદેશે સૌનું ધ્યાન ખેંચ્યું access_time 1:18 am IST

  • આતંકીઓની જમ્મુ-કાશ્મીરને ધણધણાવાના પ્રયત્નોઃ રાજૌરીમાં આઇઇડી મળતા સુરક્ષાદળોએ સર્ચ ઓપરેશન હાથ ધર્યું : ત્રાસવાદીઓની એક વાર ફરી નાપાક પ્રયત્નો સામે આવ્યા છે : આર્મીની રોડ ઓપનિંગ પાર્ટીએ રાજૌરીમાં આઇઇડી જપ્ત કર્યોઃ સેનાનો બોમ્બ નાશક જુથ ઘટનાસ્થળે પહોંચી ચૂંકયું છે. access_time 3:56 pm IST