Gujarati News

અમદાવાદ : રાજ્યના વરસાદની સત્તાવાર વિદાય બાદ સરકારે માનવ મોતનો આંકડો જાહેર કર્યો છે. રાજ્યમાં પડેલા ભારે વરસાદને કારણે કુલ 199 લોકોએ જીવ ગુમાવ્યા છે. જેમાં સૌથી વધુ અમદાવાદ જિલ્લામાં 20 લોકોએ પોતાનો જીવ ગુમાવ્યો છે.જયારે  મોરબીમાં 15 લોકોના મુશળધાર વરસાદને કારણે મોત થયા છે. મહત્વનું છે કે, વીજળી પડવાથી રાજ્યમાં કુલ 54 લોકોએ જીવ ગુમાવ્યો છે

   રાજ્યમાં ભારે વરસાદને કારણે 89 લોકોના પાણીમાં તણાવાથી મોત થયા છે. આ ઉપરાંત દિવાલ તેમજ વૃક્ષ પડવાને કારણે 56 લોકોએ પોતાનો જીવ ગુમાવ્યો છે. રાજ્યસરકારે પણ મૃતકોના પરિવારજનોને રૂપિયા 4 લાખની સહાય કરી છે. કુલ 179 પરિવારજનોને રૂપિયા 7 કરોડ 16 લાખની સહાય કરવામાં આવી છે.જયારે 9 જેટલા મૃતકોના પરિવારજનોને સહાય કરવાની હજુ બાકી છે.