Gujarati News

Gujarati News

News of Friday, 19th October 2018

ધાનેરા તાલુકા પંચાયતના વિસ્તરણ અધિકારી મકાન સહાય મંજુર કરવા માટે લાંચ લેતા ઝડપાયાઃ આસી.ડાયરેકટર કૃષ્ણકુમારસિંહ ગોહિલએ ચાર્જ સંભાળતા સાથે જ સપાટો બોલાવ્યો

રાજકોટઃ પ્રધાનમંત્રી આવાસ યોજના અંતર્ગત મકાન સહાય મંજુર કરવા માટે  રૂ. સાત હજારની લાંચ લેતાં ધાનેરા  ( જિ. બનાસકાંઠા) તાલુકા પંચાયતના વિસ્તરણ અધિકારી સુરેશભાઇ પટેલ એ.સી.બી.ના છટકામાં ઝડપાય ગયા છે.

એ.સી.બી. સુત્રોમાંથી સાપડતા નિર્દેશ મુજબ આ કામના ફરીયાદીએ પ્રધાનમંત્રી આવાસ યોજના અંતર્ગત મકાન સહાય મેળવવા માટે બે મહિના અગાઉ ફોર્મ ભરી જરૂરી દસ્તાવેજો સાથે ધાનેરા તાલુકા પંચાયત કચેરીએ જેની સામે આક્ષેપ થયો છે તેવા વિસ્તરણ અધિકારીને આપેલ.

આ કામના આરોપી ફરિયાદીની સહાય મંજુર ન કરતા બહાના બતાવી ધકકા ખવડાવી અંતે લાંચની માંગણી કરતા હોય આ કામના ફરીયાદી લાંચ આપવા માગતા ન હોય એસીબીનો સંપર્ક સાધતા બનાસકાંઠાના એસીબી પોલીસ સ્ટેશનના પો.ઇન્સ. કે.જે. પટેલે બોર્ડર એકમ ભુજના મદદનીશ નિયામક કૃષ્ણકુમારસિંહ ગોહિલના સુપરવિઝનમાં આ છટકુ ગોઠવ્યું હતુ. અત્રે યાદ રહે કે બોર્ડર એકમ ભુજના એસીબી મદદનીશ નિયામક તરીકે  કૃષ્ણકુમારસિંહ ગોહિલએ તાજેતરમાં જ બઢતી મેળવી ચાર્જ સંભાળ્યો છે.  કે.એચ.ગોહિલે રાજકોટના  એસીબી પી.આઇ. દરજજે કલાસ-વન અધિકારીઓને એસીબી જાળમંા સપડાવ્યા હતા.

(8:44 pm IST)
  • દિલ્હીમાં હવાનું પ્રદુષણ 'બહુત ખરાબ ':અધિકારીઓ મુજબ દિલ્હીમાં કેટલાય વિસ્તારોમાં પ્રદુષણની સ્થિતિ 'ગંભીર 'શ્રેણીની નજીક :દિલ્હીના પર્યાવરણ મંત્રી ઇમરાન હુસૈને નિરીક્ષણ માટે છ સદસ્યોની ટીમની રચના કરી :હવામાં વધતું પ્રદુષણ સ્વાસ્થ્ય માટે ગંભીર ખતરો access_time 1:14 am IST

  • ટ્રેન દુર્ઘટના બાદ નવજોત કૌર સિદ્ધુ હોસ્પિટલ પહોંચ્યા :દુર્ઘટના બની ત્યારે મેં સ્થળ છોડી દીધું હતું :ઇજાગ્રસ્તોને સારવાર મળે તેને પ્રાધાન્ય આપવું જોઈએ :જે લોકો આ બનાવ પર રાજકારણ કરી રહ્યા છે તેઓ શરમ આવવી જોઈએ;વિપક્ષના આક્ષેપનો નવજોત કૌર સિદ્ધુનો આકારો જવાબ access_time 1:10 am IST

  • રેલ રાજ્યમંત્રી મનોજ સિન્હા, રેલ્વે બોર્ડ પ્રમુખ અશ્વિની લોહાની, ઉત્તર રેલ્વેના જનરલ મેનેજર વાયુસેનાના વિશેષ વિમાનથી રાત્રે 11 કલાકે અમૃતસર જવા રવાના access_time 10:41 pm IST