Gujarati News

Gujarati News

News of Friday, 19th October 2018

નડિયાદમાં લૂંટના ઇરાદે આવેલ બે સભ્યોને પોલીસે રંગે હાથે દબોચ્યા

નડિયાદ:ના હાર્દસમા નાના કુંભનાથ વિસ્તારમાંથી ગત તા. ૬-૧૦-૨૦૧૮ની ભરબપોરે બે અજાણ્યા ઈસમો મહિલાને માથામાં મારી સોનાના દાગીનાની લૂંટ કરી મોટર સાયકલ ઉપર ફરાર થઈ ગયા હતા. આણંદ ટાઉન પોલીસે લૂંટમાં ફરાર બે ઈસમોને ઝડપી પાડ્યા હતા. આ બંને આરોપીનો નડિયાદ ટાઉન પોલીસે કબજો મેળવી લૂંટનો મુદ્દામાલ કબજે કરવા આરોપીઓને લઈ આંધ્રપ્રદેશ જવા રવાના થઈ છે.
નડિયાદ નાના કુંભનાથ રોડ ઉપર આવેલ બાવાજી સોસાયટીમાં રહેતા હેમાલીબેન કૃણાલભાઈ ભીંડે તથા તેમના કાકી દિવ્યાબેન પોતાની ભાણીનો જન્મદિવસ હોઈ એક્સીસ બેંક નડિયાદના લોકરમાં મૂકેલા સોનાના દાગીના લેવા એક્ટિવા લઈને ગયા હતા. તેઓ બેંકમાંથી સોનાના દાગીના લઈ ડીકીમાં મૂકી એક્ટિવા લઈ ઘરે આવ્યા હતા અને ઘર આગળ ઊભા રહી એક્ટિવાની ડીકીમાંથી સોનાના દાગીનાનું પર્સ કાઢતા હતા ત્યારે મોટર સાયકલ લઈ બે અજાણ્યા ઈસમો અચાનક ધસી આવ્યા હતા. આ ઈસમો પૈકી બાઈક પાછળ બેઠેલ ઈસમ મહિલા પાસેથી સોનાના દાગીનાનું પર્સ આંચકી ધક્કો મારી પાડી દઈ હેમાલીબેનને માથામાં ઈજા કરી મોટર સાયકલ ઉપર ફરાર થઈ ગયા હતા.
આ અંગે હેમાલીબેનની ફરિયાદ આધારે નડિયાદ ટાઉન પોલીસે ગુનો નોંધી સીસીટીવી ફૂટેજ મેળવી તપાસ હાથ ધરી હતી. આ દરમ્યાન ગત તા. ૧૨-૧૦-૨૦૧૮ના રોજ આણંદ ટાઉન પોલીસે ગુરૂદ્વારા સર્કલ પરથી પ્રસદ વેકટેસબુ પોલીસીટ્ટી (રે. મૂળ ટીપ્પા ભોગલ મંડળ, તા. કાવલી જિ. નેલ્લુર, આંધ્રપ્રદેશ, હાલ રે. જગાજી નગર સોસાયટી આજોડ વડોદરા) તથા ઈસરાઈસ ગંગાઈ પીટલા, (રે. ટીપ્પા કોલોની આંધ્રપ્રદેશ)ને શંકમદ હાલતમાં ઝડપી પાડ્યા હતા. આ બંને ઈસમોના રીમાન્ડ મેળવી પૂછપરછ કરતા આણંદમાં કારનો કાચ તોડી ચોરી કર્યા ઉપરાંત નડિયાદમાં મહિલાને માર મારી દાગીનાની લૂંટ કર્યાની કબૂલાત કરી હોવાની કબૂલાત કરી હતી. જેથી નડિયાદ ટાઉન પોલીસે બંને આરોપીઓનો ટ્રાન્સફર વોરંટથી કબજો મેળવી કોર્ટમાં રજૂ કરી તા. ૨૩-૧૦-૨૦૧૮ સુધીના રીમાન્ડ મેળવેલ છે. નડિયાદ ટાઉન પોલીસે લૂંટનો મુદ્દામાલ કબજો કરવા તેમજ આરોપીના સાથીદાર અનિલ રામલુ ગુંડેટીની અટક કરવા નડિયાદ ટાઉન પોલીસની એક ટીમ આરોપીઓને લઈ તપાસના કામે આંધ્રપ્રદેશ રવાના થઈ હોવાનું જાણવા મળ્યું છે.

(4:54 pm IST)
  • સુરેન્દ્રનગર:શહેરમાં પસાર થતી દુધરેજ નર્મદા કેનાલમાં અગમ્ય કારણોસર વૃદ્ધ દંપતીએ ઝંપલાવતા પતિનું મૌત નીપજ્યું :પાલિકા ફાયર ફાયટર ટિમ દ્વારા વૃધ્ધ પત્નીને બચાવી લેવામાં આવી:પોલીસે ધટના સ્થળે પહોંચી વધુ તપાસ હાથ ધરી access_time 8:38 pm IST

  • ટ્રેન દુર્ઘટના બાદ નવજોત કૌર સિદ્ધુ હોસ્પિટલ પહોંચ્યા :દુર્ઘટના બની ત્યારે મેં સ્થળ છોડી દીધું હતું :ઇજાગ્રસ્તોને સારવાર મળે તેને પ્રાધાન્ય આપવું જોઈએ :જે લોકો આ બનાવ પર રાજકારણ કરી રહ્યા છે તેઓ શરમ આવવી જોઈએ;વિપક્ષના આક્ષેપનો નવજોત કૌર સિદ્ધુનો આકારો જવાબ access_time 1:10 am IST

  • દિલ્હીમાં હવાનું પ્રદુષણ 'બહુત ખરાબ ':અધિકારીઓ મુજબ દિલ્હીમાં કેટલાય વિસ્તારોમાં પ્રદુષણની સ્થિતિ 'ગંભીર 'શ્રેણીની નજીક :દિલ્હીના પર્યાવરણ મંત્રી ઇમરાન હુસૈને નિરીક્ષણ માટે છ સદસ્યોની ટીમની રચના કરી :હવામાં વધતું પ્રદુષણ સ્વાસ્થ્ય માટે ગંભીર ખતરો access_time 1:14 am IST