Gujarati News

Gujarati News

News of Thursday, 18th October 2018

અમદાવાદ એરપોર્ટ પર સુરક્ષામાં ગફલત :કર્મચારીએ રન-વે પર મોબાઈલમાં શૂટિંગ કર્યું:બૂમો પાડીને મુસાફરોને બોલાવ્યા

રન વે પર સાથી કર્મચારીની મદદથી વિડિઓ ઉતારી વાયરલ કર્યો

અમદાવાદ એરપોર્ટ પર સુરક્ષામાં ગફલત :કર્મચારીએ રન-વે પર મોબાઈલમાં શૂટિંગ કર્યું:બૂમો પાડીને મુસાફરોને બોલાવ્યા

અમદાવાદ એરપોર્ટ પર સુરક્ષા વ્યવસ્થાની મોટી ચૂક બહાર આવી છે એરપોર્ટના એક કર્મચારીએ રન-વે પર ઊભેલા વિમાનોની આગળ ચાલતા-ચાલતા શૂટિંગ કર્યું છે. જેમાં તેનો અન્ય સાથી કર્મચારી પણ ભાગ લઈ રહ્યો છે

અમદાવાદ એરપોર્ટના વાયરલ થયેલા વીડિયોમાં એરપોર્ટનો કર્મચારી રન-વે પર ઊભેલા વિમાનો તરફ ઈશારા કરીને શટલિયા રીક્ષાચાલકની જેમ મુસાફરોને બોલાવી રહ્યો છે. કર્મચારીઓને એરપોર્ટ ટર્મિનલ પર મોબાઈલ લઈ જવાની મંજુરી નથી તેમ છતાં કર્મચારી મોબાઈલ લઈને છેક રન-વે સુધી કેવી રીતે પહોંચી ગયો છે.

તેણે રન-વે પર પોતાના સાથી કર્મચારીની મદદથી એક વીડિયો પણ ઉતાર્યો છે અને તેને વાયરલ કર્યો છે. વીડિયોમાં જે બે કર્મચારી જોવા મળી રહ્યા છે તેમાં બોલી રહેલા કર્મચારીની પાછળ એક ઈન્ડિયાનું વિમાન ઊભેલું દેખાય છે તો તેની સાથે વાત કરવા આવી રહેલા કર્મચારીને પાછળ એમિરાટ્સનું વિમાન ઊભેલું દેખાઈ રહ્યું છે

વીડિયોમાં કર્મચારી વિમાન તરફ ઈશારો કરીને શટલિયા રીક્ષાચાલકની જેમ મુસાફરોને બોલાવતાં બૂમો પાડી રહ્યો છે કે,  "ચલો ભાઈ... ચલો... નારોલ.. જુહાપુરા.. સાણંદ.. સાણંદ.. વટવા...
ચલો દાણીલીમડા.. દાણીલીમડા....".

કર્મચારી આવી બુમો પાડતો હોય છે ત્યાં તેનો સાથી કર્મચારી તેની પાસે આવે છે અને પુછે છે કે, " અરે ભાઈ, શાહીબાગ જાના હૈ". જેના જવાબમાં પેલો કર્મચારી બીજા વિમાન તરફ ઈશારો કરીને જણાવે છે કે, "ભાઈ, યહાં નહીં, વો શટલ તો વહાં ભરા રહી હૈ... વહાં જાઓ..". પેલો કર્મચારી આગળ જઈને ફરી પુછે છે કે, "ભાઈ, સ્પેશિયલ મેં નહીં ચલોગે."

કર્મચારી તેના તરફ ના પાડવાનો ઈશારો કરીને ફરીથી બૂમો પાડે છે, "ચલો ભાઈ વટવા.. વટવા.. ચલો 10-10 રૂપયે, ચલો 10-10 રૂપયે..."

10 રૂપિયામાં વિમાનની મુસાફરી કરાવી રહેલા કર્મચારી અંગે જ્યારે એરપોર્ટની સુરક્ષા એજન્સીને પુછવામાં આવ્યું તો તેમણે જણાવ્યું કે, તેમના જાણમાં આવી કોઈ ઘટના આવી નથી. તેઓ વાયરલ થયેલા વીડિયોની ચકાસણી કરશે અને કર્મચારીને શોધીને તેના ઉપર કાયદેસરની કાર્યવાહી કરવામાં આવશે

(12:44 am IST)
  • ટ્રેન દુર્ઘટના બાદ નવજોત કૌર સિદ્ધુ હોસ્પિટલ પહોંચ્યા :દુર્ઘટના બની ત્યારે મેં સ્થળ છોડી દીધું હતું :ઇજાગ્રસ્તોને સારવાર મળે તેને પ્રાધાન્ય આપવું જોઈએ :જે લોકો આ બનાવ પર રાજકારણ કરી રહ્યા છે તેઓ શરમ આવવી જોઈએ;વિપક્ષના આક્ષેપનો નવજોત કૌર સિદ્ધુનો આકારો જવાબ access_time 1:10 am IST

  • કચ્છ:ભુજની મુક્ત જીવન મહિલા કોલેજ હોસ્ટેલના સંચાલકો વિરૂધ્ધ ફરીયાદ :હોસ્ટેલમાં અભ્યાસ કરતી યુવતીને બિમાર હોવા છતા સારવાર ન કરાવ્યાની ફરીયાદ :ગઇકાલે બિમાર યુવતીના મોત બાદ તેના પિતાએ ભુજ એ ડીવીઝન પોલિસ મથકે ફરીયાદ નોંધાવી :STSC સેલના DYSP એ તપાસ શરૂ કરી access_time 8:37 pm IST

  • સુરેન્દ્રનગર:શહેરમાં પસાર થતી દુધરેજ નર્મદા કેનાલમાં અગમ્ય કારણોસર વૃદ્ધ દંપતીએ ઝંપલાવતા પતિનું મૌત નીપજ્યું :પાલિકા ફાયર ફાયટર ટિમ દ્વારા વૃધ્ધ પત્નીને બચાવી લેવામાં આવી:પોલીસે ધટના સ્થળે પહોંચી વધુ તપાસ હાથ ધરી access_time 8:38 pm IST