ઓલપાડના કરેલી ગામે ગાંજાનો જથ્થો ઝડપાયો:ગ્રામજનોએ કારનો પીછો કરીને આરોપીઓને પકડીને પોલીસ હવાલે કર્યા

News of Thursday, 19th September 2019

ઓલપાડના કરેલી ગામે ગાંજાનો જથ્થો ઝડપાયો:ગ્રામજનોએ કારનો પીછો કરીને આરોપીઓને પકડીને પોલીસ હવાલે કર્યા

કાર ચાલક ભાગવા જતા કાર પલટી: પોલીસ આવે ત્યાં સુધી ત્રણેય આરોપી પાસે ઉઠક- બેઠક પણ કરાવી

ઓલપાડના કરેલી ગામે ગાંજાનો જથ્થો મળી આવ્યો હતો, સ્થાનિકોએ શંકાના આધારે કારનો પીછો કરતા કાર માંથી ગાંજાનો જથ્થો મળી આવ્યો હતો,પોલીસે વધુ તપાસ હાથ ધરી છે આ અંગે મળતી વિગત મુજબ સુરત જીલ્લાના ઓલપાડના કારેલી થી કુડસદ જતા માર્ગ પર કરેલીના ખેડૂતોને છેલ્લા ૫ દિવસ થી એક વેગન આર કારની શંકાસ્પદ હિલચાલ નજરે આવી હતી,આજે ફરી કાર દેખાતા ગ્રામજનોએ કારને રોકી પૂછપરછ કરતા કાર ચાલક ભાગવા જતા કાર પલટી ગઈ હતી. જોકે ગ્રામજનો એ કારને તપાસ કરતા કાર માંથી ૨૨ કિલો જેટલો ગાંજાનો જથ્થો મળી આવતા ગ્રામજનોએ પહેલા સાયણ અને ત્યારબાદ કીમ પોલીસને જાણ કરી હતી, પોલીસ આવે ત્યાં સુધી ગ્રામજનોએ સજાના ભાગ રૂપે આ ત્રણેય આરોપી પાસે ઉઠ્ક બેઠક પણ કરાવી હતી ,જોકે પોલીસે વધુ આકરી પૂછપરછ કરતા નજીકમાં એક સોસાયટીના ઘર માંથી વધુ ૬ કિલો જેટલો ગાંજાનો જથ્થો મળી આવ્યો હતો. પોલીસ દ્વારા ગાંજો ક્યાંથી લવામાં આવ્યો છે અને ક્યાં લઈ જવામાં આવી રહ્યો હતો તે અંગે એસ.ઓ.જી પોલીસ વધુ તપાસ કરી રહી છે.