Gujarati News

બોરસદ:તાલુકાના કંકાપુરા ગામે ગત ૧૫મી તારીખના રોજ સાંજના સુમારે પતિ સાથે ભજીયા ખાવાની ના પાડનાર પત્નીનું પતિએ ગળુ દબાવીને હત્યા કરવાનો પ્રયાસ કરતાં ચકચાર મચી જવા પામી છે. આ અંગે વીરસદ પોલીસે હત્યાના પ્રયાસનો ગુનો દાખલ કરીને તપાસ હાથ ધરી છે. 

મળતી વિગતો અનુસાર કંકાપુરા ગામની ભચુડીયા તલાવડી પાસે પત્ની તથા સંતાન સાથે રહેતા અશ્વિનભાઈ જશવંતભાઈ પરમાર છુટક મજુરી તેમજ ડ્રાઈવીંગ કરીને જીવન ગુજરાન ચલાવે છે. ગત ૧૫મી તારીખના રોજ તેણે પત્ની ગીતાબેનને એમ જણાવ્યું હતુ કે, તુ ચા બનાવ હું ભજીયા લઈને આવું છુ. સાંજના છ વાગ્યાના સુમારે અશ્વિનભાઈ ભજીયા લઈને ઘરે આવ્યા હતા અને ગીતાબેને ચા બનાવી હતી.