Gujarati News

Gujarati News

News of Monday, 19th August 2019

સુરતમાં પાણી ભરેલા ડ્રમમાં પડતા બાળકનું નિપજેલ મોત

ઘરમાં રમતા રમતાં બાળક પાણીના ડ્રમમાં પડ્યો : કોર્ટમાં કેસ ચાલતો હોવાથી પત્ની બાળકની સાથે ભાઇના ઘરે રહેતી હતી : બાળકના પિતાએ મોતને લઇ પ્રશ્ન કર્યા

અમદાવાદ, તા.૧૮ : સુરતના ભટાર વિસ્તારમાં આવેલા આઝાદનગરમાં મામાને ત્યાં રહેતું બે વર્ષનું બાળક રમતા રમતા પાણી ભરેલા ડ્રમમાં પડી જતા તેનું કરૂણ મોત નીપજયુ હતું. ઘટનાની જાણ થતાં પોલીસ ઘટના સ્થળે પહોંચી ગઇ હતી અને સમગ્ર મામલે વધુ તપાસ હાથ ધરી હતી. જો કે, મૃતક બાળકના પિતાએ બાળકના મોતને લઇ ગંભીર સવાલો પણ ઉઠાવ્યા હતા. આ અંગે પ્રાપ્ત માહિતી મુજબ, સુરતના માન દરવાજા વિસ્તારમાં રહેતા યુસુફ પઠાણ અને તેની પત્ની વચ્ચે ઝઘડો થયો હોવાથી બંને છેલ્લા ૭ મહિનાથી અલગ રહેતા હતા. પત્ની તેના ભાઇના ઘરે બે વર્ષના પુત્ર યુનુસ સાથે રહેતી હતી. જેને લઇને સુરત કોર્ટમાં કેસ ચાલતો હતો. પરંતુ યુસુફ તેની પત્ની અને બાળકને લઇ જવા માટે તૈયાર ન હતો.

      આ દરમિયાન ટ્રિપલ તલાકનો કાયદો આવતા યુસુફ તેની પત્નીને લઇ જવા માટે તૈયાર થયો હતો. જો કે, ગઇકાલે શનિવારે બે વર્ષનો યુનુસ તેના મામાના ઘરે રમી રહ્યો હતો. ત્યારે રમતા રમતા તે ઘરમાં રાખેલા પાણી ભરેલા ડ્રમમાં પડી ગયો હતો. બીજી તરફ યુનુસ ઘરમાં ન મળતા પરિવારજનોએ તેની શોધખોળ શરૂ કરી હતી. એક કલાક બાદ યુનુસ ૩૫ લિટરના પાણી ભરેલા ડ્રમમાંથી મળી આવ્યો હતો. તુરંત જ તેને સુરતની ખાનગી હોસ્પિટલમાં ખસેડવામાં આવ્યો હતો. જ્યાં ડોક્ટર્સે તેને મૃત જાહેર કર્યો હતો. ત્યાંથી બાળકને સુરત સિવિલ હોસ્પિટલમાં લઇ ગયા હતા. જ્યાં પણ ડોક્ટર્સે બાળકને મૃત જાહેર કર્યો હતો.

      ઘટનાની જાણ થતાં ખટોદરા પોલીસ ઘટનાસ્થળે પહોંચી ગઇ હતી અને પરિવારજનોની પૂછપરછ કરીને આગળની કાર્યવાહી હાથ ધરી હતી. બીજીબાજુ, પોતાના બે વર્ષના બાળક  યુનુસના મોતને લઇ પિતા યુસુફ પઠાણે ગંભીર સવાલો ઉઠાવી તેનું મોત રહસ્યમય રીતે થયું હોવાની આશંકા વ્યક્ત કરી હતી. ઉપરાંત તેના મામા ૫ાંચ લાખ રૂપિયાની માંગણી કરતા હોવાના આક્ષેપ પણ કર્યાં હતા. જેથી પોલીસે હવે આ દિશામાં પણ તપાસ શરૂ કરી છે. મૃતક બાળક યુનુસના મામાએ જણાવ્યું હતું કે, યુસુફે અમારા પર કરેલા આક્ષેપો તદ્દન ખોટા છે. તે સાત મહિનાથી બાળકને મળવા પણ આવતો ન હતો અને મારી બહેનને લઇ જવા પણ તૈયાર ન હતો. ટ્રિપલ તલાકનો કાયદો આવતા ડરીને તે બહેનને લઇ જવા માટે તૈયાર થયો હતો. આમ, પોલીસ હવે બંને પક્ષોના આક્ષેપોની ખરાઇ કરી રહી છે.

(9:37 pm IST)
  • લાલુપ્રસાદ યાદવ આર્થારાઇટિસથી પીડિત :આરજેડીના અધ્યક્ષ લાલુયાદવની તબિયત લથડી : આર્થારાઇટિસની પીડિત હોવાને કારણે હાલવા ચાલવામાં તકલીફ ;રાંચી સ્થિત રિમ્સના ડોક્ટરોએ આ અંગે જાણકારી આપી access_time 1:02 am IST

  • આરજેડી નેતાએ નીતીશકુમારના કર્યા વખાણ :કહ્યું મોદીને આપી શકે છે પડકાર:આરજેડીના રાષ્ટ્રીય ઉપાધ્યક્ષ શિવાનંદ તિવારીએ બિહારના મુખ્યમંત્રી નીતીશકુમારની પ્રશસા કરતા કહ્યું કે નીતીશકુમાર પીએમ મોદીને પડકાર આપી શકે છે access_time 1:09 am IST

  • સરકારે અર્ધ સૈનિક દળની નિવૃત્તિ વયમર્યાદા નક્કી કરી ;હવે 60 વર્ષે થશે રિટાયર્ડ :ગૃહ મંત્રાલયનો આ આદેશ દિલ્હી હાઇકોર્ટના જાન્યુઆરીના ચુકાદા બાદ કરાયો :હાઇકોર્ટે કેન્દ્ર સરકીરને કહ્યું હતું કે તમામ રેન્ક માટે એક સેવા નિવૃત્તિ વાય નિર્ધારિત કરો access_time 1:02 am IST