Gujarati News

Gujarati News

News of Thursday, 19th July 2018

અમદાવાદમાં 60 લાખની વસ્તી સામે 40 લાખ વાહનો :રોજના 500 વાહનોનો ઉમેરો

પાંચ વર્ષમાં બીજા નવ લાખ વાહનોનો ઉમેરો થતા ટ્રાફિક અને પાર્કિંગની સમસ્યા અતિ વિકરાળ બનશે

અમદાવાદ શહેરમાં રોજના એવરેજ ૫૦૦ જેટલા નવા વાહનોનો ઉમેરો થઇ રહ્યો છે.ચાલુ વર્ષમાં ફેબુ્રઆરીથી મે સુધીના ચાર માસમાં  ૫૯,૪૭૮ નવા વાહનોનું વેચાણ થઇ ચૂક્યું છે.આ રીતે વેચાણ થયું તો  આવનારા પાંચ વર્ષમાં શહેરમાં બીજા નવ લાખ વાહનોનો ઉમેરો થતા ટ્રાફિક અને પાર્કિંગની સમસ્યા અતિ વિકરાળ બની રહેશે.હાલમાં શહેરમાં અંદાજે ૬૦ લાખની વસ્તી સામે ૪૦.૬૮ લાખ વાહનો છે

 શહેરમાં ૨૫,૭૫,૨૧૪ મોટર સાયકલ અને સ્કૂટરની સંખ્યા છે. ૨,૯૬,૩૪૧ મોપેડ અને ૧,૮૩,૨૯૫ ઓટો રિક્ષાઓની સંખ્યા છે. શહેરમાં ૬,૬૪,૦૮૯ ફોર વ્હિલર મોટર કારની સંખ્યા છે. શહેરમાં ગત ફેબ્રુઆરી માસથી મે માસ સુધીના ચાર માસમાં જ ૫૯,૪૭૮ વાહનોની સંખ્યા વધી ગઇ છે.જેમાં ફોર વ્હિલર મોટરકાર ૧૨,૩૮૮ વેચાણ થઇ છે. ૨,૫૪૨ ઓટો રિક્ષા, ૪૧,૫૬૧ મોટર સાયકલ-સ્કૂટર વેચાઇ ગયા છે.

 આમ શહેરમાં ખાનગી વાહનોની વધતી જતી સંખ્યા પણ એક ચિંતાનો વિષય બની છે. જે પણ ટ્રાફિકના પ્રશ્ન માટે એટલીજ જવાબદાર છે. શહેરમાં પબ્લિક પરિવહનની સેવાને વધુ સુદઢ અને મજબૂત બનાવવાથી ટ્રાફિકની સમસ્યાનો ઉકેલ લાવી શકાય તેમ છે.

(11:38 pm IST)
  • દેશમાં છેલ્લા ત્રણ વર્ષમાં રાજદ્રોહના આરોપમાં 179 લોકોની ધરપકડ :માત્ર બે લોકોને દોષિત સાબિત કરી શકાયા :કેન્દ્રીય ગૃહ મંત્રલાય દ્વારા સંસદને ઉપલબ્ધ કરાયેલ આંકડા પરથી સ્પષ્ટ થયું કે રાજ્યોની પોલીસ આરોપીઓ વિરુદ્ધ દોષ સાબિત કરવામાં નિષફળ નીવડી છે access_time 1:00 am IST

  • ડાંગમાં સાર્વત્રિક વરસાદથી અંબિકા નદીમાં પૂરની સ્થિતિ :કોઝવે પર પાણી ભરાતા છ ગામોને હાલાકી : ડાંગમાં પડેલા સાર્વત્રિક વરસાદને લઈને અંબિકા નદીમાં પુરની સ્થિતિ જોવા મળી રીહી છે. જિલ્લા બે કોઝ-વે પરથી પાણી વહી રહ્યા છે. કોઝ વે પર પાણી ભરાતા છ ગામોને અસર થઈ છે.કુમાર બંધ ના કોઝ વે પર છેલ્લા છ દિવસથી પાણી વહી રહ્યું છે access_time 1:56 pm IST

  • દેશના ટોચના સામાજિક કાર્યકર્તા સ્વામી અગ્નિવેશ સાથે મારકૂટ કરવાના મામલે આઠ લોકો સામે ગુન્હો દાખલ :ભાજપ કિશાન મોરચાના પ્રદેશ મંત્રી અનંત તિવારી,ભાજપ યુવા મોરચાના જિલ્લા અધ્યક્ષ પ્રસન્ના મિશ્રા,ભજપના જિલ્લા મહામંત્રી બલરામ ડૂબે,પાકુડના જિલ્લા મંત્રી ગોપી ડૂબે,બજરંગદળના પિન્ટુ મંડળ,અશોક પ્રસાદ,શિવકુમાર સાહા અને બદલ મંડળના નામનો સમાવેશ access_time 1:07 am IST