Gujarati News

Gujarati News

News of Thursday, 19th July 2018

શહેરમાં ત્રણ માસમાં ૧૫.૫૩ લાખની બોગસ નોટો જમા થઇ

ક્રાઇમબ્રાંચે સમગ્ર મામલે તપાસ હાથ ધરી : અમદાવાદની વિવિધ ૧૬ બેંકોમાં ૫૦૦-૨૦૦૦, ૧૦૦, ૫૦, ૨૦ના દરની બનાવટી નોટોને જમા કરવામાં આવી

અમદાવાદ, તા.૧૯ : શહેરની ૧૬ અલગ અલગ બેન્કોમાં રૂ. ૨૦૦૦ના દરથી લઈ રૂ.૧૦ ના દરની રૂ. ૧૫.૫૩ લાખની નકલી નોટ જમા થઇ હોવાની ચોંકાવનારી વિગતો ફરી એકવાર સામે આવતાં બેકીંગ ક્ષેત્રના અધિકારીઓ સહિત શહેર પોલીસ પણ હવે તેની તપાસમાં દોડતી થઇ છે. આશ્ચર્યની વાત તો એ છે કે, આ નકલી નોટોમાં રદ થયેલી રૂ. ૫૦૦ અને ૧૦૦૦ના દરની નોટો પણ બેન્કમાં પધરાવવામાં આવી છે. આ સમગ્ર મામલે એસઓજી ક્રાઇમબ્રાંચે જરૂરી ગુનો નોંધી વધુ તપાસ હાથ ધરી છે. એપ્રિલ ૨૦૧૮થી જૂન ૨૦૧૮ સુધીમાં રૂ.૨૦૦૦ના દરની ૧૮૯ નોટ સહિત અલગ અલગ દરની નકલી નોટ બેન્કમાં જમા થઈ હોવાનું બહાર આવ્યું છે. સૌથી વધુ રૂ.૧૦૦ના દરની નકલી નોટો આઈસીઆઈસીઆઈ બેન્કમાં જમા કરાવવામાં આવી છે. એસઓજી ક્રાઇમ બ્રાંચે આ અંગે ગુનો નોંધી તપાસ હાથ ધરી છે. ૧૬ જેટલી બેન્કમાંથી છેલ્લા ત્રણ મહિનામાં જ રૂ. ૧૫.૫૩લાખની નકલી નોટો મળી આવી છે. નકલી નોટો મોટી માત્રામાં બજારોમાં ફરતી થતી હોય છે અને ત્યાર બાદ ગ્રાહકો પાસે જતા તે લોકો બેન્કમાં જમા કરાવતા હોય છે. સામાન્યપણે આ નકલી નોટો ભારતીય ચલણ જેવી જ દેખાતી હોય છે પરંતુ ટેક્નિકલ વ્યુ સિવાય આ નોટને જલદી ઓળખી શકાતી નથી. બેન્કોમાં નવી ૨૦૦૦ના દરની ૧૮૯, ૫૦૦ના દરની ૧૯૦, ૧૦૦ના દરની ૨૨૫૮, ૫૦ના દરની ૧૫૫, ૨૦ના દરની ૦૬, ૧૦ના દરની ૦૨ નોટ જમા થઇ છે. આ ઉપરાંત સરકારે રદ કરેલી રૂ.૫૦૦ના દરની ૬૦૦ અને ૧૦૦૦ના દરની ૩૪૭ નોટો પણ બેન્કમાં પધરાવવામાં આવી છે. જેનો અર્થ એ છે કે હજી પણ બજારમાં રદ કરાયેલી નોટો ફરે છે અને તેઓ બેન્કમાં પધરાવી લોકો છેતરપિંડી આચરે છે. સૌથી વધુ નકલી નોટ આઈસીઆઈસીઆઈ બેન્કમાં જમા થઇ છે. જમા થયેલી નોટોમાં ૧૦૦ના દરની સૌથી વધુ નકલી નોટો હોવાનું બહાર આવ્યું છે. રદ થયેલી રૂ. ૫૦૦ અને ૧૦૦૦ના દરની નોટો બેન્ક ઓફ બરોડામાંથી મળી આવી છે.  દેશના અર્થતંત્રને આ નકલી નોટોથી ખૂબ જ મોટું નુકસાન પહોંચી શકે છે. બજારોમાં ફરતી આ નકલી નોટો આખરે બેન્કમાં જમા થતાં બેન્કના અધિકારીઓ પણ આ નકલી નોટોને ઓળખવામાં થાપખાઈ જાય છે. નકલી નોટો બેંકોમાં જમા કરાવવાના સમગ્ર પ્રકરણમાં એસઓજી ક્રાઇમબ્રાંચે હવે ઝીણવટભરી તપાસ હાથ ધરી છે.

(9:34 pm IST)
  • હવે બે દિવસ વરાપ રહેશેઃ કયાંક છૂટો છવાયો વરસી જાયઃ છેલ્લા કેટલાક દિવસોથી મેઘાવી માહોલ જોવા મળ્યો હતોઃ દરમ્યાન આજે ઘણા દિવસો બાદ રાજકોટ શહેરમાં સવારે સૂર્યનારાયણે દર્શન દીધા છેઃ હવામાન વિભાગ કહે છે હવે બે દિવસ વરાપ જોવા મળશે સિવાય કે એકાદ બે જગ્યાએ હળવો વરસી જાયઃ બે દિવસ બાદ એટલે કે ૨૧મીએ બંગાળની ખાડીમાં હવાનું હળવું દબાણ સર્જાશેઃ જેની અસર સૌરાષ્ટ્રમાં ૨૩-૨૪ જુલાઈના જોવા મળશે access_time 11:36 am IST

  • દેશના ટોચના સામાજિક કાર્યકર્તા સ્વામી અગ્નિવેશ સાથે મારકૂટ કરવાના મામલે આઠ લોકો સામે ગુન્હો દાખલ :ભાજપ કિશાન મોરચાના પ્રદેશ મંત્રી અનંત તિવારી,ભાજપ યુવા મોરચાના જિલ્લા અધ્યક્ષ પ્રસન્ના મિશ્રા,ભજપના જિલ્લા મહામંત્રી બલરામ ડૂબે,પાકુડના જિલ્લા મંત્રી ગોપી ડૂબે,બજરંગદળના પિન્ટુ મંડળ,અશોક પ્રસાદ,શિવકુમાર સાહા અને બદલ મંડળના નામનો સમાવેશ access_time 1:07 am IST

  • આઈએએસ અધિકારીઓ પર કેન્દ્ર સરકારનું દબાણ:રાજ્ય સરકારના પગલાં અને નિર્ણયોને અવરોધવા આઈએએસ અધિકારીઓ પર કેન્દ્ર સરકાર દબાણ કરતી હોવાનો દિલ્હીના નાયબ મુખ્ય મંત્રી મનીષ સિસોદિયાનો આક્ષેપ access_time 1:02 am IST