Gujarati News

Gujarati News

News of Thursday, 19th July 2018

ઠાસરા તાલુકાના બે ગામને જોડતો પૂલ તૂટવાના આરે આવ્યો

ઠાસરા: તાલુકાના બે ગામને જોડતો પુલ તુટવાને આરે આવીને ઉભો છે.આ પુલ પરથી આજુબાજુના ૧૦ થી વધુ ગામના લોકો અવરજવર કરે છે.પુલ વરસાદના કારણે વધુ જર્જરીત બન્યો છે.જેથી ગ્રામજનોને પસાર થવામાં જોખમકારક સાબિત થાય તેમ છે.

ઠાસરા તાલુકાના પીપલવાડા અને ભરથરી ગામને જોડતો પુલ અતિ બિસ્માર હાલતમાં છે.જેના કારણે દિપકપુરા,ધારેટા,ગુલાબપુરા,રાણીપોરડા જેવા અનેક ગામના ગ્રામજનો મુશ્કેલીમાં મુકાયા  છે.પીપલવાડાના ૧૦૦ થી વધુ બાળકો ભરથરી ખાતે આવેલ વિધામંદિર માધ્યામિક શાળામાં અભ્યાસ અર્થે આ પુલથી પસાર થાય  છે.તદઉપરાંત આ જાહેર રસ્તો હોવાથી આજુબાજુ ગામના ગ્રામજનો ેઅને વિધાર્થીઓ  આ પુલનો ઉપયોગ કરે છે.

તેમજ પીપલવાડા, દિપકપુરા, ધારેટા, ગુલાબપુરા ગામોની જાહેર જનતા આ રસ્તે થી સ્મશાન જવાનો એક માત્ર આ પુલ છે.આ જર્જરીત થયેલા પુલના નીચેના ભાગે આર.સી.સી ના પોપડા તેમજ લોખંડના સળીયા પણ બહાર આવી ગયા હોવાથી રાહદારીઓ માટે જોખમી સાબિત થઇ રહ્યો છે.જેના કારણે ભારે વાહનો માટે પુલ બંધ કરી દેવામાં આવ્યો છે.

(5:24 pm IST)
  • હવે બે દિવસ વરાપ રહેશેઃ કયાંક છૂટો છવાયો વરસી જાયઃ છેલ્લા કેટલાક દિવસોથી મેઘાવી માહોલ જોવા મળ્યો હતોઃ દરમ્યાન આજે ઘણા દિવસો બાદ રાજકોટ શહેરમાં સવારે સૂર્યનારાયણે દર્શન દીધા છેઃ હવામાન વિભાગ કહે છે હવે બે દિવસ વરાપ જોવા મળશે સિવાય કે એકાદ બે જગ્યાએ હળવો વરસી જાયઃ બે દિવસ બાદ એટલે કે ૨૧મીએ બંગાળની ખાડીમાં હવાનું હળવું દબાણ સર્જાશેઃ જેની અસર સૌરાષ્ટ્રમાં ૨૩-૨૪ જુલાઈના જોવા મળશે access_time 11:36 am IST

  • ડાંગ જિલ્લામાં ભારે વરસાદને કારણે 23 ગામો સંપર્કવિહોણાં:15 કોઝવે પાણીમાં ગરકાઉ access_time 8:50 pm IST

  • આખરે અંબાજીમાં વરુણ દેવને રીઝવવાની પ્રાર્થના ફળી: 3 ઈંચ વરસાદ ખાબક્યો access_time 8:50 pm IST