Gujarati News

Gujarati News

News of Thursday, 19th July 2018

વડોદરાના ફતેગંજ વિસ્તારમાં શાળાના વિદ્યાર્થીએ યુવતીની છેડતી કરતા ફરિયાદ

વડોદરા:શહેરના ફતેગંજ વિસ્તારમાં આવેલી શાનેન સ્કુલના માધ્યમિક વિભાગની એક વિદ્યાર્થીનીની  શાળામાં તેના જ ક્લાસના વિદ્યાર્થીઓએ છેડતી કરતા વિદ્યાર્થિનીના વાલીએ આ બનાવની ૧૮૧ મહિલા હેલ્પલાઈનમાં ફરિયાદ કરી હતી. આજે હેલ્પલાઈનના કાઉન્સિલરોએ શાળામાં તપાસ કરી હતી અને છેડતી કરનાર પાંચ વિદ્યાર્થીઓ અને તેઓના વાલીઓને મળ્યા હતા.

વિદ્યાર્થીઓ અને તેઓના વાલીઓએ આ બનાવ અંગે માફી માંગી હવે આ ઘટનાનું પુનરાવર્તન નહી થાય તેવી લેખિત ખાત્રી આપતા વિદ્યાર્થિનીના વાલીએ ફરિયાદ કરવાની ના પાડી હતી જેના પગલે મામલો થાળે પડયો હતો.

ફતેગંજ વિસ્તારમાં રહેતી કિશોરી ફતેગંજ વિસ્તારની શાનેન સ્કુલના માધ્યમિક વિભાગમાં અભ્યાસ કરે છે. ત્રણ દિવસ અગાઉ વિદ્યાર્થિનીની તેના જ કલાસમાં અભ્યાસ કરતાં પાંચ વિદ્યાર્થીઓએ શારીરિક છેડછાડ કરી છેડતી હતી. આ છેડતીના પગલે વિદ્યાર્થીની ડઘાઈ ગઈ હતી અને તેણે આ બનાવની ઘરે જાણ કરી હતી.

(5:19 pm IST)
  • ગંગા નદીની સફાઈ માટે કઈ જ થયું નથી : ઉત્તરાખંડ સરકાર સામે નેશનલ ગ્રીન ટ્રીબ્યુનલ નારાજ :એનજીટીએ કહ્યું ગંગાની હાલત ખુબ જ ખરાબ છે : અધિકારીઓના દાવા છતાં સ્થિતિમાં કોઈ સુધારો થયો નથી:નિયમિત દેખરેખની તાતી જરૂર છે access_time 11:52 pm IST

  • હવે બે દિવસ વરાપ રહેશેઃ કયાંક છૂટો છવાયો વરસી જાયઃ છેલ્લા કેટલાક દિવસોથી મેઘાવી માહોલ જોવા મળ્યો હતોઃ દરમ્યાન આજે ઘણા દિવસો બાદ રાજકોટ શહેરમાં સવારે સૂર્યનારાયણે દર્શન દીધા છેઃ હવામાન વિભાગ કહે છે હવે બે દિવસ વરાપ જોવા મળશે સિવાય કે એકાદ બે જગ્યાએ હળવો વરસી જાયઃ બે દિવસ બાદ એટલે કે ૨૧મીએ બંગાળની ખાડીમાં હવાનું હળવું દબાણ સર્જાશેઃ જેની અસર સૌરાષ્ટ્રમાં ૨૩-૨૪ જુલાઈના જોવા મળશે access_time 11:36 am IST

  • ડાંગમાં સાર્વત્રિક વરસાદથી અંબિકા નદીમાં પૂરની સ્થિતિ :કોઝવે પર પાણી ભરાતા છ ગામોને હાલાકી : ડાંગમાં પડેલા સાર્વત્રિક વરસાદને લઈને અંબિકા નદીમાં પુરની સ્થિતિ જોવા મળી રીહી છે. જિલ્લા બે કોઝ-વે પરથી પાણી વહી રહ્યા છે. કોઝ વે પર પાણી ભરાતા છ ગામોને અસર થઈ છે.કુમાર બંધ ના કોઝ વે પર છેલ્લા છ દિવસથી પાણી વહી રહ્યું છે access_time 1:56 pm IST