Gujarati News

Gujarati News

News of Thursday, 19th July 2018

અમદાવાદ એરપોર્ટ પોલીસ સ્ટેશનનું ગૃહમંત્રી પ્રદીપસિંહ જાડેજા દ્વારા ઉદ્ધઘાટન

લોકાર્પણ કાર્યક્રમમાં ડીજીપી શિવાનંદ ઝા અને શહેર કમિશ્નર એ.કે સિંહે પણ હાજરી આપી

 

અમદાવાદઃ આંતરરાષ્ટ્રીય હવાઈ મથક પરિસરમાં એરપોર્ટ પોલીસ સ્ટેશનનું ગૃહમંત્રી પ્રદિપસિંહ જાડેજા દ્વારા ઉદ્ઘાટન કરાયું હતું એરપોર્ટ પોલીસ સ્ટેશન એ શહેરનું 53મું પોલીસ સ્ટેશન બન્યું છે. લોકાર્પણ કાર્યક્રમમાં ડીજીપી શિવાનંદ ઝા અને શહેર કમિશ્નર એ.કે સિંહે પણ હાજરી આપી હતી.

 

પ્રદિપસિંહ જાડેજાએ જણાવ્યું હતું કે, દેશ-વિદેશનાં નાગરીકોને ફરીયાદ નોંધાવવા માટે સરદારનગર પોલીસ સ્ટેશન જવું પડતું હતું. પરંતુ હવે તેનાંથી લોકોને રાહત મળશે.

 એરપોર્ટ સુરક્ષાનાં દ્રષ્ટિકોણથી પણ સંવેદનશીલ હોવાંથી અહીંયાં હવે પોલીસ સ્ટેશન રાખવું અનિવાર્ય બન્યું છે.ઉલ્લેખનીય છે કે અગાઉનું સરદારનગર પોલીસ સ્ટેશન કે જે એરપોર્ટથી ૬ કિમી. દૂર હતું પરંતુ આ પોલીસ સ્ટેશન એરપોર્ટનાં પ્રાંગણમાં જ બન્યું છે.

(11:20 pm IST)
  • હવે બે દિવસ વરાપ રહેશેઃ કયાંક છૂટો છવાયો વરસી જાયઃ છેલ્લા કેટલાક દિવસોથી મેઘાવી માહોલ જોવા મળ્યો હતોઃ દરમ્યાન આજે ઘણા દિવસો બાદ રાજકોટ શહેરમાં સવારે સૂર્યનારાયણે દર્શન દીધા છેઃ હવામાન વિભાગ કહે છે હવે બે દિવસ વરાપ જોવા મળશે સિવાય કે એકાદ બે જગ્યાએ હળવો વરસી જાયઃ બે દિવસ બાદ એટલે કે ૨૧મીએ બંગાળની ખાડીમાં હવાનું હળવું દબાણ સર્જાશેઃ જેની અસર સૌરાષ્ટ્રમાં ૨૩-૨૪ જુલાઈના જોવા મળશે access_time 11:36 am IST

  • દેશના ટોચના સામાજિક કાર્યકર્તા સ્વામી અગ્નિવેશ સાથે મારકૂટ કરવાના મામલે આઠ લોકો સામે ગુન્હો દાખલ :ભાજપ કિશાન મોરચાના પ્રદેશ મંત્રી અનંત તિવારી,ભાજપ યુવા મોરચાના જિલ્લા અધ્યક્ષ પ્રસન્ના મિશ્રા,ભજપના જિલ્લા મહામંત્રી બલરામ ડૂબે,પાકુડના જિલ્લા મંત્રી ગોપી ડૂબે,બજરંગદળના પિન્ટુ મંડળ,અશોક પ્રસાદ,શિવકુમાર સાહા અને બદલ મંડળના નામનો સમાવેશ access_time 1:07 am IST

  • ડાંગમાં સાર્વત્રિક વરસાદથી અંબિકા નદીમાં પૂરની સ્થિતિ :કોઝવે પર પાણી ભરાતા છ ગામોને હાલાકી : ડાંગમાં પડેલા સાર્વત્રિક વરસાદને લઈને અંબિકા નદીમાં પુરની સ્થિતિ જોવા મળી રીહી છે. જિલ્લા બે કોઝ-વે પરથી પાણી વહી રહ્યા છે. કોઝ વે પર પાણી ભરાતા છ ગામોને અસર થઈ છે.કુમાર બંધ ના કોઝ વે પર છેલ્લા છ દિવસથી પાણી વહી રહ્યું છે access_time 1:56 pm IST