Gujarati News

Gujarati News

News of Wednesday, 19th June 2019

રાજ્યમાં જાહેર આરોગ્ય સેવાઓની ખામી મામલે હાઇકોર્ટે સરકારને નોટિસ ફટકારી

જાહેરહિતની અરજી થતા હાઇકોર્ટે ખર્ચના વિગતોનો અહેવાલ માંગ્યો

અમદાવાદ :રાજ્યમાં જાહેર આરોગ્ય સેવા મામલે હાઇકોર્ટમાં જાહેરહિતની અરજી દાખલ થઇ હતી. જેમાં કોમ્યુનિટી હેલ્થ સેન્ટર, પ્રાયમરી હેલ્થ સેન્ટર, સબ સેન્ટર અને જિલ્લા કક્ષાએ હોસ્પિટલોની મોટા પાયે ઊણપ હોવાની કોર્ટમાં રજૂઆત કરાઈ હતી અને તેને કારણે જાહેર આરોગ્ય જોખમમાં મુકાયું હોવાની પણ રજૂઆત હાઈકોર્ટમાં થઈ છે.

  અરજદારે હાઈકોર્ટ સમક્સ એવી પણ રજુઆત કરી કે જાહેર આરોગ્ય સેવાઓ માટે હેલ્થ વર્કર અને નર્સીસ, ડોક્ટર, સ્પેશ્યલાઇઝ્ડ ડોક્ટર્સ અને પેરામેડિકલ સ્ટાફની મોટે પાયે અછત છે અને સરકાર દર વર્ષે જાહેર આરોગ્ય સેવાઓ માટેનું બજેટ ઘટાડી રહી હોવાનો દાવો પણ કરવામા આવ્યો છે.
    અરજીના પગલે હાઈકોર્ટનો સરકારને નિર્દેશ આપ્યા છે..કહ્યુ કે જાહેર આરોગ્ય સેવાઓ માટે કેન્દ્ર સરકાર તરફથી કેટલું બજેટ ફાળવાય છે તેની વિગતો રજુ કરો. આરોગ્ય સેવાઓ પાછળ ફંડનું ક્યાં, કેવી રીતે એલોકેશન થયું તેની પણ હાઇકોર્ટે વિગતો માગી છે.

   હાઈકોર્ટે અરજદારને પણ નિર્દેશો કર્યા છે અને કહ્યુ કે આરોગ્ય સેવાઓ પાછળ કેટલો ખર્ચ થાય છે તે અંગેની વિગતોનો રિપોર્ટ અરજદાર પણ કોર્ટને આપે. આગામી સુનાવણીમાં સરકાર આ જાહેર આરોગ્ય સેવાની ઉણપ મામલે આજે હાઈકોર્ટે કરેલા નિર્દેશો બાદ સરકાર શુ વિગતો કોર્ટમા રજુ કરે છે જે જોવાનુ રહેશે.

(11:10 pm IST)
  • ગુજરાત રાજયસભાની ચૂંટણી : સુપ્રિમે ચુંટણી પંચને નોટીસ પાઠવી : રાજકોટઃ ગુજરાતમાં રાજયસભાની બે બેઠકો માટે અલગ અલગ બેલેટ પેપરથી એક જ દિવસમાં બે વખત મતદાન કરાવવાની ચૂંટણીપંચની જાહેરાતને કોંગ્રેસ પક્ષે સુપ્રિમમાં પડકારી છે. કોંગ્રેસની અરજી ઉપર આજે સુનાવણી હાથ ધરી ચૂંટણી પંચને સુપ્રિમે નોટીસ પાઠવી છે. વિશેષ સુનાવણી આવતા અઠવાડીયે મંગળવારે હાથ ધરાશે access_time 1:06 pm IST

  • એક દેશ-એક ચૂંટણી પર વિપક્ષની બેઠક રદ્દ પીએમની બેઠકમાં સામેલ થશે શરદ પવાર : વિપક્ષનું વલણ એક દેશ-એક ચૂંટણીના મુદ્દા પર નકકી કરવા માટે કોંગ્રેસ સહિત અન્ય વિપક્ષી પાર્ટીઓએ તેના પર બેઠક બોલાવી હતી પરંતુ તે હવે રદ્દ થઇ ગઇ છે જો કે NCP પ્રમુખ શરદ પવારે નિવેદન આપ્યુ છે કે તે વડાપ્રધાન દ્વારા બોલાવામાં આવેલી બેઠકમાં સામેલ થશે access_time 1:07 pm IST

  • મોડીરાત્રે અંક્લેશ્વરની વર્શા હોટલ પાસે અકસ્માત :સ્વીફ્ટ કારના ચાલકને ઇજા :હાઇવે પર બે કી.મી. લાંબો ટ્રાફિક જામ :જાનહાનિના કોઈ અહેવાલ નથી :વધુ વિગતો મેળવાઈ રહી છે access_time 12:57 am IST