Gujarati News

Gujarati News

News of Tuesday, 18th June 2019

વડોદરા : ખાળકૂવામાં 7 લોકોના મોત બાદ દર્શન હોટલ ને સીલ મારી દેવાયું :માલિક હસન અબ્બાસને ઝડપવા કવાયત

ડભોઈથી વડોદરા વચ્ચે આવતી તમામ હોટલ ઉપર સઘન ચેકિંગ

 

વડોદરા: ડભોઇમાં દર્શન હોટલમાં ખાળકૂવો સાફ કરતી વેળાએ સાત લોકોના મોત નિપજ્યા બાદ દર્શન હોટલને  નાયબ કલેકટર દ્વારા સીલ મારી દેવાયું છે આરોપી હોટલ માલિકને પકડવા કવાયત હાથ ધરાઈ છે

  આ  ગોઝારી ઘટનામાં વડોદરાના ડભોઇ દર્શન હોટેલ ખાતે ખારકુવો સાફ કરવા માટે ઉતરેલા સાત જેટલા સફાઈ કર્મચારીઓ મૃત્યુ પામ્યા હતા. જેને લઇ આરોપી હોટલ માલિક હસન અબ્બાસને પોલીસ દ્વારા પકડવાના ચક્રો ગતિમાન કર્યા છે, પરંતુ આજે ચાર દિવસ વીતી ગયા બાદ પણ હજી સુધી આરોપી પકડમાં આવ્યો નથી.

 જિલ્લા કલેકટરના આદેશથી નાયબ કલેકટર હેમાશું પરીખ દ્વારા હોટલ દર્શનને સીલ મારવાની તજવીજ હાથ ધરવામાં આવી હતી. તેમજ ડભોઈથી વડોદરા વચ્ચે આવતી તમામ હોટલ ઉપર સઘન ચેકિંગ હાથ ધરવામાં આવ્યું હતું. અને ફાયર સેફટી અને સુરક્ષાના સાધનોની તપાસ હાથ ધરવામાં આવી હતી. જે હોટલમાં સુરક્ષાના સાધનો ન હોતા તેઓને તાત્કાલિક અસરથી વસાવાની ફરજ પાડવામાં આવી હતી.

   બીજી બાજુ ડભોઇ પોલીસ દ્વારા પણ 4 ટીમો બનાવી હોટલ માલિકના રહેણાંક સ્થળે તેમજ તેઓની બીજી બ્રાન્ચ ઓફ પર સર્ચ ઓપરેશન હાથ ધરવામાં આવ્યું છે. અને તેઓ વહેલી તકે પોલીસ પકડમાં આવી જાય તે દિશામાં તપાસ હાથ ધરવામાં આવી છે.

(12:33 am IST)
  • લોધીકામાં ૦II ઈંચ : સૌરાષ્ટ્રના ૧૨ તાલુકામાં હળવા-ભારે ઝાપટા : રાજકોટ સહિત સૌરાષ્ટ્ર - કચ્છમાં મેઘાવી માહોલ વચ્ચે હળવો - ભારે વરસાદ વરસી રહ્યો છે. આજે સાંજે ૪:૩૦ વાગ્યા સુધીમાં લોધીકામાં અડધો ઈંચ વરસાદ વરસ્યો છે. જયારે ઉમરાળા, વલ્લભીપુર, જામકંડોરણા, ગોંડલ, પડધરી, રાજકોટ, બોટાદ, ઉના, ભેસાણ, જૂનાગઢ, મેંદરડા અને વિસાવદરમાં હળવા - ભારે ઝાપટા વરસ્યા છે. access_time 4:46 pm IST

  • ગુજરાત રાજયસભાની ચૂંટણી : સુપ્રિમે ચુંટણી પંચને નોટીસ પાઠવી : રાજકોટઃ ગુજરાતમાં રાજયસભાની બે બેઠકો માટે અલગ અલગ બેલેટ પેપરથી એક જ દિવસમાં બે વખત મતદાન કરાવવાની ચૂંટણીપંચની જાહેરાતને કોંગ્રેસ પક્ષે સુપ્રિમમાં પડકારી છે. કોંગ્રેસની અરજી ઉપર આજે સુનાવણી હાથ ધરી ચૂંટણી પંચને સુપ્રિમે નોટીસ પાઠવી છે. વિશેષ સુનાવણી આવતા અઠવાડીયે મંગળવારે હાથ ધરાશે access_time 1:06 pm IST

  • એક રાષ્ટ્ર, એક ચૂંટણીના મામલે દિલ્હીમાં સર્વપક્ષીય બેઠક બેઠકમાં અમિત શાહ, રાજનાથસિંહ, સુખબીરસિંઘ બાદલ, શરદ પવાર, જગન રેડ્ડી, નીતિશકુમાર, ફારૂખ અબ્દુલ્લા, પાસવાન, ઓવૈસી સહિતના અગ્રીમ હરોળના નેતાઓની હાજરી : મમતા બેનર્જી ગેરહાજર રહ્યા access_time 6:09 pm IST